ಈ ಕುರಿತು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಬರೆದುಕೊಂಡಿರುವ ಅಲಿಯಾ, ಇದು ಖಂಡಿತ ಅಸಹ್ಯದ ಕೆಲಸ. ಎಲ್ಲ ಮಿತಿಗಳು ದಾಟುವ ಕೆಲಸವಾಗಿದೆ. ಸಾಮಾನ್ಯ ಮಹಿಳೆ ಅಥವಾ ಸೆಲೆಬ್ರೆಟಿ ಎಂಬುದನ್ನು ಒಂದು ಕ್ಷಣ ಪಕ್ಕಕ್ಕಿಟ್ಟು ಮಹಿಳೆಯೊಬ್ಬಳು ಅವಳದ್ದೇ ಮನೆಯಲ್ಲಿ ಸುರಕ್ಷಿತ ಭಾವನೆಯಿಂದ ಇರಲು ಸಾಧ್ಯವಿಲ್ಲ ಎಂದರೆ ಏನರ್ಥ ಎಂದು ಯೋಚಿಸಿ. ನಾನು ನನ್ನ ಮನೆಯ ಒಳಗೆ ಕುಳಿತಿದ್ದೆ. ಯಾರೋ ನನ್ನನ್ನು ಗಮನಿಸುತ್ತಿದ್ದಾರೆ ಎನಿಸಿತು. ಹೊರಬಂದು ನೋಡಿದರೆ ಪಕ್ಕದ ಕಟ್ಟಡದಲ್ಲಿ ಇಬ್ಬರು ನನ್ನ ಕಡೆ ಕ್ಯಾಮೆರಾ ಆನ್ ಮಾಡಿ ನಿಂತಿದ್ದರು. ಇದು ಯಾವ ರೀತಿಯಲ್ಲಿ ಸರಿಯಾದ ಹೆಜ್ಜೆ? ಖಾಸಗಿ ತನಕ್ಕೆ ತಂದ ಧಕ್ಕೆಯಲ್ಲವೇ? ಎಂದಿದ್ದಾರೆ. ಜೊತೆಗೆ ಮುಂಬೈ ಪೊಲೀಸರನ್ನು ಟ್ಯಾಗ್ ಮಾಡಿ ವಿಷಯ ತಲುಪಿಸುವ ಯತ್ನ ಮಾಡಿದ್ದಾರೆ.