ಸ್ಲಿಮ್‌ ಆದ ಶೆರಿನ್
ಅಕ್ಷರ ಗಾತ್ರ :ಆ |ಆ |ಆ
‘ಭೂಪತಿ‘ ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ಗೆ ಜೋಡಿಯಾಗಿ ಮಿಂಚಿದ್ದ ನಟಿ ಶೆರಿನ್ ಶೃಂಗಾರ್ ತೂಕ ಇಳಿಸಿಕೊಂಡು ತೆಳ್ಳಗಾಗಿರುವ ಫೋಟೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಒಂದು ವರ್ಷದ ಅವಧಿಯಲ್ಲಿ ಈ ’ಭೂಪತಿ‘ಯ ಸುಂದರಿ ಸುಮಾರು 10 ಕೆ.ಜಿ. ತೂಕ ಇಳಿಸಿಕೊಂಡಿದ್ದಾರೆ. ಈ ಹಿಂದೆ ದಪ್ಪಗಿದ್ದ ಪೋಟೊ ಮತ್ತು ಈಗ ಸಣ್ಣಗಾಗಿರುವ ಫೋಟೊವನ್ನು ಕೊಲಾಜ್‌ ಮಾಡಿ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
'ಒಂದು ವರ್ಷದಲ್ಲಿ 10 ಕೆ.ಜಿ ತೂಕ ಇಳಿಸಿಕೊಂಡ ನಂತರ ನಾನು ಹೀಗೆ ಕಾಣಿಸುತ್ತಿದ್ದೇನೆ. ಈ ಹಿಂದೆ ನಾನು ಕಾಣಿಸುತ್ತಿದ್ದ ರೀತಿಯ ಬಗ್ಗೆಯೂ ನನಗೆ ಖುಷಿಯಿದೆ. ತೂಕ ಇಳಿಸಿಕೊಳ್ಳುವುದು ತುಂಬಾನೇ ಸುಲಭ. ಆದರೆ ಜನರು ಮಾತನಾಡುವುದನ್ನು ನಿಲ್ಲಿಸಲು ಸುಲಭವಲ್ಲ. ನಾವು ಒಬ್ಬರನ್ನು ಖುಷಿ ಪಡಿಸಬಹುದು, ಇನ್ನೊಬ್ಬರ ಮನಸ್ಸಿಗೆ ನೋವಾಗುವಂತೆಯೂ ಮಾತನಾಡಬಹುದು' ಎಂದು ಫೋಟೊ ಜತೆ ಅಡಿಬರಹ ಬರೆದುಕೊಂಡಿದ್ದಾರೆ.
ಈ ಫೋಟೊ ಶೇರ್ ಆದ ಕೆಲವೇ ನಿಮಿಷಗಳಲ್ಲಿ ವೈರಲ್ ಆಗಿ 2 ಲಕ್ಷಕ್ಕೂ ಹೆಚ್ಚು ಮೆಚ್ಚುಗೆ ಪಡೆದುಕೊಂಡಿದೆ. ಶೆರಿನ್ ಗೆಳೆಯರು, ಅಭಿಮಾನಿಗಳು ಈ ಟ್ರಾನ್ಸಫಾರ್ಮೇಶನ್‌ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ.
ಈ ಹಿಂದೆ ಶೆರಿನ್ ದಪ್ಪವಿರುವ ಫೋಟೊಗೆ ಟ್ರೋಲಿಗರು 'ಆಂಟಿ' ಎಂದು ಗೇಲಿ ಮಾಡಿದ್ದರು. ಈ ಬಗ್ಗೆ ಟ್ರೋಲಿಗರನ್ನು ತರಾಟೆಗೆ ತೆಗೆದುಕೊಂಡಿದ್ದ ಶೆರಿನ್, 'ನಾವು ಹೇಗೆ ಕಾಣಿಸುತ್ತೀವಿ ಎಂದು ಜನರು ಬೇಗ ಜಡ್ಜ್‌ ಮಾಡುತ್ತಾರೆ. ಇಂಥ ಕೆಟ್ಟ ದೃಷ್ಟಿಯಿಂದ ನೋಡುವವರ ಜತೆಯೇ ನಾವು ಬದುಕಬೇಕು. ನಾವು ಹೇಗಿದ್ದೇವೋ ಹಾಗೆಯೇ ಒಪ್ಪಿಕೊಂಡು ಪ್ರೀತಿಸಿ' ಎಂದು ಉತ್ತರಿಸಿದ್ದರು.
ಶೆರಿನ್ ತೂಕ ಇಳಿಸಿಕೊಂಡ ಫೋಟೊ ಶೇರ್ ಮಾಡಿದ ನಂತರ ಅನೇಕರು ‘ಡಯಟ್ ಟಿಪ್ಸ್‌‘ ಕೇಳುತ್ತಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಶೆರಿನ್, IGTV ವಿಡಿಯೊ ಮೂಲಕ ಟಿಪ್ಸ್‌ ಶೇರ್ ಮಾಡಿಕೊಂಡಿದ್ದಾರೆ. 'ನಾನು ತೂಕ ಇಳಿಸಿಕೊಳ್ಳಲು ಮಾಡಿದ ಈ ಕಸರತ್ತು, ಡಯೆಟ್ ನಿಮಗೆ ವರ್ಕ್ ಆಗದೇ ಇರಬಹುದು. ಹಾಗಾಗಿ, ಮೊದಲು ನಿಮ್ಮ ವೈದ್ಯರನ್ನು ಸಂಪರ್ಕಿಸಿ. ಆ ನಂತರ ಡಯೆಟ್ ಶುರು ಮಾಡಬೇಕು' ಎಂದು ಸಲಹೆ ನೀಡಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
