ಗಡಿಯಲ್ಲಿ ಸಂಘರ್ಷ | ಅಕ್ಷಾಯ್‌ ಚಿನ್‌ ರಕ್ಷಣೆಗೆ ಗಾಲ್ವನ್‌ ಮೇಲೆ ಚೀನಾ ಕಣ್ಣು

ನವದೆಹಲಿ : ಗಾಲ್ವನ್ ಕಣಿವೆಯ ಮೇಲೆ ನಿಯಂತ್ರಣ ಸಾಧಿಸುವ ಚೀನಾದ ಹವಣಿಕೆಯ ಹಿಂದೆ ಸ್ಪಷ್ಟ ಉದ್ದೇಶ ಇದೆ. ವಿವಾದಾತ್ಮಕ ಅಕ್ಷಾಯ್ ಚಿನ್ ಪ್ರದೇಶದ ಮೂಲಕ ಹಾದು ಹೋಗಿ, ಸಮಸ್ಯಾತ್ಮಕವಾದ ಕ್ಸಿನ್ಜಿಯಾಂಗ್ ಮತ್ತು ಟಿಬೆಟ್ ಅನ್ನು ಸಂಪರ್ಕಿಸುವ ಹೆದ್ದಾರಿ 219ಕ್ಕೆ ರಕ್ಷಣೆ ನೀಡುವುದೇ ಮುಖ್ಯ ಉದ್ದೇಶ.

. ಭಾರತ–ಚೀನಾ ಗಡಿಯಲ್ಲಿ ಆಗಾಗ ಸಂಘರ್ಷಗಳು ನಡೆಯುತ್ತಿದ್ದರೂ ಗಾಲ್ವನ್ ಕಣಿವೆಯಲ್ಲಿ ಯಾವುದೇ ಸಮಸ್ಯೆ ಇರಲಿಲ್ಲ. ಭಾರತದ ಗಡಿ ಠಾಣೆಯೊಂದರ ಮೇಲೆ 1962ರ ನವೆಂಬರ್ನಲ್ಲಿ ಚೀನಾದ ಸೇನೆ ದಾಳಿ ಮಾಡಿತ್ತು. ಅದರ ಬಳಿಕ ಈವರೆಗೆ ಅಲ್ಲಿ ಯಾವ ತಕರಾರೂ ಇರಲಿಲ್ಲ. ಕಳೆದ ತಿಂಗಳ ವರೆಗೆ ಈ ಪ್ರದೇಶದಲ್ಲಿ ಶಾಂತಿಯೂ ನೆಲೆಸಿತ್ತು. ಕಳೆದ ತಿಂಗಳು ಈ ಪ್ರದೇಶದಲ್ಲಿ ಭಾರಿ ಸಂಖ್ಯೆಯ ಸೈನಿಕರು ಮತ್ತು ಯುದ್ಧೋಪಕರಣಗಳನ್ನು ಚೀನಾ ಇಲ್ಲಿಗೆ ಸಾಗಿಸಿತ್ತು. ಗಡಿಯ ತನ್ನ ಭಾಗದಲ್ಲಿ ಭಾರತವು ಸೇನಾ ಮೂಲಸೌಕರ್ಯ ನಿರ್ಮಿಸುತ್ತಿದೆ ಎಂಬುದು ಇದಕ್ಕೆ ಕಾರಣ ಎಂದು ಚೀನಾದ ಗ್ಲೋಬಲ್ ಟೈಮ್ಸ್ ಪತ್ರಿಕೆ ವರದಿ ಮಾಡಿತ್ತು.

. ಈಗ, ಗಾಲ್ವನ್ ಕಣಿವೆ ತನ್ನದು ಎಂದು ಚೀನಾ ಪ್ರತಿಪಾದಿಸುತ್ತಿದೆ. ಚೀನಾದ ಪಶ್ಚಿಮ ಕಮಾಂಡ್ನ ವಕ್ತಾರ ಅದನ್ನು ಗಟ್ಟಿ ಧ್ವನಿಯಲ್ಲಿ ಹೇಳಿದ್ದಾರೆ.

. ಗುಲಾಂ ರಸೂಲ್ ಗಾಲ್ವನ್ ಹೆಸರನ್ನು ಈ ಕಣಿವೆಗೆ ಇರಿಸಲಾಗಿದೆ. ಪಶ್ಚಿಮ ದೇಶಗಳ ಸಾಹಸಿಗಳ ಗುಂಪಿನ ಮಾರ್ಗದರ್ಶಕನಾಗಿದ್ದ ಈ ವ್ಯಕ್ತಿ, ಆ ತಂಡವನ್ನು ಈಗಿನ ಟಿಬೆಟ್ ಸ್ವಾಯತ್ತ ಪ್ರದೇಶ ಮತ್ತು ಕ್ಸಿನ್ಜಿಯಾಂಗ್ ಉಯ್ಗುರ್ ಸ್ವಾಯತ್ತ ಪ್ರದೇಶಕ್ಕೆ ಕರೆದೊಯ್ದಿದ್ದರು.

. ಉಯ್ಗುರ್ ಮತ್ತು ಟಿಬೆಟನ್ನರ ಪ್ರತಿಭಟನೆಯನ್ನು ಚೀನಾವು ನಿರ್ದಯವಾಗಿ ಹೊಸಕಿ ಹಾಕುತ್ತಿದೆ. ಕ್ಸಿನ್ಜಿಯಾಂಗ್ ಮತ್ತು ಟಿಬೆಟ್ನಲ್ಲಿ ಚೀನಾದ ಆಳ್ವಿಕೆಯನ್ನು ಈ ಗುಂಪುಗಳು ವಿರೋಧಿಸುತ್ತಲೇ ಬಂದಿವೆ. ಇಲ್ಲಿ ಚೀನಾ ಸರ್ಕಾರವು ನಡೆಸುತ್ತಿರುವ ಮಾನವ ಹಕ್ಕು ಉಲ್ಲಂಘನೆಯನ್ನು ಅಂತರರಾಷ್ಟ್ರೀಯ ಸಮುದಾಯವು ಟೀಕಿಸುತ್ತಲೇ ಇದೆ. ಈ ಎರಡೂ ಪ್ರದೇಶಗಳು ಚೀನಾಕ್ಕೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

. ಕ್ಸಿನ್ಜಿಯಾಂಗ್ ಮತ್ತು ಟಿಬೆಟ್ ನಡುವೆ 1951 ಮತ್ತು 1957ರಲ್ಲಿ ನಿರ್ಮಿಸಿದ ರಸ್ತೆಯ ಮೂಲಕ ಸಂಪರ್ಕ ಇದೆ. ಈಗ ಜಿ 219 ಎಂದು ಗುರುಸಿಲಾಗುವ ಈ ಹೆದ್ದಾರಿಯು ಅಕ್ಷಾಯ್ ಚಿನ್ ಮೂಲಕ ಹಾದು ಹೋಗುತ್ತದೆ. ಭಾರತ–ಚೀನಾ ನಡುವಣ 1962ರ ಸಂಘರ್ಷಕ್ಕೆ ಈ ಹೆದ್ದಾರಿಯೂ ಒಂದು ಕಾರಣವಾಗಿತ್ತು.

. ಗಾಲ್ವನ್ ಕಣಿವೆ ಪ್ರದೇಶದಲ್ಲಿ ಭಾರತದ ಆಸಕ್ತಿ ಹೆಚ್ಚಾದರೆ, ಅದು ಕ್ಸಿನ್ಜಿಯಾಂಗ್–ಟಿಬೆಟ್ ಹೆದ್ದಾರಿಗೆ ಕಂಟಕವಾಗಬಹುದು ಎಂಬ ಭಾವನೆ ಚೀನಾದಲ್ಲಿ ಇದೆ. ಅದಲ್ಲದೆ, ಅಕ್ಷಾಯ್ ಚಿನ್ಗೆ ಭಾರತದ ಸೇನೆಯು ಸುಲಭವಾಗಿ ಸಾಗಬಹುದಾದ ಸಾಧ್ಯತೆಯು ಚೀನಾದ ಇನ್ನೊಂದು ಆತಂಕವಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗಡಿಯಲ್ಲಿ ಸಂಘರ್ಷ | ಅಕ್ಷಾಯ್‌ ಚಿನ್‌ ರಕ್ಷಣೆಗೆ ಗಾಲ್ವನ್‌ ಮೇಲೆ ಚೀನಾ ಕಣ್ಣು

ಚಿನಕುರುಳಿ Cartoon: 9 ಜುಲೈ 2025

ಚುರುಮುರಿ: ಹೃದಯದ ಮಾತು

ದಿನ ಭವಿಷ್ಯ: ಈ ರಾಶಿಯವರಿಗೆ ಕಚೇರಿಯಲ್ಲಿ ವಿಶೇಷ ಗೌರವ ದೊರೆಯಲಿದೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಆಗಸ್ಟ್‌ 29ರಿಂದ ಪ್ರೊ ಕಬಡ್ಡಿ ಲೀಗ್

ವೇಟ್‌ಲಿಫ್ಟಿಂಗ್: ಸಾಯಿರಾಜ್‌ಗೆ ಕಂಚು

ICC Test Rankings: 15 ಸ್ಥಾನ ಮೇಲೇರಿ ಅಗ್ರ ಹತ್ತರಲ್ಲಿ ಕಾಣಿಸಿಕೊಂಡ ಗಿಲ್

ಭಾರತ ‘ಎ’ ಹಾಕಿ ತಂಡದ ಶುಭಾರಂಭ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 9 ಜುಲೈ 2025

ಚುರುಮುರಿ: ಹೃದಯದ ಮಾತು

ದಿನ ಭವಿಷ್ಯ: ಈ ರಾಶಿಯವರಿಗೆ ಕಚೇರಿಯಲ್ಲಿ ವಿಶೇಷ ಗೌರವ ದೊರೆಯಲಿದೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025