ಸಿಬಿಎಸ್‌ಇ ಪರೀಕ್ಷೆ: ಒಎಂಆರ್‌ ಹಾಳೆಯಲ್ಲಿ ಉತ್ತರಿಸುವುದು ಹೇಗೆ?

ಭಾಗ– 5

. ನಾವು ಈ ಸಂಚಿಕೆಯ ಭಾಗ-1 ರಲ್ಲಿ, ಈ ಬಾರಿಯ ಸಿ.ಬಿ.ಎಸ್.ಇ. ಪರೀಕ್ಷೆಗಳ ಬಗ್ಗೆ ಹಾಗೂ ಈ ಪರೀಕ್ಷೆಗಳ ರಚನೆಯ ಬಗ್ಗೆ ತಿಳಿದಿದ್ದೇವೆ. ಈ ಬಾರಿಯ ಮೊದಲನೆಯ ಅವಧಿಯ ಪರೀಕ್ಷೆ, ಅಂಕಗಳು ಹಾಗೂ ಇತರ ವಿವರಗಳ ಬಗ್ಗೆಯೂ ಭಾಗ-1 ರಲ್ಲಿ ವಿವರಣೆಯನ್ನು ಕೊಟ್ಟಿದೆ.

. ನಿಮಗೆ ಈಗಾಗಲೇ ತಿಳಿದಿರುವಂತೆ ಈ ಬಾರಿಯ ಮೊದಲನೆಯ ಅವಧಿಯ ಸಿಬಿಎಸ್ಇ ಪರೀಕ್ಷೆಯಲ್ಲಿ ಎಲ್ಲ ಪ್ರಶ್ನೆಗಳೂ ಬಹು ಆಯ್ಕೆ ಉತ್ತರದ ಪ್ರಶ್ನೆಗಳಾಗಿರುತ್ತವೆ. ಹಾಗಾಗಿ, ಈ ಪ್ರಶ್ನೆಗಳಿಗೆ ಉತ್ತರಿಸಲು ಸಿ.ಬಿ.ಎಸ್. ಇ. ಯು ಇದೇ ಮೊದಲ ಬಾರಿಗೆ, ಈ ಮೊದಲನೆಯ ಅವಧಿಯ ಪರೀಕ್ಷೆಯಲ್ಲಿ ಒಎಮ್ಆರ್ ಹಾಳೆಗಳನ್ನು ಪರಿಚಯಿಸುತ್ತಿದೆ. ವಿದ್ಯಾರ್ಥಿಗಳು ಇದೇ ಮೊದಲ ಬಾರಿಗೆ ಈ ಪರೀಕ್ಷೆಯಲ್ಲಿ ಒಎಮ್ಆರ್ ಹಾಳೆಗಳನ್ನು ಉಪಯೋಗಿಸುತ್ತಿರುವುದರಿಂದ ಅದರ ಬಗ್ಗೆ ಸಂಪೂರ್ಣ ತಿಳುವಳಿಕೆ ನೀಡಲು ಸಿಬಿಎಸ್ಇ ಯು ತನ್ನ ಸುತ್ತೋಲೆಯಲ್ಲಿ ಈ ಕೆಳಕಂಡ ವಿವರಗಳನ್ನು ಒದಗಿಸಿದೆ.

. 1. ವಿದ್ಯಾರ್ಥಿಗಳ ವಿವರಗಳನ್ನು ( ಹೆಸರು, ತಂದೆಯ ಹೆಸರು, ವಿಷಯ, ಕ್ರಮ ಸಂಖ್ಯೆ ಇತ್ಯಾದಿ) ಮೊದಲೇ ತುಂಬಲಾಗಿರುತ್ತದೆ.

. 2. ವಿದ್ಯಾರ್ಥಿಗಳು ಪ್ರಶ್ನ ಪತ್ರಿಕೆಯ ಸಂಖ್ಯೆಯನ್ನು ಒಎಮ್ಆರ್ ಹಾಳೆಯ ಮೇಲಿನ ಬಲ ತುದಿಯಲ್ಲಿ ಮೀಸಲಿಟ್ಟ ಸ್ಥಳದಲ್ಲಿ ಬರೆಯಬೇಕು.

. 3. ಒಎಮ್ಆರ್ ಹಾಳೆಯ ಕೆಳಭಾಗದಲ್ಲಿ ನಿಗಧಿಪಡಿಸಿರುವ ಸ್ಥಳದಲ್ಲಿ ವಿದ್ಯಾರ್ಥಿಯು ತನ್ನ ಸ್ವಹಸ್ತದ ಬರವಣಿಗೆಯಲ್ಲಿ ಈ ಕೆಳಗೆ ಕೊಟ್ಟಿರುವ ವಾಕ್ಯವನ್ನು ಬರೆಯಬೇಕು ಮತ್ತು ಸಹಿ ಮಾಡಬೇಕು.

. “I Confirm that all particulars given above are correct”

. 4. ಒಎಮ್ಆರ್ ಹಾಳೆಯನ್ನು ತುಂಬಲು ನೀಲಿ ಅಥವಾ ಕಪ್ಪು ಬಣ್ಣದ ಬಾಲ್ ಪಾಯಿಂಟ್ ಪೆನ್ನನ್ನು ಮಾತ್ರಾ ಉಪಯೋಗಿಸಬೇಕು.

. 5. ಒಎಮ್ಆರ್ ಹಾಳೆಯಲ್ಲಿ ಯಾವುದೇ ಕಾರಣಕ್ಕೂ ಪೆನ್ಸಿಲ್ ಅನ್ನು ಉಪಯೋಗಿಸಿ ಬರೆಯುವಂತಿಲ್ಲ. ಹಾಗೇನಾದರೂ ಬರೆದರೆ, ಅದನ್ನು ಪರೀಕ್ಷಾನೀತಿಯ ಉಲ್ಲಂಘನೆ ಎಂದು ಪರಿಗಣಿಸಿ, ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತದೆ ಎಂದು ಸಿಬಿಎಸ್ಇ ಯು ತನ್ನ ಸುತ್ತೋಲೆಯಲ್ಲಿ ತಿಳಿಸಿದೆ.

. ಒಎಮ್ಆರ್ ಹಾಳೆಯಲ್ಲಿ ಉತ್ತರಿಸುವಾಗ ಈ ಕೆಳಕಂಡ ಮುಖ್ಯ ಅಂಶಗಳನ್ನು ಗಮನಿಸಿ, ಅಳವಡಿಸಿಕೊಳ್ಳಿ.

. 1. ಯಾವುದೇ ವಿಷಯದ ಪರೀಕ್ಷೆಯಾದರೂ, ಓ.ಎಮ್.ಆರ್. ಹಾಳೆಯಲ್ಲಿ 60 ಪ್ರಶ್ನೆಗಳಿಗೆ ಉತ್ತರಿಸಲು ಸ್ಥಳಾವಕಾಶವಿರುತ್ತದೆ. ವಿದ್ಯಾರ್ಥಿಗಳು ಆ ವಿಷಯಕ್ಕೆ ಅನ್ವಯವಾಗುವ ಗರಿಷ್ಠಪ್ರಶ್ನೆಗಳಿಗೆ ಇಲ್ಲಿ ಕ್ರಮವಾಗಿ ಉತ್ತರಿಸಬೇಕು.

. 2. ವಿದ್ಯಾರ್ಥಿಗಳು ಕ್ರಮ ಸಂಖ್ಯೆ ಹಾಗೂ ಗರಿಷ್ಠ ಉತ್ತರಗಳ ಬಗ್ಗೆ ಹೆಚ್ಚಿನ ಗಮನವನ್ನು ಕೊಟ್ಟು ಉತ್ತರಿಸಬೇಕು. ಏಕೆಂದರೆ, ಅಗತ್ಯಕ್ಕಿಂತ ಹೆಚ್ಚು ಪ್ರಶ್ನೆಗಳಿಗೆ ಉತ್ತರಿಸಿದರೆ (ಸರಿಯಾದ ಉತ್ತರವಿದ್ದರೂ) ಅದನ್ನು ಮೌಲ್ಯಮಾಪನಕ್ಕಾಗಿ ಪರಿಗಣಿಸಲಾಗುವುದಿಲ್ಲ.

. ಉದಾಹರಣೆ : ಒಂದು ವಿಷಯದ ಪರೀಕ್ಷೆಯಲ್ಲಿ ಗರಿಷ್ಠ 40 ಪ್ರಶ್ನೆಗಳಿಗೆ ಉತ್ತರಿಸಬೇಕು ಎಂದಿಟ್ಟುಕೊಳ್ಳಿ, ಇಲ್ಲಿ ಒಬ್ಬ ವಿದ್ಯಾರ್ಥಿಯು 45 ಪ್ರಶ್ನೆಗಳಿಗೆ ಉತ್ತರಿಸಿದರೂ, ಮೊದಲ 40 ಪ್ರಶ್ನೆಗಳ ಉತ್ತರವನ್ನು ಮಾತ್ರ ಪರಿಗಣಿಸಲಾಗುತ್ತದೆ.

. ಹೀಗೆ, ಉತ್ತರಿಸುವಾಗ, ಒಂದುವೇಳೆ, ವಿದ್ಯಾರ್ಥಿಯ ಮೊದಲ 3 ಉತ್ತರಗಳು ತಪ್ಪಾಗಿದ್ದು ( ಉದಾ: ಪ್ರಶ್ನೆ 1,3,7 ಎಂದುಕೊಳ್ಳೋಣ) 41,42,43 ಕ್ರಮ ಸಂಖ್ಯೆಯ ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರಿಸಿದ್ದರೂ ಈ ಉತ್ತರಗಳನ್ನು (ಅಂದರೆ 41,42,43 ಪ್ರಶ್ನೆಗಳ ಉತ್ತರಗಳನ್ನು) ಪರಿಗಣಿಸುವುದಿಲ್ಲ ( ಏಕೆಂದರೆ ಇಲ್ಲಿ, ಮೊದಲ 40 ಉತ್ತರಗಳನ್ನು ಮಾತ್ರ ಪರಿಗಣಿಸಲಾಗುತ್ತದೆ)

. ಹಾಗಾಗಿ, ವಿದ್ಯಾರ್ಥಿಗಳು ಸರಿಯಾಗಿ ಯೋಚಿಸಿ, ಎಷ್ಟು ಪ್ರಶ್ನೆಗಳಿಗೆ ಉತ್ತರಿಸಬೇಕೋ ಅಷ್ಟಕ್ಕೆ ಮಾತ್ರಾ ಕ್ರಮಾನುಗತವಾಗಿ ಉತ್ತರಿಸಿ.

. 3. ಪ್ರತಿಯೊಂದು ಪ್ರಶ್ನೆಯ ಕ್ರಮ ಸಂಖ್ಯೆಯ ಮುಂದೆ, ಉತ್ತರಿಸಲು 4 ವೃತ್ತಗಳನ್ನು ಕೊಟ್ಟಿರುತ್ತದೆ. ವಿದ್ಯಾರ್ಥಿಯು ಸರಿಯಾದ ಆಯ್ಕೆಯ ವೃತ್ತವನ್ನು ನೀಲಿ ಅಥವಾ ಕಪ್ಪು ಬಾಲ್ ಪಾಯಿಂಟ್ ಪೆನ್ನಿನಿಂದ ಸರಿಯಾಗಿ ತುಂಬಬೇಕು.

. 4. ಈ ನಾಲ್ಕೂ ವೃತ್ತಗಳ ನಂತರ, ಒಂದು ಚೌಕಾಕೃತಿಯ (ಆಯತ) ಖಾಲೀ ಸ್ಥಳವನ್ನು ಕೊಟ್ಟಿರುತ್ತದೆ. ಇಲ್ಲಿ ಸರಿಯಾದ ಆಯ್ಕೆಯನ್ನು ಬರೆಯಬೇಕು.

. ಯಾವುದೋ ಒಂದು ಪ್ರಶ್ನೆಗೆ ಸರಿ ಉತ್ತರ c ಎಂದುಕೊಳ್ಳೋಣ, ಆಗ c ಯ ವೃತ್ತವನ್ನು ಸರಿಯಾಗಿ ತುಂಬಬೇಕು ಹಾಗೂ ಈ ಚೌಕದಲ್ಲಿ c ಎಂದೂ ಬರೆಯಬೇಕು.

. ಒಂದುವೇಳೆ, ಕೇವಲ ವೃತ್ತವನ್ನು ತುಂಬಿ ಈ ಚೌಕವನ್ನು ತುಂಬದಿದ್ದರೆ ಆ ಪ್ರಶ್ನೆ ಮತ್ತು ಉತ್ತರವನ್ನು ಪರಿಗಣಿಸಲಾಗುವುದಿಲ್ಲ ಮತ್ತು ವಿದ್ಯಾರ್ಥಿಯು ಈ ಪ್ರಶ್ನೆಗೆ ಉತ್ತರಿಸಿಲ್ಲ ಎಂದು ಪರಿಗಣಿಸಲಾಗುತ್ತದೆ.

. ಒಂದುವೇಳೆ, ವೃತ್ತವನ್ನು ತುಂಬದೇ, ಚೌಕದಲ್ಲಿ ಮಾತ್ರಾ ಉತ್ತರಿಸಿದ್ದರೆ ಆ ಪ್ರಶ್ನೆಯನ್ನು ಪರಿಗಣಿಸಲಾಗುತ್ತದೆ.

. ಹಾಗಾಗಿ, ವೃತ್ತವನ್ನು ತುಂಬುವುದು ಮತ್ತು ಚೌಕದಲ್ಲಿ ಸರಿ ಉತ್ತರವನ್ನು ಬರೆಯುವುದು ಎರಡೂ ಮುಖ್ಯ.

. ಒಂದೊಮ್ಮೆ ವಿದ್ಯಾರ್ಥಿಯು ತಪ್ಪು ವೃತ್ತವನ್ನು ತುಂಬಿದ್ದರೆ ಸರಿ ಪಡಿಸಿಕೊಳ್ಳಲು ಸಹಾಯಕವಾಗಲು ಈ ಚೌಕವನ್ನು ಕೊಡಲಾಗಿದೆ.

. ಚೌಕದಲ್ಲಿರುವ ಉತ್ತರವೇ ಅಂತಿಮ ಎಂದು ಪರಿಗಣಿಲಾಗುತ್ತದೆ. ಹಾಗಾಗಿ ವಿದ್ಯಾರ್ಥಿಗಳು ವೃತ್ತವನ್ನು ಮೊದಲು ತುಂಬಿ ನಂತರ ಆ ಉತ್ತರವು ಸರಿಯಾಗಿದೆ ಎಂದು ಮತ್ತೊಮ್ಮೆ ಖಚಿತಪಡಿಸಿಕೊಂಡ ಮೇಲೆ ಈ ಚೌಕವನ್ನು ತುಂಬಿ.

. 5. ಈ ನಾಲ್ಕೂ ವೃತ್ತಗಳು ಮತ್ತು ಚೌಕದ ನಂತರ ಮತ್ತೊಂದು ವೃತ್ತವನ್ನು ಕೊಡಲಾಗಿದೆ. ಯಾವ ಪ್ರಶ್ನೆಗಳಿಗೆ ಉತ್ತರಿಸುವುದಿಲ್ಲವೋ ಆ ಪ್ರಶ್ನೆಗಳ ಕ್ರಮಾಂಕಗಳಿಗೆ ಈ ವೃತ್ತವನ್ನು ತುಂಬಬೇಕು.

. ಉದಾಹರಣೆಗೆ : 4 ನೆಯ ಪ್ರಶ್ನೆಗೆ ಉತ್ತರಿಸದಿದ್ದರೆ ಆಗ 4ನೆಯ ಪ್ರಶ್ನೆಯ ಈ ವೃತ್ತವನ್ನು ತುಂಬಬೇಕು. ಅಂದರೆ, ವಿದ್ಯಾರ್ಥಿಯು ನಾಲ್ಕನೆಯ ಪ್ರಶ್ನೆಗೆ ಉತ್ತರಿಸಿಲ್ಲ ಎಂದು ಅರ್ಥ.

. 6. ಒಂದುವೇಳೆ, ಪ್ರಶ್ನೆಯ ನಾಲ್ಕೂ ವೃತ್ತಗಳು, ಚೌಕ ಮತ್ತು ಐದನೆಯ ವೃತ್ತ ಎಲ್ಲವನ್ನೂ ಖಾಲಿ ಬಿಟ್ಟಿದ್ದರೆ, ಆ ಪ್ರಶ್ನೆಗೆ ವಿದ್ಯಾರ್ಥಿಯು ಉತ್ತರಿಸಿಲ್ಲ ಎಂದು ಪರಿಗಣಿಸಲಾಗುತ್ತದೆ.

. ಹೀಗೆ, ಈ ಮೇಲಿನ ಎಲ್ಲ ವಿಷಯಗಳನ್ನೂ ಸರಿಯಾಗಿ ತಿಳಿದುಕೊಂಡು ಇನ್ನೇನಾದರೂ ಸಂದೇಹಗಳಿದ್ದರೆ ನಿಮ್ಮ ಶಿಕ್ಷಕರಿಂದ ತಿಳಿದುಕೊಂಡು ಓ.ಎಮ್.ಆರ್. ಹಾಳೆಗಳಲ್ಲಿ ಸರಿಯಾಗಿ ಆತ್ಮ ವಿಶ್ವಾಸದಿಂದ ಉತ್ತರಿಸಿ. ಶುಭವಾಗಲಿ.

. ( ಲೇಖಕರು : ನಿರ್ದೇಶಕರು, ಸ್ಮಾರ್ಟ್ ಸೆರೆಬ್ರಮ್ ಪ್ರೈವೇಟ್ ಲಿಮಿಟೆಡ್)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿಬಿಎಸ್‌ಇ ಪರೀಕ್ಷೆ: ಒಎಂಆರ್‌ ಹಾಳೆಯಲ್ಲಿ ಉತ್ತರಿಸುವುದು ಹೇಗೆ?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ