ಯಾದಗಿರಿ | ಬಾರದ ಮಳೆ; ಆಗಸದತ್ತ ರೈತರ ಮುಖ

ಮುಂಗಾರಿಗೆ ಅಲ್ಪಾವಧಿ ಹೆಸರು ಉದ್ದು ಬಿತ್ತನೆಗೆ ಮೃಗಶಿರ ಮಳೆ ಉತ್ತಮ. ನಿರೀಕ್ಷಿತ ಮಳೆಯಾಗದ ಕಾರಣ ಬಿತ್ತನೆ ಸಮಯವೂ ಮುಗಿದೆ. ತೊಗರಿ ಹತ್ತಿ ಬಿತ್ತನೆಗೆ ತಿಂಗಳ ಸಮಯವಿದ್ದು ಉತ್ತಮ ಮಳೆ ನಿರೀಕ್ಷಿಸಬಹುದು

ಈ ಬಾರಿಯ ಮುಂಗಾರು ವಿಳಂಬದಿಂದ ಜಮೀನಿನಲ್ಲಿ ತೇವಾಂಶವೇ ಇಲ್ಲ. ಹೆಸರು ಉದ್ದು ಬಿಟ್ಟು ಹತ್ತಿ ತೊಗರಿ ಬೆಳೆಯುವ ಪರಿಸ್ಥಿತಿ ಬಂದಿದೆ. ರೈತರ ಮೇಲೆ ವರುಣ ಮುನಿಸಿಕೊಂಡಿದ್ದಾನೆ.

ಜೂನ್ 4 ರಂದು ಮುಂಗಾರು ಪ್ರವೇಶವಾಗುವ ನಿರೀಕ್ಷೆ ಇತ್ತು. ಆದರೆ ಈ ಸಲ ಮುಂಗಾರು ವಿಳಂಬವಾಗುತ್ತಿದೆ. ಮಳೆ ಬರಬಹುದೆನ್ನುವ ಮುನ್ಸೂಚನೆ ಹವಾಮಾನ ಇಲಾಖೆ ನೀಡಿದೆ.

ಮಳೆ ಕೈಗೊಡುತ್ತಿದೆ. ರೈತ ಕಂಗಾಲಾಗಿದ್ದಾನೆ. ಜಲಾಶಯದಲ್ಲಿ ನೀರಿನ ಸಂಗ್ರಹ ಮಟ್ಟವೂ ಕಡಿಮೆ ಇದೆ. ಸರ್ಕಾರ ಈ ಬಗ್ಗೆ ತುರ್ತು ಸಭೆ ನಡೆಸಬೇಕು. ರೈತರ ನೆರವಿಗೆ ಬರಬೇಕು.