<p><strong>ನವದೆಹಲಿ</strong>: ಈ ವರ್ಷದ ಆರಂಭದಿಂದ ಜುಲೈ21ರವರೆಗೆ ಐದು ಭಾರತೀಯ ವಿಮಾನಯಾನ ಸಂಸ್ಥೆಗಳು ತಮ್ಮ ವಿಮಾನಗಳಲ್ಲಿ 183 ತಾಂತ್ರಿಕ ದೋಷವನ್ನು ವಾಯುಯಾನ ನಿಯಂತ್ರಕ ಡಿಜಿಸಿಎಗೆ ವರದಿ ಮಾಡಿದ್ದು, ಅದರಲ್ಲಿ 85 ದೋಷಗಳು ಏರ್ ಇಂಡಿಯಾ ವಿಮಾನಗಳಿಂದಲೇ ವರದಿಯಾಗಿವೆ ಎಂದು ಸರ್ಕಾರ ಲೋಕಸಭೆಗೆ ತಿಳಿಸಿದೆ. </p><p>ಈ ಕುರಿತು ಲಿಖಿತ ರೂಪದಲ್ಲಿ ಉತ್ತರ ನೀಡಿರುವ ನಾಗರಿಕ ವಿಮಾನಯಾನ ಸಚಿವಾಲಯ, ‘ಇಂಡಿಗೊ 62, ಆಕಾಸಾ ಏರ್ಲೈನ್ಸ್ 68 ತಾಂತ್ರಿಕ ದೋಷಗಳನ್ನು ವರದಿ ಮಾಡಿದೆ ಎಂದು ತಿಳಿಸಿದೆ. </p><p>ಏರ್ ಇಂಡಿಯಾ ಮತ್ತು ಏರ್ ಇಂಡಿಯಾ ಎಕ್ಸ್ಪ್ರೆಸ್ ಎರಡೂ ಒಟ್ಟಾಗಿ ಕ್ರಮವಾಗಿ 85 ತಾಂತ್ರಿಕ ದೋಷಗಳನ್ನು ವರದಿ ಮಾಡಿದೆ. ಈ ಎಲ್ಲಾ ಅಂಕಿ ಅಂಶಗಳು ಜನವರಿಯಿಂದ ಜುಲೈ 21ರವರೆಗಿನದು ಎಂದು ಸಚಿವಾಲಯ ಹೇಳಿದೆ. </p><p>2024ರಲ್ಲಿ 421 ತಾಂತ್ರಿಕ ದೋಷಗಳು ವರದಿಯಾಗಿದ್ದು, 2023ರಲ್ಲಿ 448, 2022ರಲ್ಲಿ 528 ತಾಂತ್ರಿಕ ದೋಷಗಳು ವರದಿಯಾಗಿದ್ದವು. ಈ ಮೂರು ವರ್ಷದ ಅಂಕಿ ಅಂಶದಲ್ಲಿ ಅಲಯಾನ್ಸ್ ಏರ್ ಮತ್ತು ಹಿಂದಿನ ವಿಸ್ತಾರಾದ ವರದಿಗಳೂ ಸೇರಿವೆ. 2021ರಲ್ಲಿ 514 ತಾಂತ್ರಿಕ ದೋಷಗಳು ವರದಿಯಾಗಿದ್ದವು, ಆ ಸಮಯದಲ್ಲಿ ಆಕಾಸ ಏರ್ಲೈನ್ಸ್ ಆರಂಭವಾಗಿರಲಿಲ್ಲ ಎಂದು ಸಚಿವಾಲಯ ಲೋಕಸಭೆಗೆ ಮಾಹಿತಿ ನೀಡಿದೆ.</p><p>ಎಲ್ಲಾ ದೋಷಗಳನ್ನು ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ (ಡಿಜಿಸಿಎ)ಗೆ ವರದಿ ಮಾಡಲಾಗಿದ್ದು, ಸೂಕ್ತ ತಿದ್ದುಪಡಿ ಕ್ರಮ ಕೈಗೊಳ್ಳಲು ತನಿಖೆ ನಡೆಸಬೇಕಾಗಿದೆ. </p><p>ಎಲ್ಲಾ ತಾಂತ್ರಿಕ ದೋಷಗಳ ತನಿಖೆ, ಮುಖ್ಯವಾಗಿ ಪ್ರಮುಖ ದೋಷಗಳ ತನಿಖೆಯನ್ನು ಸಾಧ್ಯವಾದಷ್ಟು ಬೇಗ ಕೈಗೊಳ್ಳಲಾಗುವುದು ಎಂದು ನಾಗರಿಕ ವಿಮಾನಯಾನ ಸಚಿವಾಲಯದ ರಾಜ್ಯ ಖಾತೆ ಸಚಿವ ಮುರಳಿಧರ ಮೋಹಲ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಈ ವರ್ಷದ ಆರಂಭದಿಂದ ಜುಲೈ21ರವರೆಗೆ ಐದು ಭಾರತೀಯ ವಿಮಾನಯಾನ ಸಂಸ್ಥೆಗಳು ತಮ್ಮ ವಿಮಾನಗಳಲ್ಲಿ 183 ತಾಂತ್ರಿಕ ದೋಷವನ್ನು ವಾಯುಯಾನ ನಿಯಂತ್ರಕ ಡಿಜಿಸಿಎಗೆ ವರದಿ ಮಾಡಿದ್ದು, ಅದರಲ್ಲಿ 85 ದೋಷಗಳು ಏರ್ ಇಂಡಿಯಾ ವಿಮಾನಗಳಿಂದಲೇ ವರದಿಯಾಗಿವೆ ಎಂದು ಸರ್ಕಾರ ಲೋಕಸಭೆಗೆ ತಿಳಿಸಿದೆ. </p><p>ಈ ಕುರಿತು ಲಿಖಿತ ರೂಪದಲ್ಲಿ ಉತ್ತರ ನೀಡಿರುವ ನಾಗರಿಕ ವಿಮಾನಯಾನ ಸಚಿವಾಲಯ, ‘ಇಂಡಿಗೊ 62, ಆಕಾಸಾ ಏರ್ಲೈನ್ಸ್ 68 ತಾಂತ್ರಿಕ ದೋಷಗಳನ್ನು ವರದಿ ಮಾಡಿದೆ ಎಂದು ತಿಳಿಸಿದೆ. </p><p>ಏರ್ ಇಂಡಿಯಾ ಮತ್ತು ಏರ್ ಇಂಡಿಯಾ ಎಕ್ಸ್ಪ್ರೆಸ್ ಎರಡೂ ಒಟ್ಟಾಗಿ ಕ್ರಮವಾಗಿ 85 ತಾಂತ್ರಿಕ ದೋಷಗಳನ್ನು ವರದಿ ಮಾಡಿದೆ. ಈ ಎಲ್ಲಾ ಅಂಕಿ ಅಂಶಗಳು ಜನವರಿಯಿಂದ ಜುಲೈ 21ರವರೆಗಿನದು ಎಂದು ಸಚಿವಾಲಯ ಹೇಳಿದೆ. </p><p>2024ರಲ್ಲಿ 421 ತಾಂತ್ರಿಕ ದೋಷಗಳು ವರದಿಯಾಗಿದ್ದು, 2023ರಲ್ಲಿ 448, 2022ರಲ್ಲಿ 528 ತಾಂತ್ರಿಕ ದೋಷಗಳು ವರದಿಯಾಗಿದ್ದವು. ಈ ಮೂರು ವರ್ಷದ ಅಂಕಿ ಅಂಶದಲ್ಲಿ ಅಲಯಾನ್ಸ್ ಏರ್ ಮತ್ತು ಹಿಂದಿನ ವಿಸ್ತಾರಾದ ವರದಿಗಳೂ ಸೇರಿವೆ. 2021ರಲ್ಲಿ 514 ತಾಂತ್ರಿಕ ದೋಷಗಳು ವರದಿಯಾಗಿದ್ದವು, ಆ ಸಮಯದಲ್ಲಿ ಆಕಾಸ ಏರ್ಲೈನ್ಸ್ ಆರಂಭವಾಗಿರಲಿಲ್ಲ ಎಂದು ಸಚಿವಾಲಯ ಲೋಕಸಭೆಗೆ ಮಾಹಿತಿ ನೀಡಿದೆ.</p><p>ಎಲ್ಲಾ ದೋಷಗಳನ್ನು ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ (ಡಿಜಿಸಿಎ)ಗೆ ವರದಿ ಮಾಡಲಾಗಿದ್ದು, ಸೂಕ್ತ ತಿದ್ದುಪಡಿ ಕ್ರಮ ಕೈಗೊಳ್ಳಲು ತನಿಖೆ ನಡೆಸಬೇಕಾಗಿದೆ. </p><p>ಎಲ್ಲಾ ತಾಂತ್ರಿಕ ದೋಷಗಳ ತನಿಖೆ, ಮುಖ್ಯವಾಗಿ ಪ್ರಮುಖ ದೋಷಗಳ ತನಿಖೆಯನ್ನು ಸಾಧ್ಯವಾದಷ್ಟು ಬೇಗ ಕೈಗೊಳ್ಳಲಾಗುವುದು ಎಂದು ನಾಗರಿಕ ವಿಮಾನಯಾನ ಸಚಿವಾಲಯದ ರಾಜ್ಯ ಖಾತೆ ಸಚಿವ ಮುರಳಿಧರ ಮೋಹಲ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
