ಐತಿಹಾಸಿಕ ತಾಣ: ಸಾಗರದಿ ಪಥ ತೋರುವ ದೀಪಸ್ತಂಭ

ದೀಪಸ್ತಂಭ (ಲೈಟ್‍ಹೌಸ್) ಒಳಗೊಂಡಿರುವ ಕಾರವಾರ ಸಮೀಪದ ದೇವಗಡ ಆಕರ್ಷಣೀಯ ದ್ವೀಪ ಪ್ರದೇಶ. ಸಮುದ್ರದ ನಡುವಿನ ಈ ಸ್ಥಳದಲ್ಲಿನ ಪರಿಸರ, ಬಂಡೆಕಲ್ಲುಗಳು ನೋಡುಗರನ್ನು ಆಕರ್ಷಿಸುತ್ತವೆ. ದೀಪಸ್ತಂಭದ ಮೇಲಿನಿಂದ ನಿಂತು ನೋಡಿದರೆ ಗೋಚರಿಸುವ ದ್ವೀಪದ ಸೌಂದರ್ಯಕ್ಕೆ ಮಾರು ಹೋಗದವರಿಲ್ಲ. ಉಪ್ಪುನೀರಿನ ಸಮುದ್ರದ ನಡುವೆ ಇದ್ದರೂ ದ್ವೀಪದಲ್ಲಿ ಎರಡು ಸಿಹಿನೀರಿನ ಬಾವಿಗಳಿವೆ. ಹಿಂದೆಲ್ಲ ಇಲ್ಲಿಗೆ ನೂರಾರು ಸಂಖ್ಯೆಯಲ್ಲಿ ಪ್ರವಾಸಿಗರು ದೋಣಿ ಮೂಲಕ ಭೇಟಿ ನೀಡುತ್ತಿದ್ದರು. ಆದರೆ, ಈಚಿನ ವರ್ಷಗಳಲ್ಲಿ ಇದನ್ನು ನಿರ್ಬಂಧಿತ ಪ್ರದೇಶ ಎಂದು ಘೋಷಿಸಲಾಗಿದೆ.