ಪುದುಚೇರಿ ಪ್ರವಾಸ: ಎರಡು ದಿನದಲ್ಲಿ ಏನೆಲ್ಲಾ ನೋಡಬಹುದು? ಇಲ್ಲಿದೆ ಮಾಹಿತಿ

ಇನ್ನೇನು 2026 ಆರಂಭವಾಗಲು ಬೆರಳೆಣಿಕೆಯಷ್ಟು ದಿನಗಳು ಬಾಕಿಯಿವೆ. ಹೊಸ ವರ್ಷದ ಆರಂಭವನ್ನು ಸದಾ ನೆನಪಿನಲ್ಲಿ ಇರುವ ಹಾಗೆ ಒಂದೊಳ್ಳೆ ಸ್ಥಳದಲ್ಲಿ ಆಚರಿಸಬೇಕು ಎಂದುಕೊಂಡರೆ ಅದಕ್ಕೆ ಉತ್ತಮ ಮತ್ತು ಬಜೆಟ್ ಸ್ನೇಹಿ ಜಾಗ ಎಂದರೆ ಪುದುಚೇರಿ (ಪಾಂಡಿಚೇರಿ).

ಬಂಗಾಳ ಕೊಲ್ಲಿಯ ಅಂಚಿನಲ್ಲಿರುವ ಪುದುಚೇರಿ ಒಬ್ಬಂಟಿ (ಸೋಲೊ) ಪ್ರವಾಸಿಗರಿಂದ ಹಿಡಿದು, ದಂಪತಿ, ಸ್ನೇಹಿತರೊಂದಿಗಿನ ಭೇಟಿಗೂ ಉತ್ತಮ ಜಾಗವಾಗಿದೆ.

ಕಡಿಮೆ ಖರ್ಚಿನಲ್ಲಿ ಉಳಿದುಕೊಳ್ಳಲು ಹೋಟೆಲ್ಗಳೂ ಇಲ್ಲಿ ಲಭ್ಯವಿವೆ. ಅಲ್ಲದೆ ಸಮುದ್ರ ಅಂಚಿನಲ್ಲಿ ಉಳಿದುಕೊಳ್ಳಲು ಬಯಸಿದರೆ ಹೋಮ್ಸ್ಟೇಗಳೂ ಲಭ್ಯವಿವೆ. ಆದರೆ ಇವು ತುಸು ದುಬಾರಿಯಾಗಬಹುದು.

ಫ್ರೆಂಚರ್ ಆಳ್ವಿಕೆಗೆ ಒಳಪಟ್ಟ ಈ ನಗರ ಈಗಲೂ ವಿದೇಶಿ ಶೈಲಿಯ ಕಟ್ಟಡ, ಬೀದಿಗಳನ್ನು ಉಳಿಸಿಕೊಂಡಿದೆ. ಕೇಂದ್ರಾಡಳಿತ ಪ್ರದೇಶವಾಗಿರುವ ಪುದುಚೇರಿ ಸ್ವಚ್ಛ ನಗರವೂ ಆಗಿದೆ. ಸಮುದ್ರದ ಹೊರತಾಗಿ ಇವುಗಳೇ ಪುದುಚೇರಿಯ ಆಕರ್ಷಣೆಯ ಕೇಂದ್ರಗಳು.

. ಪುದುಚೇರಿಯಲ್ಲಿ ಹೀಗೆ ಸಮಯ ಕಳೆಯಿರಿ

ಅರೋವಿಲ್ಲೆಗೆ ಭೇಟಿ ನೀಡಬಹುದು. ಇದು ಧ್ಯಾನಕೇಂದ್ರವಾಗಿದ್ದು, ಹಸಿರು ಪರಿಸರದಲ್ಲಿ ನಡೆದು ಸಾಗಿದರೆ ವೃತ್ತಾಕಾರದ ಧ್ಯಾನಕೇಂದ್ರ ಕಾಣಸಿಗುತ್ತದೆ.

ಪುದುಚೇರಿ ನಗರದಲ್ಲಿ ಚರ್ಚ್ಗಳಿಗೆ ಭೇಟಿ ಕೊಡಬಹುದು.

ನಗರದ ಬೀದಿಗಳಲ್ಲಿ ಕಪ್ಪೆಚಿಪ್ಪುಗಳಿಂದ ಮಾಡಿದ ಆಭರಣ, ಮನೆಯಲಂಕಾರಿಕ ವಸ್ತುಗಳು, ಪುಸ್ತಕಗಳು. ಫ್ರಿಡ್ಜ್ ಮ್ಯಾಗ್ನೆಟ್ಗಳು ಹೀಗೆ ಹಲವು ರೀತಿಯ ವಸ್ತುಗಳನ್ನು ಶಾಪಿಂಗ್ ಮಾಡಬಹುದು.

ಇಲ್ಲಿರುವ ತರಹೇವಾರಿ ಹೋಟೆಲ್ಗಳಲ್ಲಿ ಪ್ರೆಂಚರ ತಿನಿಸುಗಳು, ದಕ್ಷಿಣ, ಉತ್ತರ ಭಾರತದ ಆಹಾರ, ವಿಶೇಷ ಕಾಫಿಯನ್ನು ಸವಿಯಬಹುದು.

ಪುದುಚೇರಿಯಲ್ಲಿ ರಾಕ್ ಬೀಚ್ನಲ್ಲಿ ಸೂರ್ಯೋದಯ ಮತ್ತು ಸೂರ್ಯಾಸ್ತವನ್ನು ಕಣ್ತುಂಬಿಕೊಳ್ಳಬಹುದು. ಇದಕ್ಕೆ ಪ್ರೊಮೆನೇಡ್ ಬೀಚ್ ಎಂತಲೂ ಕರೆಯುತ್ತಾರೆ. ಈ ಬೀಚ್ ಪಕ್ಕದಲೇ ಪಬ್ಗಳಿದ್ದು ಸಂಗೀತ ಸಂಜೆಯನ್ನೂ ಆನಂದಿಸಬಹುದು.

ರಾಕ್ ಬೀಚ್ ಎದುರಿನಲ್ಲೇ ಪುದುಚೇರಿ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಕಟ್ಟಡವಿದೆ.

. ಪ್ಯಾರಡೈಸ್ ಮತ್ತು ಈಡನ್ ಬೀಚ್ನಲ್ಲಿ ಸ್ವಚ್ಛವಾಗಿರುವ ನೀರಿನಲ್ಲಿ ಆಟವಾಡಬಹುದು. ವಾಟರ್ ಗೇಮ್ಸ್ಗಳೂ ಇಲ್ಲಿ ಸಿಗುತ್ತವೆ. ಕಪ್ಪೆಚಿಪ್ಪುಗಳನ್ನು ಕಲೆಹಾಕಬಹುದು.

ಸೆರೆನಿಟಿ ಬೀಚ್ನಲ್ಲಿ ಸರ್ಫಿಂಗ್ಗೆ ಅವಕಾಶವಿದೆ. ಜತೆಗೆ ಸಮುದ್ರ ಮಧ್ಯದಲ್ಲಿ ಸಾಗುವ ಮೀನುಗಾರಿಕಾ ದೋಣಿಗಳನ್ನು ಕಣ್ತುಂಬಿಕೊಳ್ಳಬಹುದು.

ಪುದುಚೇರಿಯ ಇನ್ನೊಂದು ಪ್ರಮುಖ ಆಕರ್ಷಣೆ ‘ಫ್ರೆಂಚ್ ಕಾಲೋನಿಗಳು’. ಫ್ರೆಂಚರ ಕಾಲದಲ್ಲಿ ನಿರ್ಮಿಸಿದ ಕಟ್ಟಡಗಳು, ಅವುಗಳಿಗೆ ಬಳಿದ ಬಣ್ಣಗಳು ಆಕರ್ಷಿಸುತ್ತವೆ. ಫೋಟೋಶೂಟ್ಗಳಿಗೆ ಹೇಳಿ ಮಾಡಿಸಿದ ಜಾಗವಿದು.

ಮ್ಯಾಂಗ್ರೋವ್ ಫಾರೆಸ್ಟ್ ಬೋಟಿಂಗ್ಗೆ ಭೇಟಿ ನೀಡಿದರೆ ಸಮುದ್ರ ಮಧ್ಯದಲ್ಲಿ ಮತ್ತು ಕಾಂಡ್ಲಾವನದಲ್ಲಿ ಬೋಟ್ ರೈಡ್ ಮಾಡಬಹುದು.

ಎರಡು ದಿನಗಳಲ್ಲಿ ಪುದುಚೇರಿಯನ್ನು ಸುತ್ತಾಡಿ ನೆನಪುಗಳ ಬುತ್ತಿಯೊಂದಿಗೆ ವಾಪಸಾಗಬಹುದು.

ಅಕ್ಟೋಬರ್ನಿಂದ–ಮಾರ್ಚ್ವರೆಗೆ ಪುದುಚೇರಿ ಭೇಟಿಗೆ ಉತ್ತಮ ಸಮಯವಾಗಿದೆ.

. ಸಾಗುವುದು ಹೇಗೆ?

ಬೆಂಗಳೂರಿನಿಂದ ಪುದುಚೇರಿಗೆ 316 ಕಿ.ಮೀ ದೂರ

ರೈಲು ಅಥವಾ ವಿಮಾನದ ಮೂಲಕ ಸಾಗಬಹುದು.

ಕಾರಿನಲ್ಲಿ ಹೋಗುತ್ತಿರಿ ಎಂದರೆ 5-6 ಗಂಟೆಗಳ ಪ್ರಯಾಣ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುದುಚೇರಿ ಪ್ರವಾಸ: ಎರಡು ದಿನದಲ್ಲಿ ಏನೆಲ್ಲಾ ನೋಡಬಹುದು? ಇಲ್ಲಿದೆ ಮಾಹಿತಿ

ಚಿನಕುರುಳಿ: ಗುರುವಾರ, 25 ಡಿಸೆಂಬರ್ 2025

ಗುಂಡಣ್ಣ: ಗರುವಾರ, 25 ಡಿಸೆಂಬರ್ 2025

ಚುರುಮುರಿ: ಹೆಸರಲ್ಲಿ ಎಲ್ಲ ಇದೆ!

ಚಿತ್ರದುರ್ಗ | ಸೀಬರ್ಡ್ ಬಸ್-ಕಂಟೈನರ್ ನಡುವೆ ಡಿಕ್ಕಿ: ಹಲವರ ಸಾವು

ಖೇಲ್ ರತ್ನ: ಹಾರ್ದಿಕ್ ಸಿಂಗ್‌ ಹೆಸರು ಶಿಫಾರಸು

ರಾಷ್ಟ್ರೀಯ ನೆಟ್‌ಬಾಲ್ ಟೂರ್ನಿ: ಕರ್ನಾಟಕ ಬಾಲಕಿಯರಿಗೆ ಭರ್ಜರಿ ಜಯ

ಡಿ.31ರಿಂದ ರಾಷ್ಟ್ರಮಟ್ಟದ ಕೊಕ್ಕೊ ಟೂರ್ನಿ

ವಿಜಯ್ ಮರ್ಚೆಂಟ್‌ ಟ್ರೋಫಿ: ಕರ್ನಾಟಕ ಎದುರು ಆಂಧ್ರ ಹೋರಾಟ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಚಿನಕುರುಳಿ: ಗುರುವಾರ, 25 ಡಿಸೆಂಬರ್ 2025

ಗುಂಡಣ್ಣ: ಗರುವಾರ, 25 ಡಿಸೆಂಬರ್ 2025

ಚುರುಮುರಿ: ಹೆಸರಲ್ಲಿ ಎಲ್ಲ ಇದೆ!

ಚಿತ್ರದುರ್ಗ | ಸೀಬರ್ಡ್ ಬಸ್-ಕಂಟೈನರ್ ನಡುವೆ ಡಿಕ್ಕಿ: ಹಲವರ ಸಾವು