ಕಡಲತೀರಗಳ ಬಯಲು ಪ್ರದೇಶಗಳು, ಪ್ರವಾಸಿ ತಾಣಗಳಲ್ಲಿ ಮದ್ಯ ಸೇವನೆ ಹಾಗೂಅಡುಗೆ ಮಾಡಲು ನಿರ್ಬಂಧವಿದೆ. 2013ರಿಂದಲೂ ಈ ನಿರ್ಬಂಧವಿದ್ದು, 2019ರ ಪ್ರವಾಸೋದ್ಯಮ ತಿದ್ದುಪಡಿ ಕಾಯ್ದೆಯಲ್ಲೂ ಇದನ್ನು ಉಲ್ಲೇಖಿಸಲಾಗಿದೆ. ಆದರೆ, ಕಡಲತೀರಗಳ ಶಾಕ್‌ನಲ್ಲಿ (ಕ್ಯಾಬಿನ್, ಮನೆಯಂತಹ ಸ್ಥಳ) ಮದ್ಯಸೇವನೆಗೆ ಯಾವುದೇ ಅಡ್ಡಿಯಿಲ್ಲ ಎಂದು ಕಾಯ್ದೆ ಹೇಳುತ್ತದೆ.ಗೋವಾದ ಪ್ರವಾಸಿ ತಾಣಗಳು ಹಾಗೂ ಕಡಲತೀರದ ಬಯಲು ಪ್ರದೇಶಗಳಲ್ಲಿ ಕಸ ಹಾಕುವುದು, ಅಡುಗೆ ಮಾಡುವುದು, ಬಾಟಲ್‌ಗಳನ್ನು ಒಡೆದುಹಾಕುವುದಕ್ಕೆ ನಿರ್ಬಂಧ ವಿಧಿಸಿ ಪ್ರವಾಸೋದ್ಯಮ ಕಾರ್ಯದರ್ಶಿ ನಿಖಿಲ್ ದೇಸಾಯಿ ಅವರು ಇದೇ ಅ.31ರಂದು ಆದೇಶ ಹೊರಡಿಸಿದ್ದಾರೆ. ಇದನ್ನೇ ತಪ್ಪಾಗಿ ಅರ್ಥೈಸಿ, ರಾಜ್ಯದ ಎಲ್ಲ ಕಡಲತೀರಗಳಲ್ಲೂ ಮದ್ಯಪಾನ ನಿಷೇಧಿಸಲಾಗಿದೆ ಎಂದು ಬಿಂಬಿಸಲಾಗಿದೆ ಎಂದು ‘ಲಾಜಿಕಲ್ ಇಂಡಿಯನ್’ ಫ್ಯಾಕ್ಟ್‌ಚೆಕ್ ಪ್ರಕಟಿಸಿದೆ.
