ಕಳೆದ ಒಂದೆರಡು ವರ್ಷಗಳಲ್ಲಿ ಕೆಲವು ಚಿತ್ರಗಳು ಸೋತಿವೆ. ನಾನೇನು ಸತ್ತು ಹೋಗಿಲ್ಲ. ಅದ್ಯಾಕೆ ನಿಧನಕ್ಕೆ ಸಂತಾಪ ಸೂಚಿಸಿದಂಥ ಮೆಸೇಜುಗಳನ್ನು ಕಳುಹಿಸುತ್ತಿದ್ದೀರಿ ಎಂದು ಅಕ್ಷಯ್ ಕುಮಾರ್ ತಮ್ಮ ಆಪ್ತರಿಗೆ ಮತ್ತು ವರದಿಗಾರರಿಗೆ ತರಾಟೆಗೆ ತೆಗೆದುಕೊಂಡಿದ್ದಾರೆ.
ಒಬ್ಬರಂತೂ ನೀವು ಮರಳುವಿರಿ ಎಂಬ ವಿಶ್ವಾಸವಿದೆ ಎಂದು ಸಂದೇಶ ಕಳುಹಿಸಿದ್ದರಂತೆ. ಅದಕ್ಕೆ ಪ್ರತಿಯಾಗಿ, ನಾನೆಲ್ಲಿ ಹೋಗಿರುವೆ? ಮರಳುವುದು ಅಂದ್ರೇನು? ಬಾಕ್ಸಾಫೀಸಿನ ಸೋಲುಗೆಲುವುಗಳ ಕುರಿತು ನಾನೇನೂ ತಲೆ ಕೆಡಿಸಿಕೊಳ್ಳುವುದಿಲ್ಲ. ಕೆಲವೊಮ್ಮೆ ಹೀಗಾಗುವುದು ಸಹಜ. ನಾನು ಇನ್ನು ಮೇಲೆಯೂ ಬಾಲಿವುಡ್ನಲ್ಲಿ ಕೆಲಸ ಮಾಡುವೆ. ಚಿತ್ರೀಕರಣದಲ್ಲಿ ತೊಡಗಿಸಿಕೊಳ್ಳುವೆ. ನಂಗಿನ್ನೂ 56 ವರ್ಷ. ಮೈಮುರಿದು ದುಡಿಯುವೆ ಎಂದೆಲ್ಲ ಅಕ್ಷಯ್ ಕುಮಾರ್ ಹೇಳಿಕೊಂಡಿದ್ದಾರೆ.
ತಾಪ್ಸಿಪನ್ನು, ಫರ್ದಿನ್ಖಾನ್ ಜೊತೆಗೆ ಖೇಲ್ಖೇಲ್ ಮೆ ಚಿತ್ರದ ತಾರಾಗಣದಲ್ಲಿರುವ ಅಕ್ಷಯ್ ಕುಮಾರ್, ಈ ಚಿತ್ರ ಪ್ರಚಾರದ ಸಂದರ್ಭದಲ್ಲಿ ಹೀಗೆ ಮಾತಾಡಿದ್ದಾರೆ.
