ನಿಜ ಜೀವನದಲ್ಲಿ ಹೀರೋ ಆಗಿ: ತಮಿಳು ನಟ ವಿಜಯ್‌ಗೆ ಹೈಕೋರ್ಟ್ ತಾಕೀತು

ಚೆನ್ನೈ (ಪಿಟಿಐ): ‘ಬೆಳ್ಳಿ ಪರದೆಯಲ್ಲಷ್ಟೇ ನಾಯಕರಾಗಿ ಉಳಿಯಬೇಡಿ. ಸಕಾಲದಲ್ಲಿ, ಪ್ರಾಮಾಣಿಕವಾಗಿ ತೆರಿಗೆಯನ್ನೂ ಪಾವತಿಸಿ‘ ಎಂದು ಮದ್ರಾಸ್ ಹೈಕೋರ್ಟ್ ತಮಿಳು ಚಿತ್ರನಟ ವಿಜಯ್ ಅವರಿಗೆ ತಾಕೀತು ಮಾಡಿದೆ.

. ಇಂಗ್ಲೆಂಡ್ನಿಂದ 2012ರಲ್ಲಿ ಆಮದು ಮಾಡಿಕೊಂಡಿದ್ದ ಐಷಾರಾಮಿ ‘ರೋಲ್ಸ್ ರಾಯ್ ಘೋಸ್ಟ್‘ ಕಾರಿಗೆ ಹೆಚ್ಚು ಪ್ರವೇಶ ತೆರಿಗೆ ವಿಧಿಸಲಾಗಿದೆ ಎಂದು ಪ್ರಶ್ನಿಸಿ ವಿಜಯ್ ರಿಟ್ ಅರ್ಜಿ ಸಲ್ಲಿಸಿದ್ದರು.

. ಅರ್ಜಿಯನ್ನು ವಜಾ ಮಾಡುವುದರ ಜೊತೆಗೆ ₹ 1 ಲಕ್ಷ ದಂಡವನ್ನೂ ವಿಧಿಸಿದ ಕೋರ್ಟ್, ದಂಡದ ಮೊತ್ತವನ್ನು ಎರಡು ವಾರಗಳಲ್ಲಿ ಮುಖ್ಯಮಂತ್ರಿಗಳ ಕೋವಿಡ್ ಪರಿಹಾರ ನಿಧಿಗೆ ಸಲ್ಲಿಸಬೇಕು ಎಂದು ಆದೇಶಿಸಿತು.

. ‘ಜನಪ್ರಿಯ ಚಿತ್ರನಟರಾಗಿ ಸಕಾಲದಲ್ಲಿ, ಪ್ರಾಮಾಣಿಕವಾಗಿ ತೆರಿಗೆ ಪಾವತಿಸಬೇಕು ಎಂಬ ನಿರೀಕ್ಷೆ ಇರುತ್ತದೆ. ತೆರೆ ಮೇಲಷ್ಟೇ ನಾಯಕರಾಗಿದ್ದರೆ ಸಾಲದು‘ ಎಂದು ನ್ಯಾಯಮೂರ್ತಿ ಎಸ್.ಎಂ.ಸುಬ್ರಹ್ಮಣಿಯಂ ಹೇಳಿದರು.

. ‘ಅರ್ಜಿದಾರರಾದ ಸಿ.ಜೋಸೆಫ್ ವಿಜಯ್ ಅವರು ತಮ್ಮ ಅರ್ಜಿಯಲ್ಲಿ ತಮ್ಮ ವೃತ್ತಿ ಅಥವಾ ಪ್ರವೃತ್ತಿಯನ್ನೂ ದಾಖಲಿಸಿಲ್ಲ. ಈ ಕಾಲಂ ಖಾಲಿ ಬಿಡಲಾಗಿದೆ. ವಿಜಯ್ ಪರ ವಕೀಲರು, ಅರ್ಜಿದಾರರು ಹೆಸರಾಂತ ನಟ ಎಂಬುದನ್ನು ಉಲ್ಲೇಖಿಸಿದ ಬಳಿಕವಷ್ಟೇ ಇದು ಗೊತ್ತಾಗಿದೆ’ ಎಂದು ನ್ಯಾಯಮೂರ್ತಿ ಉಲ್ಲೇಖಿಸಿದರು.

. ‘ತೆರಿಗೆ ಪಾವತಿಯನ್ನು ತಪ್ಪಿಸಿಕೊಳ್ಳುವುದನ್ನು ದೇಶ ವಿರೋಧಿ ಹವ್ಯಾಸ ಎಂದೇ ಪರಿಗಣಿಸಬೇಕು. ಇಂಥ ವರ್ತನೆ ಮತ್ತು ಮನೋಭಾವ ಕೂಡಾ ಅಸಾಂವಿಧಾನಿಕವಾದುದು’ ಎಂದು ಕೋರ್ಟ್ ಅಭಿಪ್ರಾಯಪಟ್ಟಿದೆ.

. ಅರ್ಜಿಯನ್ನು ವಜಾ ಮಾಡಿ, ನಿಯಮದಂತೆ ಪ್ರವೇಶ ತೆರಿಗೆಯನ್ನು ಈ ಆದೇಶದ ಪ್ರತಿಯನ್ನು ಪಡೆದ ಎರಡು ವಾರದಲ್ಲಿ ಸಂದಾಯ ಮಾಡಬೇಕು. ಈಗಾಗಲೇ ಪಾವತಿಸಿದ್ದರೆ, 2012ರ ಜುಲೈ 17ರ ಮಧ್ಯಂತರ ಆದೇಶದಲ್ಲಿ ತಿಳಿಸಿದ್ದಂತೆ ಶೇ 20ರಷ್ಟು ಪ್ರವೇಶ ತೆರಿಗೆಯನ್ನು ಹೊಂದಾಣಿಸಿಕೊಳ್ಳಬೇಕು’ ಎಂದು ಆದೇಶಿಸಿತು.

. ಕಾಲಮಿತಿಯಲ್ಲಿ ಪ್ರವೇಶ ತೆರಿಗೆಯನ್ನು ಪಾವತಿಸದಿದ್ದರೆ ಕಾನೂನು ಕ್ರಮವನ್ನು ಜರುಗಿಸಬೇಕು ಎಂದು ಪ್ರತಿವಾದಿಗಳಾಗಿದ್ದ ಗೃಹ ಇಲಾಖೆ, ವಾಣಿಜ್ಯ ತೆರಿಗೆ ಇಲಾಖೆಗೂ ಕೋರ್ಟ್ ಸೂಚಿಸಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿಜ ಜೀವನದಲ್ಲಿ ಹೀರೋ ಆಗಿ: ತಮಿಳು ನಟ ವಿಜಯ್‌ಗೆ ಹೈಕೋರ್ಟ್ ತಾಕೀತು

ಚಿನಕುರುಳಿ | ಗುರುವಾರ, 17 ಜುಲೈ 2025

ಚುರುಮುರಿ |ಬಾಡು ಭಾಗ್ಯ

ದಿನ ಭವಿಷ್ಯ | ಸಮಯೋಚಿತ ಕಾರ್ಯ ನಡೆಸುವಲ್ಲಿ ಆಲಸ್ಯ

ಚಿನಕುರುಳಿ | ಬುಧವಾರ, 16 ಜುಲೈ 2025

Andre Russell: ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಆ್ಯಂಡ್ರೆ ರಸೆಲ್‌ ವಿದಾಯ

ಮೈಸೂರು: ಜುಲೈ 24ರಿಂದ ಟೇಬಲ್ ಟೆನಿಸ್ ಟೂರ್ನಿ

Chess: ಕಾರ್ಲ್‌ಸನ್‌ ಮಣಿಸಿ ಕ್ವಾರ್ಟರ್‌ಫೈನಲ್ ತಲುಪಿದ ಪ್ರಜ್ಞಾನಂದ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್: ಹೊರಬಿದ್ದ ಲಕ್ಷ್ಯ, ಸಾತ್ವಿಕ್‌–ಚಿರಾಗ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಗುರುವಾರ, 17 ಜುಲೈ 2025

ಚುರುಮುರಿ |ಬಾಡು ಭಾಗ್ಯ

ದಿನ ಭವಿಷ್ಯ | ಸಮಯೋಚಿತ ಕಾರ್ಯ ನಡೆಸುವಲ್ಲಿ ಆಲಸ್ಯ

ಚಿನಕುರುಳಿ | ಬುಧವಾರ, 16 ಜುಲೈ 2025