ವಿಶ್ವ ಚಾಂಪಿಯನ್‌ಷಿಪ್‌: ಕಂಚಿನ ಪದಕ ಗೆದ್ದ ಸಾತ್ವಿಕ್‌–ಚಿರಾಗ್

ಪ್ಯಾರಿಸ್ : ಭಾರತದ ಅಗ್ರಮಾನ್ಯ ಬ್ಯಾಡ್ಮಿಂಟನ್ ಜೋಡಿ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರು ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಪುರುಷರ ಸಿಂಗಲ್ಸ್ ಕಂಚಿನ ಪದಕ ಪಡೆದರು.

ಶನಿವಾರ ಸಂಜೆ ನಡೆದ ಸೆಮಿಫೈನಲ್ನಲ್ಲಿ ಭಾರತದ ಜೋಡಿಯು 19-21, 21-18, 12-21ರಿಂದ ಚೀನಾದ 11ನೇ ಶ್ರೇಯಾಂಕದ ಚೆನ್ ಬೊ ಯಾಂಗ್ ಮತ್ತು ಲೀ ಯಿ ಅವರ ಎದುರು ಮಣಿಯಿತು. 67 ನಿಮಿಷಗಳವರೆಗೆ ನಡೆದ ಪಂದ್ಯದಲ್ಲಿ ಮೊದಲ ಗೇಮ್ನಲ್ಲಿ ನಿಕಟ ಪೈಪೋಟಿ ಕಂಡುಬಂದಿತು. ಇದರಲ್ಲಿ ಚೀನಾದ ಜೋಡಿಯು ಪ್ರಯಾಸದ ಜಯ ಸಾಧಿಸಿತು.

ಆದರೆ ಎರಡನೇ ಗೇಮ್ನಲ್ಲಿ ಸಾತ್ವಿಕ್ ಮತ್ತು ಚಿರಾಗ ಜೋಡಿಯು ತಿರುಗೇಟು ನೀಡಿತು. ಕೇವಲ ಮೂರು ಅಂಕಗಳ ಅಂತರದಿಂದ ಗೇಮ್ನಲ್ಲಿ ಭಾರತದ ಆಟಗಾರರು ರೋಚಕ ಜಯ ಸಾಧಿಸಿದರು. ಆದರೆ ಚೀನಾ ಆಟಗಾರರು ಮೂರನೇ ಮತ್ತು ನಿರ್ಣಾಯಕ ಗೇಮ್ಸ್ನಲ್ಲಿ ತೋರಿದ ಚಾಕಚಕ್ಯತೆ ಮತ್ತು ಪರಸ್ಪರ ಹೊಂದಾಣಿಕೆಯ ಆಟಕ್ಕೆ ಮೇಲುಗೈ ಲಭಿಸಿತು. ಇದರಿಂದಾಗಿ ಭಾರತದ ಜೋಡಿಯು ಸೋಲಿಗೆ ಶರಣಾಗಬೇಕಾಯಿತು.

ಚಿರಾಗ್ ಜೋಡಿಯು ಒಂದೊಮ್ಮೆ ಜಯಿಸಿದ್ದರೆ ವಿಶ್ವ ಚಾಂಪಿಯನ್ಷಿಪ್ ಫೈನಲ್ ತಲುಪಿದ ಭಾರತದ ಮೊದಲ ಡಬಲ್ಸ್ ಜೋಡಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗುತ್ತಿತ್ತು. ಈ ಜೋಡಿಗೆ ಚಾಂಪಿಯನ್ಷಿಪ್ ಇತಿಹಾಸದಲ್ಲಿ ಎರಡನೇ ಕಂಚಿನ ಪದಕ ಇದಾಗಿದೆ. 2022ರಲ್ಲಿ ಟೋಕಿಯೊದಲ್ಲಿ ನಡೆದಿದ್ದ ವಿಶ್ವ ಟೂರ್ನಿಯಲ್ಲಿ ಸಾತ್ವಿಕ್ ಜೋಡಿಯು ಕಂಚು ಪಡೆದಿತ್ತು.

ಶುಕ್ರವಾರ ನಡೆದಿದ್ದ ಕ್ವಾರ್ಟರ್ಫೈನಲ್ನಲ್ಲಿ ಸಾತ್ವಿಕ್ –ಚಿರಾಗ್ ಅವರು ಮಲೇಷ್ಯಾದ ಎರಡು ಒಲಿಂಪಿಕ್ಸ್ ಪದಕ ವಿಜೇತ ಜೋಡಿ ಆ್ಯರನ್ ಚಿಯಾ ಮತ್ತು ಸೊಹ ವೂಯ್ ಯೀಕ್ ವಿರುದ್ಧ ಗೆದ್ದಿದ್ದರು.

‘ಪಂದ್ಯದ ಆರಂಭದಿಂದಲೂ ನಮಗೆ ಉತ್ತಮ ಲಯ ಸಿಗಲಿಲ್ಲ. ಉತ್ತಮ ಆರಂಭವನ್ನೂ ಮಾಡಲಾಗಿಲ್ಲ. ಸುಲಭವಾಗಿ ರಕ್ಷಿಸಿಕೊಳ್ಳಬೇಕಿದ್ದ ಪಾಯಿಂಟ್ಗಳನ್ನೂ ಕೈಚೆಲ್ಲಿದ್ದು (ಮೂರನೇ ಗೇಮ್) ಲೋಪ. ಹೆಚ್ಚು ನಿಖರವಾಗಿ ಆಡಿದ್ದರೆ ಗೆಲುವಿನ ಅವಕಾಶ ಇತ್ತು. ಅವರು (ಎದುರಾಳಿ) ಶಿಸ್ತುಬದ್ಧ ಸರ್ವಿಸ್ಗಳನ್ನು ಮಾಡಿದರು’ ಎಂದು ಚಿರಾಗ್ ಅವರು ಪಂದ್ಯದ ನಂತರ ಹೇಳಿದರು.

ಪ್ರಸಕ್ತ ಋತುವಿನಲ್ಲಿ ಇಬ್ಬರೂ ಆಟಗಾರರು ಬಹಳಷ್ಟು ಕಠಿಣ ಸವಾಲುಗಳನ್ನು ಎದುರಿಸಿದ್ದಾರೆ. ಚಿರಾಗ್ ಅವರು ಬೆನ್ನುನೋವಿನಿಂದ ಕೆಲಕಾಲ ಆಟದಿಂದ ದೂರವಿದ್ದರು. ಫೆಬ್ರುವರಿಯಲ್ಲಿ ಸಾತ್ವಿಕ್ ಅವರ ತಂದೆ ನಿಧನರಾಗಿದ್ದರು.

ಈಚೆಗೆ ನಡೆದ ಇಂಡೊನೇಷ್ಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಮೂಲಕ ಅವರಿಬ್ಬರೂ ಮತ್ತೆ ಅಂಕಣಕ್ಕೆ ಮರಳಿದ್ದರು. ಈ ಟೂರ್ನಿ, ಸಿಂಗಪುರ ಓಪನ್ ಮತ್ತು ಚೀನಾ ಓಪನ್ ಟೂರ್ನಿಗಳಲ್ಲಿ ಎಂಟರ ಘಟ್ಟಕ್ಕೆ ಪ್ರವೇಶಿಸಿದ್ದರು.

. ಅಕಾನೆಗೆ ಮಹಿಳಾ ಸಿಂಗಲ್ಸ್ ಪ್ರಶಸ್ತಿ

ಪ್ಯಾರಿಸ್: ಜಪಾನ್ನ ಅಕಾನೆ ಯಮಾಗುಚಿ ಅವರು ಭಾನುವಾರ ನಡೆದ ಫೈನಲ್ನಲ್ಲಿ ಚೀನಾದ ಚೆನ್ ಯೂಫಿ ಅವರನ್ನು 21–09, 21–13, ರಿಂದ ಸೋಲಿಸಿ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದುಕೊಂಡರು.

ಐದನೇ ಶ್ರೇಯಾಂಕ ಪಡೆದಿದ್ದ ಜಪಾನ್ನ ಆಟಗಾರ್ತಿ ಯಾವ ಹಂತದಲ್ಲೂ ತೊಂದರೆಗೆ ಸಿಲುಕಲಿಲ್ಲ. ಕೇವಲ 37 ನಿಮಿಷಗಳಲ್ಲಿ ವಿಶ್ವದ ಮಾಜಿ ಅಗ್ರಮಾನ್ಯ ಆಟಗಾರ್ತಿ ಯುಫಿ ಅವರನ್ನು ಮಣಿಸಿದರು. ಅಕಾನೆ ಅವರು 2021 ಮತ್ತು 2022ರಲ್ಲೂ ಚಿನ್ನದ ಪದಕ ಗೆದ್ದುಕೊಂಡಿದ್ದರು.

2020ರ ಟೋಕಿಯೊ ಒಲಿಂಪಿಕ್ಸ್ ಸ್ವರ್ಣ ವಿಜೇತೆ ಚೆನ್ ಅವರು ಪಾದದ ನೋವಿಗೆ ಒಳಗಾದಂತೆ ಕಂಡರು. ಹಾಲಿ ಚಾಂಪಿಯನ್ ಹಾಗೂ ಅಗ್ರ ಶ್ರೇಯಾಂಕದ ಆನ್ ಸೆ–ಯಂಗ್ (ದಕ್ಷಿಣ ಕೊರಿಯಾ) ಅವರ ವಿರುದ್ಧ ಸೆಮಿಫೈನಲ್ ಪಂದ್ಯ ಗೆಲ್ಲುವ ಮೊದಲು ಅವರು ಪಾದದ ತಿರುಚುವಿಕೆಗೆ ಒಳಗಾಗಿದ್ದರು.

.ವಿಶ್ವ ಚಾಂಪಿಯನ್ಷಿಪ್: ಸೆಮಿಫೈನಲ್ಗೆ ಸಾತ್ವಿಕ್– ಚಿರಾಗ್.ಜಪಾನ್ ಓಪನ್ Badminton: ಲಕ್ಷ್ಯ, ಸಾತ್ವಿಕ್–ಚಿರಾಗ್ ಮುನ್ನಡೆ, ಸಿಂಧು ನಿರ್ಗಮನ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಚಾಂಪಿಯನ್‌ಷಿಪ್‌: ಕಂಚಿನ ಪದಕ ಗೆದ್ದ ಸಾತ್ವಿಕ್‌–ಚಿರಾಗ್

ಚಿನಕುರುಳಿ: ಭಾನುವಾರ, 01 ಮಾರ್ಚ್ ‌2026

ಧಾರಾವಾಹಿ ಅಲ್ಲ, ನಿಜ ಜೀವನದಲ್ಲೂ ಒಂದಾದ ಅಮೃತಧಾರೆ ರಾಣವ್ ಗೌಡ, ರಾಧಾ ಭಗವತಿ ಜೋಡಿ

ಇರಾನ್ ಪರಮೋಚ್ಚ ನಾಯಕ ಅಯಾತೊಲ್ಲಾ ಖಮೇನಿ ಹತ್ಯೆ: ಡೊನಾಲ್ಡ್ ಟ್ರಂಪ್

ದಿನ ಭವಿಷ್ಯ: ಆಸ್ತಿ ಕೊಳ್ಳುವ ನಿರ್ಧಾರದಲ್ಲಿ ನಿಮ್ಮ ಮನೋಭಾವವನ್ನು ಬದಲಿಸಿ..

Iran-Israel War: ಶಾಹೀನ್ಸ್‌–ಲಯನ್ಸ್‌ ಏಕದಿನ ಪಂದ್ಯ ರದ್ದು

ನಿರ್ಣಾಯಕ ಪಂದ್ಯದಲ್ಲೂ ಎಡವಿದ ಶರ್ಮಾ: ಬ್ಯಾಟಿಂಗ್ ಜೊತೆ ಫೀಲ್ಡಿಂಗ್‌ನಲ್ಲೂ ವೈಫಲ್ಯ

ಶ್ರೀಲಂಕಾ ಕಳಪೆ ಪ್ರದರ್ಶನ: ಕೋಚ್‌ ಸ್ಥಾನದಿಂದ ಕೆಳಗಿಳಿಯಲು ಜಯಸೂರ್ಯ ನಿರ್ಧಾರ

ಪ್ರಾಗ್ ಇಂಟರ್‌ನ್ಯಾಷನಲ್ ಚೆಸ್‌ ಟೂರ್ನಿ: ಗುಕೇಶ್‌ಗೆ ಇನ್ನೂ ಕೈಗೂಡದ ಗೆಲುವು

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಚಿನಕುರುಳಿ: ಭಾನುವಾರ, 01 ಮಾರ್ಚ್ ‌2026

ಧಾರಾವಾಹಿ ಅಲ್ಲ, ನಿಜ ಜೀವನದಲ್ಲೂ ಒಂದಾದ ಅಮೃತಧಾರೆ ರಾಣವ್ ಗೌಡ, ರಾಧಾ ಭಗವತಿ ಜೋಡಿ

ಇರಾನ್ ಪರಮೋಚ್ಚ ನಾಯಕ ಅಯಾತೊಲ್ಲಾ ಖಮೇನಿ ಹತ್ಯೆ: ಡೊನಾಲ್ಡ್ ಟ್ರಂಪ್

ದಿನ ಭವಿಷ್ಯ: ಆಸ್ತಿ ಕೊಳ್ಳುವ ನಿರ್ಧಾರದಲ್ಲಿ ನಿಮ್ಮ ಮನೋಭಾವವನ್ನು ಬದಲಿಸಿ..