ಬೆಂಗಳೂರು: ವೇಟ್ರಿಮಾರನ್ ನಿರ್ದೇಶನದ 'ಅಸುರನ್' ಚಿತ್ರಕ್ಕಾಗಿ ರಾಷ್ಟ್ರಪ್ರಶಸ್ತಿ ಪಡೆದಿದ್ದ ನಟ ಧನುಷ್ ಅವರಿಗೆ ಬ್ರಿಕ್ಸ್ ಫಿಲ್ಮ್ ಫೆಸ್ಟಿವಲ್ನಲ್ಲಿ 'ಅತ್ಯುತ್ತಮ ನಟ' ಮನ್ನಣೆ ದೊರೆತಿದೆ.
ಗೋವಾದ ಪಣಜಿಯಲ್ಲಿ ನಡೆದ ಇಂಟರ್ನ್ಯಾಶನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ ಸಮಾರಂಭದ ಜತೆಗೇ ಬ್ರಿಕ್ಸ್ ಫಿಲ್ಮ್ ಫೆಸ್ಟಿವಲ್ ಕೂಡ ಆಯೋಜಿಸಲಾಗಿತ್ತು. ಈ ಸಂದರ್ಭದಲ್ಲಿ ಧನುಷ್ ಅವರಿಗೆ ಪ್ರಶಸ್ತಿ ಘೋಷಿಸಲಾಗಿದೆ.
ಬ್ರೆಜಿಲ್ ಚಿತ್ರ 'ಆನ್ ವೀಲ್ಸ್'ನಲ್ಲಿನ ನಟನೆಗಾಗಿ ಲಾರಾ ಬೊಲೊರಿನಿ ಅವರಿಗೆ ಅತ್ಯುತ್ತಮ ನಟಿ ಪ್ರಶಸ್ತಿಯನ್ನು ಕೂಡ ಈ ಸಂದರ್ಭದಲ್ಲಿ ನೀಡಲಾಗಿದೆ.
ಬ್ರಿಕ್ಸ್ ಚಿತ್ರೋತ್ಸವದಲ್ಲಿ ಭಾರತ ಮಾತ್ರವಲ್ಲದೆ. ಬ್ರೆಜಿಲ್, ರಷ್ಯಾ, ಚೀನಾ ಮತ್ತು ದಕ್ಷಿಣ ಆಫ್ರಿಕಾ ಕೂಡ ಭಾಗವಹಿಸಿದ್ದವು.