ಶನಿವಾರ, ಫೆಬ್ರವರಿ 27, 2021
21 °C

Fact Check| ನೇತಾಜಿ ಚಿತ್ರ ಯಾವುದು?

ಪ್ರಜಾವಾಣಿ ವೆಬ್‌ ಡೆಸ್ಕ್‌ Updated:

ಅಕ್ಷರ ಗಾತ್ರ : | |

Prajavani

ನೇತಾಜಿ ಸುಭಾಷ್‌ಚಂದ್ರ ಬೋಸ್ ಅವರ 125ನೇ ಜನ್ಮದಿನಾಚರಣೆ ಅಂಗವಾಗಿ ರಾಷ್ಟ್ರಪತಿ ಭವನದಲ್ಲಿ ಅವರ ಭಾವಚಿತ್ರವನ್ನು ರಾಷ್ಟ್ರಪತಿ ರಾಮನಾಥ ಕೋವಿಂದ್ ಅವರು ಇತ್ತೀಚೆಗೆ ಅನಾವರಣ ಮಾಡಿದ್ದರು. ನೇತಾಜಿ ಅವರ ನಿಜವಾದ ಚಿತ್ರ ಇದು ಅಲ್ಲ ಎಂಬುದಾಗಿ ಸಾಮಾಜಿಕ ತಾಣಗಳಲ್ಲಿ ಗುಲ್ಲೆದ್ದಿದೆ. ಬೋಸ್ ಜೀವನಾಧಾರಿತ ಗುಮ್ನಾನಿ ಎಂಬ ಸಿನಿಮಾದಲ್ಲಿ ನಟಿಸಿದ್ದ ಪ್ರಸೇನ್‌ಜಿತ್ ಅವರ ಚಿತ್ರವನ್ನು ನೇತಾಜಿ ಅವರದ್ದು ಎಂದು ತಪ್ಪಾಗಿ ಭಾವಿಸಿ ಬಳಸಲಾಗಿದೆ ಎಂಬುದು ನೆಟ್ಟಿಗರ ವಾದ. ಹಲವರು ಈ ಚಿತ್ರವನ್ನು ರೀ ಟ್ವೀಟ್ ಮಾಡಿ ಹಂಚಿಕೊಂಡಿದ್ದಾರೆ.

ಆಲ್ಟ್ ನ್ಯೂಸ್ ಹಾಗೂ ಲಾಜಿಕಲ್ ಇಂಡಿಯನ್ ವೆಬ್‌ಸೈಟ್‌ ಗಳು ಈ ಬಗ್ಗೆ ಪರಿಶೀಲನೆ ನಡೆಸಿದಾಗ, ರಾಷ್ಟ್ರಪತಿ ಭವನದಲ್ಲಿ ಅನಾವರಣ ಮಾಡಲಾದ ಚಿತ್ರ ನೇತಾಜಿ ಅವರದ್ದೇ ಎಂಬುದು ಖಚಿತಪಟ್ಟಿದೆ. ಕಲಾವಿದ ಪರೇಶ್ ಮೈತಿ ಎಂಬುವರು ನೇತಾಜಿ ಚಿತ್ರವನ್ನು ತಮ್ಮ ಕುಂಚದಲ್ಲಿ ಬಿಡಿಸಿ ದ್ದರು. ಚಿತ್ರದ ನಿರ್ದೇಶಕ ಶ್ರೀಜಿತ್ ಅವರು ಮೂಲ ಚಿತ್ರವನ್ನು ಟ್ವೀಟ್ ಮಾಡಿದ್ದು, ಸ್ಪಷ್ಟನೆ ನೀಡಿದ್ದಾರೆ. ಬೋಸ್ ಸಂಬಂಧಿ ಚಂದ್ರ ಕುಮಾರ್ ಬೋಸ್ ಅವರು ಟ್ವೀಟ್ ಮಾಡಿರುವ ಚಿತ್ರದ ಜೊತೆ ಹೋಲಿಸಿ ದಾಗಲೂ ಹೊಂದಾಣಿಕೆ ಕಂಡುಬಂದಿದೆ. ಟ್ವಿಟರಿಗರೇ ತಪ್ಪಾಗಿ ಭಾವಿಸಿದ್ದು, ರಾಷ್ಟ್ರಪತಿ ಭವನದಲ್ಲಿ ಅನಾವರಣ ಮಾಡಿದ ಚಿತ್ರ ನೇತಾಜಿ ಅವರದ್ದು ಎಂಬುದು ದೃಢಪಟ್ಟಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು