LS Polls Results:ಕಡಿಮೆಯಾದ ಗೆಲುವಿನ ಅಂತರ; ವಾರಾಣಸಿಯಲ್ಲಿ ಪ್ರಧಾನಿ ಮೋದಿಗೆ ಜಯ

ವಾರಾಣಸಿ: ಉತ್ತರ ಪ್ರದೇಶದ ವಾರಾಣಸಿ ಕ್ಷೇತ್ರದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಗೆಲುವು ಸಾಧಿಸಿದ್ದಾರೆ. 1,52,513 ಮತಗಳ ಅಂತರದಲ್ಲಿ ಗೆಲುವು ಕಂಡಿದ್ದಾರೆ. 

ವಾರಾಣಸಿಯಲ್ಲಿ 3ನೇ ಬಾರಿಗೆ ಮೋದಿ ಗೆಲುವು ಸಾಧಿಸಿದ್ದಾರೆ. ಈ ಬಾರಿ ಅವರು 6,12,970 ಮತಗಳನ್ನು ಪಡೆದಿದ್ದಾರೆ  ಅಜಯ್‌ ರಾಯ್‌ ಅವರು ಮೋದಿ ಎದುರಾಳಿಯಾಗಿ ವಾರಾಣಸಿಯಲ್ಲಿ ಸ್ಪರ್ಧಿಸಿದ್ದರು. ಇವರು 4,60,457 ಮತಗಳನ್ನು ಪಡೆದಿದ್ದಾರೆ.

ಮೋದಿಯವರು 2014ರಲ್ಲಿ ಮೊದಲ ಬಾರಿ ವಾರಾಣಸಿಯಲ್ಲಿ ಸ್ಪರ್ಧಿಸಿದ್ದಾಗ 3,71,000 ಮತಗಳ ಅಂತರದಲ್ಲಿ ಹಾಗೂ 2019ರಲ್ಲಿ  4,79,505 ಮತಗಳ ಅಂತರದಲ್ಲಿ ಗೆದ್ದಿದ್ದರು.