ಇಂಧನದ ಮೇಲಿನ ಸೆಸ್, ಹೆಚ್ಚುವರಿ ಶುಲ್ಕ ತೆಗೆಯಿರಿ: ಕೇಂದ್ರಕ್ಕೆ ತಮಿಳುನಾಡು ಆಗ್ರಹ

‘ವಿಧಿಸಲಾಗುತ್ತಿರುವ ಸೆಸ್ ಮತ್ತು ಹೆಚ್ಚುವರಿ ಶುಲ್ಕಗಳನ್ನು ಕಡಿಮೆ ಮಾಡಲು ಮತ್ತು ಅವುಗಳನ್ನು ಮೂಲ ತೆರಿಗೆ ದರಗಳೊಂದಿಗೆ ವಿಲೀನಗೊಳಿಸಲು ನಾವು (ತಮಿಳುನಾಡು) ಕೇಂದ್ರ ಸರ್ಕಾರವನ್ನು ಪದೇ ಪದೇ ಒತ್ತಾಯಿಸಿದೆ. ಹೀಗೆ ಮಾಡಿದರೆ, ರಾಜ್ಯಗಳೂ ಸೂಕ್ತ ಪಾಲು ಪಡೆಯಬಹುದು’ ಎಂದು ತ್ಯಾಗರಾಜನ್ ಹೇಳಿದರು.

‘ಪೆಟ್ರೋಲ್‌ ಮತ್ತು ಡೀಸೆಲ್‌ನ ಬೆಲೆ ಏರಿಕೆಯ ಹೊರೆಯನ್ನು ಜನರ ಮೇಲಿಂದ ಇಳಿಸಲು ಕಳೆದ ನವೆಂಬರ್‌ನಲ್ಲಿ ಕೇಂದ್ರ ಸರ್ಕಾರವು ಎಕ್ಸೈಸ್‌ ಸುಂಕವನ್ನು ಇಳಿಸಿತ್ತು. ರಾಜ್ಯಗಳೂ ತಮ್ಮ ಪಾಲಿನ ತೆರಿಗೆಯನ್ನು ಕಡಿತ ಮಾಡುವಂತೆ ಕೋರಿಕೊಂಡಿದ್ದೆವು. ಕೆಲವು ರಾಜ್ಯಗಳು ತೆರಿಗೆ ಕಡಿತ ಮಾಡಿದ್ದವು. ಕೆಲವು ರಾಜ್ಯಗಳು ತೆರಿಗೆ ಕಡಿತ ಮಾಡದೆ, ಅದರ ಲಾಭವನ್ನು ಜನರಿಗೆ ನೀಡಿಲ್ಲ. ಈ ಮೂಲಕ, ಆ ರಾಜ್ಯಗಳು ತಮ್ಮ ನಾಗರಿಕರಿಗೆ ಅನ್ಯಾಯ ಮಾಡಿವೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಬುಧವಾರ ಅರೋಪಿಸಿದ್ದರು.

'ಕೇಂದ್ರ ಸರ್ಕಾರದ ತೆರಿಗೆಗಳು ಈಗಾಗಲೇ ಮಿತಿ ಮೀರಿವೆ. ಆದರೂ, ರಾಜ್ಯಗಳು ವಿಧಿಸುವ ತೆರಿಗೆಗಳನ್ನು ಮತ್ತಷ್ಟು ಕಡಿಮೆ ಮಾಡಬೇಕು ಎನ್ನುವುದು ನ್ಯಾಯಯುತವೂ ಅಲ್ಲ, ಕಾರ್ಯಸಾಧುವೂ ಅಲ್ಲ’ ಎಂದು ತ್ಯಾಗರಾಜನ್‌ ಪ್ರತಿಪಾದಿಸಿದ್ದಾರೆ.