ಬೆಳಗಾವಿ: ಬೆಳಗಾವಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಜಗದೀಶ ಶೆಟ್ಟರ್ ಅವರ ಆಸ್ತಿಯಲ್ಲಿ ಕಳೆದ ಒಂದು ವರ್ಷದಲ್ಲಿ ಹೆಚ್ಚೇನೂ ವ್ಯತ್ಯಾಸ ಕಂಡು ಬಂದಿಲ್ಲ.
ಕಳೆದ ಬಾರಿ ಅವರ ಇಡೀ ಕುಟುಂಬದ ಆಸ್ತಿ ₹13.51 ಕೋಟಿ ಎಂದು ತೋರಿಸಿದ್ದರು. ಈ ಸಲ ₹13.82 ಕೋಟಿ ತೋರಿಸಿದ್ದಾರೆ. ತಮ್ಮ ಬಳಿ ₹12.45 ಕೋಟಿ ಹಾಗೂ ಪತ್ನಿ ಶಿಲ್ಪಾ ಬಳಿ ₹92.10 ಲಕ್ಷದ ಆಸ್ತಿ ಇದೆ. ₹2.63 ಕೋಟಿ ಚರಾಸ್ತಿ, ₹9.82 ಕೋಟಿ ಸ್ಥಿರಾಸ್ತಿ ಇದೆ. ಪತಿ ಪತ್ನಿ ಶ್ರೀಮಂತರಾದರೂ ಇಬ್ಬರ ಬಳಿಯೂ ಯಾವುದೇ ವಾಹನವಿಲ್ಲ. ₹57.26 ಲಕ್ಷ ಸಾಲ ಮಾಡಿದ್ದಾರೆ. ಯಾವುದೇ ಅಪರಾಧ ಪ್ರಕರಣಗಳಲ್ಲೂ ಭಾಗಿ ಆಗಿಲ್ಲ.
