ಹೈದರಾಬಾದ್: ವಿದೇಶಿಯರ ನಿಯೋಗ ಭೇಟಿ

64 ದೇಶಗಳ ರಾಜತಾಂತ್ರಿಕ ಅಧಿಕಾರಿಗಳು ಮತ್ತು ತಜ್ಞರು ಈ ನಿಯೋಗದಲ್ಲಿ ಇದ್ದರು. ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಈ ಭೇಟಿಯನ್ನು ಆಯೋಜಿಸಿತ್ತು. ಭಾರತ್ ಬಯೊಟೆಕ್‌ ಕಂಪನಿಯು ತನ್ನ ಲಸಿಕೆ ತಯಾರಿಕಾ ಘಟಕಗಳ ಸಾಮರ್ಥ್ಯದ ಬಗ್ಗೆ ನಿಯೋಗದ ಸದಸ್ಯರಿಗೆ ಪ್ರಾತ್ಯಕ್ಷಿಕೆ ನೀಡಿದೆ.

ವಿಶ್ವದಲ್ಲಿ ತಯಾರಾಗುವ ಒಟ್ಟು ಲಸಿಕೆಗಳಲ್ಲಿ ಶೇ 30ರಷ್ಟು ಹೈದರಾಬಾದ್‌ನಲ್ಲೇ ತಯಾರಾಗುತ್ತಿವೆ ಎಂದು ತೆಲಂಗಾಣ ಆರೋಗ್ಯ ಇಲಾಖೆಯು ನಿಯೋಗಕ್ಕೆ ಮನವರಿಕೆ ಮಾಡಿಕೊಟ್ಟಿದೆ.