ಆಳ ಅಗಲ| ಗ್ರಾಕ್‌ಗೆ ಬೇಕೇ ಕಡಿವಾಣ?

ಎಲಾನ್ ಮಸ್ಕ್‌ ಒಡೆತನದ ಎಕ್ಸ್‌ ಎಐ ಕಂಪನಿ ಅಭಿವೃದ್ಧಿಪಡಿಸಿರುವ ‘ಗ್ರಾಕ್‌’ ಎಐ ಚಾಟ್‌ಬಾಟ್‌ ಭಾರತದಲ್ಲಿ ವಿವಾದವನ್ನು ಸೃಷ್ಟಿಸಿದೆ. ಪ್ರಶ್ನೆಯೊಂದಕ್ಕೆ ಉತ್ತರ ನೀಡುವಾಗ ಅದು ಬಳಸಿರುವ ನಿಂದನಾತ್ಮಕ ಪದವು ಸಾಮಾಜಿಕ ಜಾಲತಾಣಗಳಲ್ಲಿ ಕೋಲಾಹಲ ಎಬ್ಬಿಸಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಅಭಿವ್ಯಕ್ತಿ ಸ್ವಾತಂತ್ರ್ಯ, ಎಐ ಚಾಟ್‌ಬಾಟ್‌ಗಳು ಬೇಕೇ ಬೇಡವೇ, ಅವುಗಳ ಮೇಲೆ ನಿಯಂತ್ರಣ ಹೇರಬೇಕೇ ಮುಂತಾದ ವಿಚಾರಗಳ ಬಗ್ಗೆ ಚರ್ಚೆಯನ್ನೂ ಹುಟ್ಟುಹಾಕಿದೆ.