ಮಾದಕದ್ರವ್ಯ ವಿರೋಧಿ ದಳಕ್ಕೆ (ಎಎನ್‌ಸಿ) ದೊರೆತ ಮಾಹಿತಿ ಮೇರೆಗೆ ನಗರದ ಮಲಾಡ್‌, ವಸೈ ಮತ್ತು ಕುರ್ಲಾ ಸ್ಥಳಗಳಲ್ಲಿ ಶೋಧ ಕಾರ್ಯಾಚರಣೆ ನಡೆಸಲಾಯಿತು ಎಂದು ಅವರು ಹೇಳಿದ್ದಾರೆ.
ಮಲಾಡ್‌ನಲ್ಲಿ ನಡೆಸಿದ ಮೊದಲ ಕಾರ್ಯಾಚರಣೆಯಲ್ಲಿ ಅಧಿಕಾರಿಗಳು ಸುಮಾರು ₹1.24 ಕೋಟಿ ಮೌಲ್ಯದ ಹೆರಾಯಿನ್ ಅನ್ನು ವಶಪಡಿಸಿಕೊಂಡರು ಹಾಗೂ ನಾಲ್ವರನ್ನು ಬಂಧಿಸಿದರು. ನಂತರದ ಶೋಧ ಕಾರ್ಯಾಚರಣೆಯಲ್ಲಿ ಇತರ ಮೂವರನ್ನು ಬಂಧಿಸಲಾಗಿದ್ದು, ಅವರಿಂದ ₹12 ಲಕ್ಷ ಮೌಲ್ಯದ ಮೆಫೆಡ್ರೋನ್‌ ಡ್ರಗ್ಸ್ ಅನ್ನು ವಶಪಡಿಸಿಕೊಂಡರು ಎಂದು ಅಧಿಕಾರಿ ತಿಳಿಸಿದ್ದಾರೆ.
ಈ ವರ್ಷದಲ್ಲಿ ಇಲ್ಲಿಯವರೆಗೆ ಸುಮಾರು 24 ಪ್ರಕರಣಗಳನ್ನು ಎಎನ್‌ಸಿ ದಾಖಲಿಸಿದ್ದು, 62 ಆರೋಪಿಗಳನ್ನು ಬಂಧಿಸಿದೆ. ಸುಮಾರು ₹31.6 ಕೋಟಿ ಮೌಲ್ಯದ ಡ್ರಗ್ಸ್ ಅನ್ನು ವಶಪಡಿಸಿಕೊಂಡಿದೆ ಎಂದು ಅಧಿಕಾರಿ ಹೇಳಿದ್ದಾರೆ.
