ಕನ್ನಡದ ನಟ, ರಾಕಿಂಗ್‌ ಸ್ಟಾರ್‌ ಯಶ್‌ ಅಭಿನಯದ ಕೆಜಿಎಫ್–2 ಸಿನಿಮಾ ಇದೀಗ ದೇಶದಾದ್ಯಂತ ಜನಮನ್ನಣೆ ಗಳಿಸಿದೆ. ಜಗತ್ತಿನಾದ್ಯಂತ 10 ಸಾವಿರಕ್ಕೂ ಅಧಿಕ ಪರದೆಗಳಲ್ಲಿ ಬಿಡುಗಡೆಯಾಗಿರುವ ಈ ಚಿತ್ರ, ಗಲ್ಲಾಪೆಟ್ಟಿಗೆಯಲ್ಲಿ ₹ 800 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ ಎಂಬ ವರದಿಗಳು ಹರಿದಾಡುತ್ತಿವೆ.
ಈ ಚಿತ್ರದ ಹಲವು ಡೈಲಾಗ್‌ಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೋಲ್‌, ರೀಲ್ಸ್‌ಗಳಿಗೆ ಬಳಕೆಯಾಗಿವೆ. ಬಾಲಿವುಡ್‌ನ ಬಳುಕುವ ಬಳ್ಳಿ ಶಿಲ್ಪಾ ಶೆಟ್ಟಿ ಕೂಡ, ಕೆಜಿಎಫ್ ಸಿನಿಮಾ ಡೈಲಾಗ್ ಹೇಳಿ ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ.
ಕುಟುಂಬದವರೊಂದಿಗೆ ಸಿನಿಮಾ ನೋಡಿ, ಚಿತ್ರಮಂದಿರದಿಂದ ಹೊರಬಂದ ಶಿಲ್ಪಾ ಅವರನ್ನುಸಿನಿಮಾದಲ್ಲಿನ ನಿಮ್ಮ ನೆಚ್ಚಿನ ಡೈಲಾಗ್ ಯಾವುದು ಎಂದುಮಾಧ್ಯಮದವರು ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ನಟಿ,ಯಶ್‌ ಸ್ಟೈಲ್‌ನಲ್ಲೇ 'ವೈಲೆನ್ಸ್‌, ವೈಲೆನ್ಸ್‌, ವೈಲೆನ್ಸ್‌...' ಎಂದು ಡೈಲಾಗ್ ಹೇಳಿದ್ದಾರೆ.
