ಡಾ. ರೆಡ್ಡೀಸ್ ಲ್ಯಾಬ್ ಸಹಯೋಗದಲ್ಲಿ ಡಿಆರ್ಡಿಒ ಅಭಿವೃದ್ಧಿಪಡಿಸಿರುವ 2ಡಿಜಿ ಔಷಧ ಕೊರೊನಾ ವೈರಸ್ ವಿರುದ್ಧ ಪರಿಣಾಮಕಾರಿಯಾಗಿ ಕೆಲಸ ಮಾಡುವ ವಿಶ್ವಾಸ ಹುಟ್ಟುಹಾಕಿದೆ. ಔಷಧ ಎಲ್ಲಿ ಲಭ್ಯ, ಪಡೆಯುವುದು ಹೇಗೆ,ಬೆಲೆ ಎಷ್ಟು ಎಂಬೆಲ್ಲ ಪ್ರಶ್ನೆಗಳು ಇವೆ. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಒಂದು ಸಂದೇಶದಲ್ಲಿ ಈ ಕುರಿತ ಮಾಹಿತಿ ಇದೆ. ಡಾ. ರೆಡ್ಡೀಸ್ ಲ್ಯಾಬ್ಗೆ ಸಂಬಂಧಿಸಿದವರು ಎನ್ನಲಾದ ಇಬ್ಬರ ಇ–ಮೇಲ್ ವಿಳಾಸವನ್ನು ನೀಡಲಾಗಿದ್ದು, ರೋಗಿಯ ಮಾಹಿತಿ, ಆಸ್ಪತ್ರೆಯ ಮಾಹಿತಿಯನ್ನು ಈ ವ್ಯಕ್ತಿಗಳಿಗೆ ಇ–ಮೇಲ್ ಮುಖಾಂತರ ಕಳುಹಿಸಿ 2ಡಿಜಿ ಔಷಧ ಪಡೆದುಕೊಳ್ಳಬಹುದು ಎಂದು ಈ ಸಂದೇಶ ತಿಳಿಸುತ್ತದೆ.