ಪಾಕ ವಿಧಾನ: ಫಿಶ್ ಮಂಚೂರಿಯನ್‌

ಬೇಕಾಗುವ ಸಾಮಗ್ರಿಗಳು: ಮೀನು – 3‌ (ಸ್ವಚ್ಛ ಮಾಡಿ ಕತ್ತರಿಸಿಕೊಂಡಿದ್ದು), ಮೊಟ್ಟೆ – 1, ಕಾರ್ನ್ ಫ್ಲೋರ್ – 2 ಚಮಚ, ಕಾಳುಮೆಣಸಿನ ಪುಡಿ – 1 ಚಮಚ, ಶುಂಠಿ–ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ, ಕೆಂಪುಮೆಣಸಿನ ಪುಡಿ – 2 ಚಮಚ, ಎಣ್ಣೆ – ಕರಿಯಲು, ಈರುಳ್ಳಿ – 1 ಮಧ್ಯಮ ಗಾತ್ರದ್ದು, ಹಸಿಮೆಣಸು – 2, ಸೋಯಾ ಸಾಸ್‌, ಕೆಚಪ್‌, ಬೆಳ್ಳುಳ್ಳಿ.

ತಯಾರಿಸುವ ವಿಧಾನ: ಪಾತ್ರೆಯೊಂದರಲ್ಲಿ ಮೀನಿನ ತುಂಡು, ಮೊಟ್ಟೆ, ಕಾರ್ನ್‌ಫ್ಲೋರ್‌, ಕಾಳುಮೆಣಸಿನ ಪುಡಿ, ಶುಂಠಿ–ಬೆಳ್ಳುಳ್ಳಿ ಪೇಸ್ಟ್, ಮೆಣಸಿನಪುಡಿ ಸೇರಿಸಿ ಚೆನ್ನಾಗಿ ಕಲೆಸಿ. 20 ನಿಮಿಷಗಳ ಕಾಲ ನೆನೆಯಲು ಬಿಡಿ. ಪಾತ್ರೆಯೊಂದರಲ್ಲಿ ಎಣ್ಣೆ ಬಿಸಿ ಮಾಡಿ ಮೀನಿನ ತುಂಡುಗಳನ್ನು ಎಣ್ಣೆಯಲ್ಲಿ ಕರಿಯಿರಿ. ನಂತರ ಪ್ಯಾನ್‌ವೊಂದರಲ್ಲಿ ಒಂದು ಚಮಚ ಎಣ್ಣೆ ಹಾಕಿ ಬಿಸಿಯಾದ ಮೇಲೆ ಜಜ್ಜಿಕೊಂಡ ಬೆಳ್ಳುಳ್ಳಿ, ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ, ಹಸಿಮೆಣಸು, ಸೋಯಾ ಸಾಸ್, ಕೆಚಪ್‌, ಸ್ವಲ್ಪ ನೀರು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ ಕುದಿಯುತ್ತಿರುವಾಗ ಉಪ್ಪು ಸೇರಿಸಿ. ಮತ್ತೆ ನೀರು ಸೇರಿಸಿ ಕುದಿಸಿ. ಮಿಶ್ರಣ ಮಂದವಾದ ಮೇಲೆ ಹುರಿದಿಟ್ಟುಕೊಂಡ ಮೀನಿನ ತುಂಡು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ 3 ನಿಮಿಷಗಳ ಕಾಲ ಕೈಯಾಡಿಸಿ. ಈಗ ರುಚಿಯಾದ ಫಿಶ್ ಮಂಚೂರಿಯನ್ ತಿನ್ನಲು ಸಿದ್ಧ.