ಮಂಗಳವಾರ, ಅಕ್ಟೋಬರ್ 20, 2020
22 °C

ಕೊಕಾ ಕೋಲಾದಲ್ಲಿ ಶಾಶ್ವತ ವರ್ಕ್‌ ಫ್ರಮ್‌ ಹೋಮ್‌ಗೆ ಅವಕಾಶ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಕಚೇರಿಯಲ್ಲಿ ಭೌತಿಕ ಉಪಸ್ಥಿತಿಯ ಅಗತ್ಯವಿಲ್ಲದ ಸಂಸ್ಥೆಯ ಉದ್ಯೋಗಿಗಳಿಗೆ ಶಾಶ್ವತವಾಗಿ ಮನೆಯಿಂದಲೇ ಕೆಲಸ ಮಾಡುವ (ವರ್ಕ್‌ ಫ್ರಮ್‌ ಹೋಮ್‌) ಆಯ್ಕೆಯನ್ನು ತನ್ನ ಹೊಸ ನೀತಿಯ ಭಾಗವಾಗಿ ಪರಿಚಯಿಸಿರುವುದಾಗಿ ಪಾನೀಯ ತಯಾರಕ ಸಂಸ್ಥೆ ಹಿಂದೂಸ್ತಾನ್ ಕೋಕಾ-ಕೋಲಾ ಬೆವ್ರೆಜಸ್‌ (ಎಚ್‌ಸಿಸಿಬಿ) ಬುಧವಾರ ಹೇಳಿದೆ.

ಈ ಹೊಸ ನೀತಿಯ ಅಡಿಯಲ್ಲಿ ಉದ್ಯೋಗಿಗಳ ಸುರಕ್ಷತೆ, ಮಾನಸಿಕ–ದೈಹಿಕ ಸೌಖ್ಯ ಮತ್ತು ಮನೆಯಿಂದಲೇ ಕೆಲಸ ಮಾಡಲು ಬೇಕಾದ ಸೌಕರ್ಯಗಳಿಗಾಗಿ ಹಣಕಾಸಿನ ನೆರವನ್ನೂ ನೀಡಲಾಗುತ್ತದೆ ಎಂದು ಕೊಕಾ ಕೋಲಾ ಹೇಳಿದೆ.

‘ಕಂಪನಿಯ ಮೂಲ ಸಿದ್ಧಾಂತವಾದ ಉದ್ಯೋಗಿಗಳ ಆರೈಕೆ ಮತ್ತು ಕೆಲಸದ ಸರಳೀಕರಣದ ಆಧಾರದ ಮೇಲೆ ಈ ಹೊಸ ನೀತಿಯನ್ನು ರೂಪಿಸಲಾಗಿದೆ. ಕಾರ್ಖಾನೆ ಅಥವಾ ಮಾರಾಟ ವಿಭಾಗದಂಥ ವಿಭಾಗಗಳಲ್ಲಿ ದೈಹಿಕವಾಗಿ ಹಾಜರಾಗುವ ಅಗತ್ಯವಿಲ್ಲದವರು ಕೋವಿಡ್‌ ಸಾಂಕ್ರಾಮಿಕದ ನಂತರವೂ ಶಾಶ್ವತವಾಗಿ ಮನೆಯಿಂದಲೇ ಕೆಲಸ ಮಾಡುವ ಆಯ್ಕೆಯನ್ನು ಮಾಡಿಕೊಳ್ಳಬಹುದು. ಉದ್ಯೋಗಿಗಳು ಮತ್ತು ಅವರ ಕುಟುಂಬಸ್ಥರು ಕೆಲಸದ ಸ್ಥಳವನ್ನೂ ಅಂಜಿಕೆಗಳನ್ನು ಮೀರಿ ಸುರಕ್ಷಿತ ಹಾಗೂ ನಿಶ್ಚಿಂತ ಭಾವ ಹೊಂದುವುದನ್ನು ಈ ನೀತಿ ಖಾತ್ರಿಪಡಿಸುತ್ತದೆ,’ ಎಂದು ಸಂಸ್ಥೆ ಹೇಳಿದೆ.

‘ಸಂಸ್ಥೆ ಮತ್ತು ಉದ್ಯೋಗಿಗಳು ಕೂಡಿ ಈ ನೀತಿಯನ್ನು ರೂಪಿಸಿರುವುದು ಇದರ ವಿಶೇಷ. ಪರಿಸ್ಥಿತಿಗೆ ಅನುಗುಣವಾಗಿ ನೀತಿಗೆ ಅಗತ್ಯವಿರುವ ಯಾವುದೇ ಮಾರ್ಪಾಡುಗಳನ್ನು ಮಾಡಲು ನಾವು ಬದ್ಧರಾಗಿದ್ದೇವೆ,’ ಎಂದು ಸಂಸ್ಥೆಯ ಮಾನವ ಸಂಪನ್ಮೂಲ ವಿಭಾಗದ ಮುಖ್ಯಸ್ಥ ಇಂದ್ರಜೀತ್ ಸೇನ್‌ಗುಪ್ತಾ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು