ಜೈಪುರ: ರಾಜಸ್ಥಾನದ ಎಲ್ಲ 200 ಶಾಸಕರಿಗೆ ಅಶೋಕ್ ಗೆಹಲೋತ್ ಸರ್ಕಾರವು ‘ಐಫೋನ್ 13’ ಅನ್ನು ಉಡುಗೊರೆ ನೀಡಿದೆ.
ರಾಜಸ್ಥಾನ ವಿಧಾನಸಭೆಯಲ್ಲಿ ಬುಧವಾರ ಬಜೆಟ್ ಮಂಡಿಸಲಾಗಿದ್ದು, ಬಳಿಕ ಉಡುಗೊರೆ ನೀಡಲಾಗಿದೆ ಎಂದು ವರದಿಯಾಗಿದೆ. ಕಳೆದ ವರ್ಷ ಬಜೆಟ್ ಪ್ರತಿಯ ಜತೆಗೆ ಎಲ್ಲ ಶಾಸಕರಿಗೆ ‘ಐಪ್ಯಾಡ್‌’ಗಳನ್ನು ನೀಡಲಾಗಿತ್ತು.
ಸಾಮಾನ್ಯವಾಗಿ ಬಜೆಟ್ ಮಂಡನೆ ಬಳಿಕ ಸದನದಿಂದ ತೆರಳುವಾಗ ಶಾಸಕರಿಗೆ ಬಜೆಟ್ ಪ್ರತಿಯುಳ್ಳ ಬ್ರೀಫ್‌ಕೇಸ್ ನೀಡಲಾಗುತ್ತದೆ. ಆದರೆ, ಈ ಬಾರಿ ಬಜೆಟ್ ಪ್ರತಿಯ ಜತೆಗೆ ‘ಐಫೋನ್ 13’ ಒಳಗೊಂಡ ಸ್ಮಾರ್ಟ್‌ ಬ್ರೀಫ್‌ಕೇಸ್ ನೀಡಲಾಗಿದೆ ಎಂದು ‘ಎನ್‌ಡಿಟಿವಿ’ ವರದಿ ಮಾಡಿದೆ.
