ಹಿರೇಬೆಣಕಲ್ ಅನ್ನು ಪಟ್ಟಿಗೆ ಸೇರಿಸಿರುವ ಕುರಿತು ಸರ್ಕಾರ ಈ ರೀತಿ ಸಮರ್ಥನೆ ನೀಡಿದೆ: ‘2,500 ವರ್ಷಗಳಿಂದಲೂ ಈ ಶಿಲಾ ವಿನ್ಯಾಸಗಳು ಮಣ್ಣಿನ ದಿಬ್ಬದ ಮೇಲೆ ನಿಂತಿವೆ. ಈ ವಿನ್ಯಾಸಗಳು ಇತಿಹಾಸಪೂರ್ವ ಕಾಲದಲ್ಲಿ ಅಂತಿಮ ಸಂಸ್ಕಾರ ಮತ್ತು ಧಾರ್ಮಿಕ ಆಚರಣೆ ಗಳನ್ನು ಹೇಗೆ ನಡೆಸಲಾಗುತ್ತಿತ್ತು ಎಂಬುದರ ಕುರಿತು ಒಳನೋಟಗಳನ್ನು ಒದಗಿಸುತ್ತವೆ’. ‘ಇತಿಹಾಸಪೂರ್ವದಲ್ಲಿ ಕೆತ್ತಿರುವ ಗುಹಾ ಚಿತ್ರಗಳೂ ಇಲ್ಲಿ ಇವೆ. ಮಾನವಾಕೃತಿಗಳು, ಕತ್ತಿ ಹಿಡಿದು ಕುದುರೆ ಮೇಲೆ ಕುಳಿತಿರುವ ಮಾನವ, ಜಿಂಕೆ ಹಿಂಡು, ನವಿಲುಗಳ ಚಿತ್ರಗಳನ್ನು ಕೆತ್ತಲಾಗಿದೆ. ಈ ಚಿತ್ರಗಳು ಆ ಕಾಲಘಟ್ಟದಲ್ಲಿ ಆಯುಧಗಳ ಬಳಕೆ ಇತ್ತು ಮತ್ತು ಶಿಕಾರಿ ನಡೆಸಲಾಗುತ್ತಿತ್ತು ಎಂಬ ಕುರಹುಗಳನ್ನು ನೀಡುತ್ತವೆ’ ಎಂದಿದೆ.