ವೈರಲ್ ಆಗಿರುವ ಚಿತ್ರದ ಆ್ಯಂಗಲ್ ಸಾಕಷ್ಟು ಜನರಲ್ಲಿ ಗೊಂದಲ ಹುಟ್ಟುಹಾಕಿದೆ ಎಂದು ಇಂಡಿಯಾಟುಡೇ ವೆಬ್ಸೈಟ್ ವರದಿ ಮಾಡಿದೆ. ಅಕ್ಟೋಬರ್ 31ರಂದು ಇಂದಿರಾಗಾಂಧಿ ಅವರ ಪುಣ್ಯತಿಥಿಯ ವೇಳೆ ಅವರ ಭಾವಚಿತ್ರಕ್ಕೆ ಠಾಕ್ರೆ ನಮಿಸಿದ್ದರು. ಆದರೆ ಇಂದಿರಾ ಫೋಟೊವನ್ನು ಇರಿಸಲಾಗಿದ್ದ ಮರದ ಚೌಕಟ್ಟನ್ನು, ಗೋಡೆಯ ಮೇಲಿರುವ ಶಿವಾಜಿ ಚಿತ್ರದ ಮೇಲೆ ಒರಗಿಸಿದಂತೆ ಮೇಲ್ನೋಟಕ್ಕೆ ಭಾಸವಾಗುತ್ತದೆ. ಆದರೆ ವಿಡಿಯೊವನ್ನು ಪರಿಶೀಲಿಸಿದಾಗ, ಎರಡೂ ಚಿತ್ರಗಳ ನಡುವೆ ಸಾಕಷ್ಟು ಅಂತರವಿರುವುದು ಕಾಣಿಸುತ್ತದೆ.
