ಸ್ಪಂದನ ಅಂಕಣ: ಹುಳಕಡ್ಡಿಯ ಸಮಸ್ಯೆಗೆ ಪರಿಹಾರವೇನು?

ಬಹುಶಃ ನಿಮಗಾಗಿರುವುದು ಹುಳಕಡ್ಡಿ ಅಥವಾ ಶಿಲೀಂಧ್ರ ಸೋಂಕು. ಮೂರು ತಿಂಗಳ ಗರ್ಭಿಣಿ ಆಗಿರುವುದರಿಂದ  ಯಾವುದೇ ಮಾತ್ರೆ ಕೊಡುವುದಿಲ್ಲ. ಅದಕ್ಕಾಗಿಯೇ ಮುಲಾಮು ಬರೆದು ಕೊಟ್ಟಿರುತ್ತಾರೆ. ಗಾಯ ಸ್ವಲ್ಪ ಗುಣವಾದ ತಕ್ಷಣ ಮುಲಾಮು ಹಚ್ಚುವುದನ್ನು ನಿಲ್ಲಿಸಿದ್ದರೆ, ಹಾಗೆ ಮಾಡಬೇಡಿ.

ಸೋಂಕು ಉಂಟುಮಾಡುವ ಕ್ರಿಮಿಯನ್ನು ನಾಶಪಡಿಸಲು ಕನಿಷ್ಠ ಆರರಿಂದ ಎಂಟು ವಾರಗಳಾದರೂ ಬೇಕು. ಅದಕ್ಕಾಗಿ ನಿರಂತರವಾಗಿ ಮುಲಾಮು ಹಚ್ಚಬೇಕು. ಹಗಲು ಹೊತ್ತಿನಲ್ಲಿ ಆ್ಯಂಟಿ ಫಂಗಲ್‌ ಪೌಡರ್‌ಗಳನ್ನು ಹಚ್ಚಿ. ಈ ಕ್ರಿಮಿಯು ತೇವಾಂಶದಲ್ಲಿ ಹೆಚ್ಚಾಗಿ ಬೆಳೆಯುವುದರಿಂದ ದೇಹದ ಯಾವುದೇ ಭಾಗದಲ್ಲಿ ತೇವಾಂಶ ನಿಲ್ಲದಂತೆ ನೋಡಿಕೊಳ್ಳಿ. 

ತಾಯ್ತನದ ಬಗ್ಗೆ ಹಂಬಲ ಇರುವುದು ಒಳ್ಳೆಯದು. ಅದಕ್ಕಾಗಿ ಉತ್ತಮ ಯೋಜನೆ ಹಾಕಿಕೊಳ್ಳಿ.  30 ವರ್ಷದ ನಂತರ ಅಂಡಾಶಯದಲ್ಲಿ ಅಂಡಾಣು ಉತ್ಪತ್ತಿ ಹಾಗೂ ಅದರ ಗುಣಮಟ್ಟ ಹಾಗೂ ಅಂಡಾಶಯದ ಮೀಸಲು ಸಾಮರ್ಥ್ಯ ಕಡಿಮೆಯಾಗುತ್ತದೆ. ಹಾಗಾಗಿ ಈ ವಯಸ್ಸಿನಲ್ಲಿಯೇ ಮಗು ಪಡೆಯುವುದು ಉತ್ತಮ. ಗರ್ಭಧಾರಣೆಗೂ ಮೊದಲೇ ಸಾಕಷ್ಟು ಮುಂಜಾಗ್ರತಾ ಕ್ರಮ ಅನುಸರಿಸಿ. ಇದಕ್ಕಾಗಿ ಆಪ್ತ ಸಮಾಲೋಚನೆಗೆ ಒಳಗಾದರೆ ಒಳ್ಳೆಯದು. 

ಸಮತೂಕ ಕಾಯ್ದುಕೊಳ್ಳಿ. ಗರ್ಭಧಾರಣೆಯಲ್ಲಾಗುವ ನ್ಯೂರಲ್‌ ಟ್ಯೂಬ್ ನ್ಯೂನತೆಯನ್ನು ತಡೆಗಟ್ಟಲು ಫೋಲಿಕ್ ಆ್ಯಸಿಡ್‌ ಮಾತ್ರೆಗಳನ್ನು ಗರ್ಭಧಾರಣೆಗೂ ಮೊದಲು ಆರರಿಂದ ಎಂಟು ವಾರ ಸೇವಿಸಬೇಕು.  ಹಿಮೋಗ್ಲೋಬಿನ್ ಮಟ್ಟ ಕನಿಷ್ಠ 11ರಷ್ಟಿರಬೇಕು. ಮಧುಮೇಹ, ಏರು ರಕ್ತದೊತ್ತಡ, ಮೂರ್ಛೆರೋಗ, ಆಸ್ತಮಾ, ಜನ್ಮಜಾತ ಹೃದ್ರೋಗಗಳಿದ್ದರೆ, ಚಿಕಿತ್ಸೆಯಲ್ಲಿದ್ದರೆ, ವೈದ್ಯರಿಂದ ಮಾಹಿತಿ ಪಡೆದುಕೊಳ್ಳಿ. ತಂಬಾಕು, ಧೂಮಪಾನ, ಮದ್ಯಪಾನದಂಥ ದುಶ್ಚಟಗಳಿಂದ ದೂರವಿರಿ.  ದೈಹಿಕ ಮತ್ತು ಮಾನಸಿಕ ಸದೃಢತೆ ಇದ್ದರೆ ಆರೋಗ್ಯವಂತ ಮಗು ಪಡೆಯಬಹುದು.