ಗುರುವಾರ , ಆಗಸ್ಟ್ 5, 2021
22 °C

ನನ್ನ ದುಡ್ಡು ವಾಪಾಸ್‌ ಕೊಡಿ ಎಂದವನಿಗೆ ಸಲ್ಮಾನ್‌ ಖಾನ್‌ ಹೇಳಿದ್ದೇನು ಗೊತ್ತೇ?

ಪ್ರಜಾವಾಣಿ ವೆಬ್‌ ಡೆಸ್ಕ್‌‌ Updated:

ಅಕ್ಷರ ಗಾತ್ರ : | |

ನಟ ಅರ್ಬಾಜ್‌ ಖಾನ್‌ ನಿರೂಪಕರಾಗಿ ನಡೆಸುತ್ತಿರುವ ಶೋ ಒಂದರಲ್ಲಿ ಸಲ್ಮಾನ್‌ ಖಾನ್‌ ಅವರು ನೀಡಿರುವ ಹೇಳಿಕೆಗಳೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿವೆ.

ಅರ್ಬಾಜ್‌ ಖಾನ್‌ ನಡೆಸಿಕೊಡುತ್ತಿರುವ 'ಪಿಂಚ್‌' ಎಂಬ ಟಾಕ್‌ ಶೋದಲ್ಲಿ ಸಲ್ಮಾನ್‌ ಖಾನ್‌ ಅತಿಥಿಯಾಗಿ ಕಾಣಿಸಿಕೊಂಡಿದ್ದಾರೆ. ಸಲ್ಮಾನ್‌ ಖಾನ್‌ ಎಪಿಸೋಡ್‌ನ ಟೀಸರ್‌ ಅನ್ನು ಬಿಡುಗಡೆ ಮಾಡಲಾಗಿದ್ದು, ಅದರಲ್ಲಿ ಬಾಲಿವುಡ್‌ ಬ್ಯಾಡ್‌ ಬಾಯ್‌ ನೀಡಿರುವ ಪ್ರತಿಕ್ರಿಯೆಗಳು ವೈರಲ್‌ ಆಗಿವೆ.

ಆನ್‌ಲೈನ್ ಟ್ರೋಲಿಂಗ್ ಮತ್ತು ಸಾಮಾಜಿಕ ಮಾಧ್ಯಮಗಳು ಬೀರುವ ದುಷ್ಪರಿಣಾಮದ ಬಗ್ಗೆ ಸಲ್ಮಾನ್‌ ಖಾನ್‌ ಹಾಸ್ಯಭರಿತವಾಗಿಯೇ ಪ್ರತಿಕ್ರಿಯಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಸಲ್ಮಾನ್‌ರನ್ನು ಟ್ರೋಲ್‌ ಮಾಡಿ ಹಾಕಲಾಗಿರುವ ಕಾಮೆಂಟ್‌ಗಳನ್ನು ಅರ್ಬಾಜ್‌ ಓದಿ ಹೇಳಿದ್ದಾರೆ.

'ನೀವು ಸಾಧಾರಣ ಚಿತ್ರಗಳನ್ನೂ ನೀಡಿದರೂ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ಸು ಸಾಧಿಸುತ್ತೀರಿ. ಈಗಾಗಲೇ ಉನ್ನತ ಮಟ್ಟದ ಜೀವನಕ್ರಮವನ್ನು ನಿಮ್ಮದಾಗಿಸಿಕೊಂಡಿದ್ದೀರಿ. ನಮ್ಮ ಹಣವನ್ನು ಯಾವಾಗ ಮರಳಿಸುತ್ತೀರಿ? ಎಂದು ಸಲ್ಮಾನ್‌ಗೆ ಪ್ರಶ್ನಿಸಲಾಗಿದೆ.

ಅದಕ್ಕೆ ಉತ್ತರಿಸಿರುವ ಸಲ್ಮಾನ್‌, 'ನಾನು ಹಣವನ್ನು ಕದ್ದಿಲ್ಲ. ಆದರೆ, ಬಹುಶಃ ಹೃದಯಗಳನ್ನು ಕದ್ದಿರಬಹುದು' ಎಂದಿದ್ದಾರೆ.

'ನಿಮ್ಮದು ಕೇವಲ ಶೋ-ಆಫ್‌ ನಟನೆ' ಎಂದು ಸಲ್ಮಾನ್‌ಗೆ ಮತ್ತೊಬ್ಬ ನೆಟ್ಟಿಗರು ಕುಟುಕಿದ್ದಾರೆ.

ಅದಕ್ಕೆ ಪ್ರತಿಕ್ರಿಯಿಸಿರುವ ಸಲ್ಮಾನ್‌, 'ಶೋ-ಆಫ್‌ ನಟನೆಗೆ ಧೈರ್ಯ ಮತ್ತು ದೊಡ್ಡ ಹೃದಯವಿರಬೇಕು' ಎಂದು ತಮ್ಮದೇ ಶೈಲಿಯಲ್ಲಿ ಹೇಳಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು