ಕೋವಿಡ್ ಲಸಿಕೆ ಕೊರತೆಯಿಲ್ಲ, ಯೋಜನೆ ರೂಪಿಸುವಲ್ಲಿ ಸಮಸ್ಯೆಯಿದೆ: ಕೇಂದ್ರ

ನವದೆಹಲಿ: ಕೋವಿಡ್–19 ಲಸಿಕೆ ಕೊರತೆ ಸಮಸ್ಯೆಯಲ್ಲ. ಬದಲಿಗೆ ಸರಿಯಾದ ಯೋಜನೆ ರೂಪಿಸುವಲ್ಲಿ ಸಮಸ್ಯೆ ಇದೆ ಎಂದು ಕೇಂದ್ರ ಸರ್ಕಾರ ಮಂಗಳವಾರ ಹೇಳಿದೆ.

ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳ ಬಳಿ ಸುಮಾರು 1.67 ಕೋಟಿ ಡೋಸ್ ಲಸಿಕೆ ಲಭ್ಯವಿವೆ ಎಂದೂ ಕೇಂದ್ರ ಹೇಳಿದೆ.

‘ಈವರೆಗೆ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು 13,10,90,370 ಡೋಸ್‌ ಲಸಿಕೆಗಳನ್ನು ಸ್ವೀಕರಿಸಿವೆ. ಇವುಗಳಲ್ಲಿ ವ್ಯರ್ಥವಾಗಿರುವುದೂ ಸೇರಿದಂತೆ 11,43,69,677 ಡೋಸ್ ಬಳಕೆಯಾಗಿವೆ.

ಓದಿ: Covid-19 India Update: 1.61 ಲಕ್ಷ ಹೊಸ ಪ್ರಕರಣ ವರದಿ

‘ಮಂಗಳವಾರ ಬೆಳಿಗ್ಗೆ 11 ಗಂಟೆವರೆಗಿನ ಲೆಕ್ಕಾಚಾರ ಪ್ರಕಾರ, 1,67,20,693 ಡೋಸ್ ಲಸಿಕೆ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಬಳಿ ಇವೆ. ಈಗಿನಿಂದ ಏಪ್ರಿಲ ಕೊನೆಯ ವರೆಗೆ 2,01,22,960 ಡೋಸ್‌ಗಳು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಪೂರೈಕೆಯಾಗಲಿವೆ’ ಎಂದು ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್ ತಿಳಿಸಿದ್ದಾರೆ.