ಮಿಜೋರಾಂ: ಮಣಿಪುರ ಮುಖ್ಯಮಂತ್ರಿ ಎನ್. ಬಿರೇನ್ ಸಿಂಗ್ ಅವರಿಗೆ ಕೋವಿಡ್–19 ದೃಢಪಟ್ಟಿದೆ. ಈ ವಿಚಾರವನ್ನು ಸಿಂಗ್ ಅವರೇ ಟ್ವಿಟರ್ ಮೂಲಕ ಹಂಚಿಕೊಂಡಿದ್ದು, ಇತ್ತೀಚೆಗೆ ತಮ್ಮನ್ನು ಭೇಟಿಯಾದವರು ಕೂಡಲೇ ಪರೀಕ್ಷೆಗೆ ಮಾಡಿಸಿಕೊಳ್ಳಿ ಮತ್ತು ಪ್ರತ್ಯೇಕವಾಸದಲ್ಲಿ ಉಳಿಯಿರಿ ಎಂದು ಮನವಿ ಮಾಡಿದ್ದಾರೆ.
I have tested positive for COVID-19. I request all those who came in close contact with me recently, to self isolate and get tested.
ಕೇಂದ್ರ ಆರೋಗ್ಯ ಸಚಿವಾಲಯದ ಮಾಹಿತಿ ಪ್ರಕಾರ ಮಣಿಪುರದಲ್ಲಿ ಇದುವರೆಗೆ ಒಟ್ಟು 21,636 ಜನರಿಗೆ ಕೋವಿಡ್–19 ಪ್ರಕರಣಗಳು ವರದಿಯಾಗಿವೆ. ಇದರಲ್ಲಿ 18,334 ಸೋಂಕಿತರು ಗುಣಮುಖರಾಗಿದ್ದು, 218 ಮಂದಿ ಮೃತಪಟ್ಟಿದ್ದಾರೆ.
ದೇಶದಾದ್ಯಂತ ಶನಿವಾರ ಒಂದೇ ದಿನ 41,100 ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 88,14,579ಕ್ಕೆ ಏರಿಕೆಯಾಗಿದೆ. ಸಾವಿನ ಸಂಖ್ಯೆ 1,29,635ಕ್ಕೆ ತಲುಪಿದೆ. 82,05,728 ಸೋಂಕಿತರು ಗುಣಮುಖರಾಗಿದ್ದು, 4,79,216 ಸಕ್ರಿಯ ಪ್ರಕರಣಗಳು ಇವೆ.