<p>ನಟ ದಿವಂಗತ ಪುನೀತ್ ರಾಜ್ಕುಮಾರ್ ಅವರ ಕೊನೆಯ ಸಿನಿಮಾ ‘ಜೇಮ್ಸ್’ ಬಿಡುಗಡೆಗೆ ರಾಜ್ಯದಾದ್ಯಂತ ಅದ್ಧೂರಿ ಸಿದ್ಧತೆ ಆರಂಭವಾಗಿದೆ. ಪುನೀತ್ ಅವರ ಜನ್ಮದಿನದಂದೇ (ಮಾ.17) ಚಿತ್ರವು ತೆರೆಕಾಣುತ್ತಿದ್ದು, ಚಿತ್ರದ ಎರಡನೇ ಲಿರಿಕಲ್ ಹಾಡು ‘ಸಲಾಂ ಸೋಲ್ಜರ್’ ಶುಕ್ರವಾರ ಬಿಡುಗಡೆಯಾಗಿದೆ.</p>.<p>ನಿರ್ದೇಶಕ ಚೇತನ್ ಕುಮಾರ್, ನಿರ್ಮಾಪಕ ಜಾಕ್ ಮಂಜು ಸಮ್ಮುಖದಲ್ಲಿ ನಟ ಕಿಚ್ಚ ಸುದೀಪ್ ಈ ಲಿರಿಕಲ್ ಹಾಡನ್ನು ಬಿಡುಗಡೆಗೊಳಿಸಿದರು. ಮಾಫಿಯಾ ಕಥೆಯನ್ನು ‘ಜೇಮ್ಸ್’ ಚಿತ್ರವು ಹೊಂದಿದೆ. ಜೆ–ವಿಂಗ್ ಎಂಬ ಸೆಕ್ಯುರಿಟಿ ಏಜೆನ್ಸಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪಾತ್ರದಲ್ಲಿ ಪವರ್ಸ್ಟಾರ್ ಪುನೀತ್ ಅವರು ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಟೀಸರ್ನಲ್ಲಿ ತಿಳಿದುಬಂದಿತ್ತು. ಆದರೆ ಈ ಪಾತ್ರಕ್ಕೆ ಯೋಧನ ಹಿನ್ನೆಲೆ ಕಥೆಯೂ ಇದೆ ಎನ್ನುವುದು ‘ಸಲಾಂ ಸೋಲ್ಜರ್’ ಹಾಡಿನ ಮೂಲಕ ಮೇಲ್ನೋಟಕ್ಕೆ ಕಂಡುಬರುತ್ತಿದೆ. ಹಾಡಿನುದ್ದಕ್ಕೂ ಯೋಧನಾಗಿ ಪುನೀತ್ ರಾಜ್ಕುಮಾರ್ ಮಿಂಚಿದ್ದಾರೆ. ಈ ಹಾಡಿಗೆ ಸಂಜಿತ್ ಹೆಗ್ಡೆ, ಚರಣ್ ರಾಜ್ ಧ್ವನಿಯಾಗಿದ್ದಾರೆ. </p>.<p>ಕೆಲ ದಿನಗಳ ಹಿಂದಷ್ಟೇ ಚಿತ್ರದ ಮೊದಲ ಲಿರಿಕಲ್ ರ್ಯಾಪ್ ಹಾಡು ‘ಟ್ರೇಡ್ಮಾರ್ಕ್’ ಬಿಡುಗಡೆಯಾಗಿತ್ತು. ಚರಣ್ರಾಜ್ ಸಂಗೀತ ನೀಡಿರುವ ಈ ರ್ಯಾಪ್ ಹಾಡಿಗೆ, ಚಂದನ್ ಶೆಟ್ಟಿ, ವಿಕ್ಕಿ, ಅದಿತಿ ಸಾಗರ್, ಶರ್ಮಿಳಾ, ಯುವ ರಾಜ್ಕುಮಾರ್ ಧ್ವನಿ ನೀಡಿದ್ದಾರೆ.</p>.<p>ರಾಜ್ಯದಲ್ಲೇ 350ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿರುವ ‘ಜೇಮ್ಸ್’, ಕನ್ನಡ ಸೇರಿದಂತೆ ಐದು ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದೆ. ಶಿವರಾಜ್ಕುಮಾರ್, ರಾಘವೇಂದ್ರ ರಾಜ್ಕುಮಾರ್ ಹಾಗೂ ಪುನೀತ್ ರಾಜ್ಕುಮಾರ್ ಅವರನ್ನು ಒಂದೇ ಸಿನಿಮಾದಲ್ಲಿ ನೋಡುವ ಅಭಿಮಾನಿಗಳ ಆಸೆ ‘ಜೇಮ್ಸ್’ ಮೂಲಕ ಈಡೇರಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಟ ದಿವಂಗತ ಪುನೀತ್ ರಾಜ್ಕುಮಾರ್ ಅವರ ಕೊನೆಯ ಸಿನಿಮಾ ‘ಜೇಮ್ಸ್’ ಬಿಡುಗಡೆಗೆ ರಾಜ್ಯದಾದ್ಯಂತ ಅದ್ಧೂರಿ ಸಿದ್ಧತೆ ಆರಂಭವಾಗಿದೆ. ಪುನೀತ್ ಅವರ ಜನ್ಮದಿನದಂದೇ (ಮಾ.17) ಚಿತ್ರವು ತೆರೆಕಾಣುತ್ತಿದ್ದು, ಚಿತ್ರದ ಎರಡನೇ ಲಿರಿಕಲ್ ಹಾಡು ‘ಸಲಾಂ ಸೋಲ್ಜರ್’ ಶುಕ್ರವಾರ ಬಿಡುಗಡೆಯಾಗಿದೆ.</p>.<p>ನಿರ್ದೇಶಕ ಚೇತನ್ ಕುಮಾರ್, ನಿರ್ಮಾಪಕ ಜಾಕ್ ಮಂಜು ಸಮ್ಮುಖದಲ್ಲಿ ನಟ ಕಿಚ್ಚ ಸುದೀಪ್ ಈ ಲಿರಿಕಲ್ ಹಾಡನ್ನು ಬಿಡುಗಡೆಗೊಳಿಸಿದರು. ಮಾಫಿಯಾ ಕಥೆಯನ್ನು ‘ಜೇಮ್ಸ್’ ಚಿತ್ರವು ಹೊಂದಿದೆ. ಜೆ–ವಿಂಗ್ ಎಂಬ ಸೆಕ್ಯುರಿಟಿ ಏಜೆನ್ಸಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪಾತ್ರದಲ್ಲಿ ಪವರ್ಸ್ಟಾರ್ ಪುನೀತ್ ಅವರು ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಟೀಸರ್ನಲ್ಲಿ ತಿಳಿದುಬಂದಿತ್ತು. ಆದರೆ ಈ ಪಾತ್ರಕ್ಕೆ ಯೋಧನ ಹಿನ್ನೆಲೆ ಕಥೆಯೂ ಇದೆ ಎನ್ನುವುದು ‘ಸಲಾಂ ಸೋಲ್ಜರ್’ ಹಾಡಿನ ಮೂಲಕ ಮೇಲ್ನೋಟಕ್ಕೆ ಕಂಡುಬರುತ್ತಿದೆ. ಹಾಡಿನುದ್ದಕ್ಕೂ ಯೋಧನಾಗಿ ಪುನೀತ್ ರಾಜ್ಕುಮಾರ್ ಮಿಂಚಿದ್ದಾರೆ. ಈ ಹಾಡಿಗೆ ಸಂಜಿತ್ ಹೆಗ್ಡೆ, ಚರಣ್ ರಾಜ್ ಧ್ವನಿಯಾಗಿದ್ದಾರೆ. </p>.<p>ಕೆಲ ದಿನಗಳ ಹಿಂದಷ್ಟೇ ಚಿತ್ರದ ಮೊದಲ ಲಿರಿಕಲ್ ರ್ಯಾಪ್ ಹಾಡು ‘ಟ್ರೇಡ್ಮಾರ್ಕ್’ ಬಿಡುಗಡೆಯಾಗಿತ್ತು. ಚರಣ್ರಾಜ್ ಸಂಗೀತ ನೀಡಿರುವ ಈ ರ್ಯಾಪ್ ಹಾಡಿಗೆ, ಚಂದನ್ ಶೆಟ್ಟಿ, ವಿಕ್ಕಿ, ಅದಿತಿ ಸಾಗರ್, ಶರ್ಮಿಳಾ, ಯುವ ರಾಜ್ಕುಮಾರ್ ಧ್ವನಿ ನೀಡಿದ್ದಾರೆ.</p>.<p>ರಾಜ್ಯದಲ್ಲೇ 350ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿರುವ ‘ಜೇಮ್ಸ್’, ಕನ್ನಡ ಸೇರಿದಂತೆ ಐದು ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದೆ. ಶಿವರಾಜ್ಕುಮಾರ್, ರಾಘವೇಂದ್ರ ರಾಜ್ಕುಮಾರ್ ಹಾಗೂ ಪುನೀತ್ ರಾಜ್ಕುಮಾರ್ ಅವರನ್ನು ಒಂದೇ ಸಿನಿಮಾದಲ್ಲಿ ನೋಡುವ ಅಭಿಮಾನಿಗಳ ಆಸೆ ‘ಜೇಮ್ಸ್’ ಮೂಲಕ ಈಡೇರಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
