ಗುಂಪು ಸಂದೇಶಗಳಿಗೆ ವಾಟ್ಸ್‌ ಆ್ಯಪ್‌ ಕಡಿವಾಣ

ನವದೆಹಲಿ : ಭಾರತದಲ್ಲಿಯ ವಾಟ್ಸ್ ಆ್ಯಪ್ ಬಳಕೆದಾರರು ಇನ್ನು ಮುಂದೆ ಐದಕ್ಕಿಂತ ಹೆಚ್ಚು ಸಂದೇಶಗಳನ್ನು (ಚಿತ್ರ, ವಿಡಿಯೊ ಮತ್ತು ಸಂದೇಶ) ಒಟ್ಟಿಗೆ ಕಳಿಸುವುದು ಸಾಧ್ಯವಿಲ್ಲ.

. ಸಾಮಾಜಿಕ ಜಾಲತಾಣದಲ್ಲಿ ಕಾಳ್ಗಿಚ್ಚಿನಂತೆ ವ್ಯಾಪಿಸುತ್ತಿರುವ ಸುಳ್ಳು ಸುದ್ದಿಗಳ ಪ್ರಸರಣಕ್ಕೆ ಕಡಿವಾಣ ಹಾಕಲು ವಾಟ್ಸ್ ಆ್ಯಪ್ ಈ ಹೊಸಮಾರ್ಗ ಕಂಡುಕೊಂಡಿದೆ.

. ಒಂದು ಬಾರಿಗೆ ಒಟ್ಟಿಗೆ ಐದಕ್ಕಿಂತ ಹೆಚ್ಚು ಸಂದೇಶ ಕಳಿಸುವುದನ್ನು ನಿರ್ಬಂಧಿಸಲಾಗಿದೆ ಎಂದು ವಾಟ್ಸ್ ಆ್ಯಪ್ ಶುಕ್ರವಾರ ಪ್ರಕಟಿಸಿದೆ. ಹೊಸ ನಿಯಮ ಎಂದಿನಿಂದ ಅನ್ವಯವಾಗಲಿದೆ ಎಂಬುವುದನ್ನು ಸ್ಪಷ್ಟವಾಗಿ ಹೇಳಿಲ್ಲ. ಜಾಗತಿಕಮಟ್ಟದಲ್ಲಿ ಈ ಮಿತಿಯನ್ನು 20ಕ್ಕೆ ನಿಗದಿಗೊಳಿಸಲಾಗಿದೆ.

. ಇಲ್ಲಿಯವರೆಗೆ ವಾಟ್ಸ್ ಆ್ಯಪ್ ಬಳಕೆದಾರರಿಗೆ ಸಂದೇಶ ಹಂಚಿಕೊಳ್ಳಲು ಯಾವುದೇ ಮಿತಿ ಇರಲಿಲ್ಲ. ಬಳಕೆದಾರರು ಏಕಕಾಲಕ್ಕೆ ಬೇಕಾದಷ್ಟು ಸಂದೇಶ ಹಂಚಿಕೊಳ್ಳಬಹುದಾಗಿತ್ತು.

. ’ಕ್ವಿಕ್ ಫಾರ್ವಡ್ ಬಟನ್’ನಿಷ್ಕ್ರಿಯ: ತ್ವರಿತವಾಗಿ ಸಂದೇಶ ಹಂಚಿಕೊಳ್ಳಲು ರೂಪಿಸಲಾಗಿರುವ ಮಿಡಿಯಾ ಸಂದೇಶದ ಪಕ್ಕ ಕಾಣಿಸಿಕೊಳ್ಳುವ ’ಕ್ವಿಕ್ ಫಾರ್ವಡ್ ಬಟನ್’ ತೆಗೆದು ಹಾಕುವುದಾಗಿ ಸಂಸ್ಥೆ ತನ್ನ ಅಧಿಕೃತ ಬ್ಲಾಗ್ಸ್ಪಾಟ್ನಲ್ಲಿ ಪ್ರಕಟಿಸಿದೆ.

. ಅಮಾಯಕರ ಮೇಲೆ ಹೆಚ್ಚುತ್ತಿರುವ ಗುಂಪು ದಾಳಿಗಳಿಗೆ ಪ್ರಚೋದನೆ ನೀಡುವ ಸುಳ್ಳುಸುದ್ದಿಗಳ ಪ್ರಸರಣಕ್ಕೆ ವಾಟ್ಸ್ ಆ್ಯಪ್ ದುರ್ಬಳಕೆಯಾಗುತ್ತಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಈ ಕ್ರಮಕೈಗೊಂಡಿರುವುದಾಗಿ ಸಂಸ್ಥೆ ಹೇಳಿದೆ.

. ಸುಳ್ಳು ಸುದ್ದಿಗಳ ಪ್ರಸರಣಕ್ಕೆ ಕಡಿವಾಣ ಹಾಕಲು ಪರಿಣಾಮಕಾರಿ ಕ್ರಮ ಕೈಗೊಳ್ಳುವಂತೆ ಸರ್ಕಾರ ಗುರುವಾರ ಸಂಸ್ಥೆಗೆ ಎರಡನೇ ನೋಟಿಸ್ ನೀಡಿತ್ತು.

. ವದಂತಿ ಹರಡುವ ವೇದಿಕೆಯಾಗಿ ವಾಟ್ಸ್ ಆ್ಯಪ್ ದುರ್ಬಳಕೆಯಾದರೆ ಕಾನೂನು ಕ್ರಮ ಎದುರಿಸಬೇಕಾಗುತ್ತದೆ ಎಂದು ಕಠಿಣ ಎಚ್ಚರಿಕೆ ನೀಡಿತ್ತು. ಅದರ ಬೆನ್ನಲ್ಲೇ ಸಂಸ್ಥೆ ಈ ಕ್ರಮ ಕೈಗೊಂಡಿದೆ.

. ಜನಪ್ರಿಯ ಸಾಮಾಜಿಕ ಜಾಲತಾಣವಾದ ಫೇಸ್ಬುಕ್ ಒಡೆತನದ ವಾಟ್ಸ್ ಆ್ಯಪ್ ಜಾಗತಿಕವಾಗಿ ನೂರು ಕೋಟಿಗೂ ಹೆಚ್ಚು ಗ್ರಾಹಕರನ್ನು ಹೊಂದಿದೆ. ಆ ಪೈಕಿ 20 ಕೋಟಿ ಬಳಕೆದಾರರು ಭಾರತದಲ್ಲಿಯೇ ಇದ್ದಾರೆ. **

. ಪ್ರಸರಣ ತಡೆಗೆ ಖಾಸಗಿತನ ಅಡ್ಡಿ! ನಿಷ್ಪ್ರಯೋಜಕ ಸಂದೇಶ ಪ್ರಸರಣ ತಡೆಯಲು ಸಾಧ್ಯ. ಆದರೆ, ಖಾಸಗಿ ಸಂದೇಶಗಳ ಪರಿಶೀಲನೆ ನಿರ್ಬಂಧವಿರುವುದು ತನ್ನ ಕೈಗಳನ್ನು ಕಟ್ಟಿ ಹಾಕಿದೆ ಎಂದು ವಾಟ್ಸ್ ಆ್ಯಪ್ ಹೇಳಿದೆ.

. ಆದರೆ, ಬಳಕೆದಾರರ ಚಟುವಟಿಕೆ ವರದಿಯ ಆಧಾರದ ಮೇಲೆ ಶಂಕಿತ ಸಂದೇಶಗಳ ಪ್ರಸರಣ ತಡೆಯಬಹುದು ಎಂದು ಮೊದಲ ನೋಟಿಸ್ಗೆ ಉತ್ತರ ನೀಡಿತ್ತು.

. ಸರ್ಕಾರದ ಎರಡನೇ ನೋಟಿಸ್ಗೆ ವಾಟ್ಸ್ ಆ್ಯಪ್ ಇನ್ನೂ ಉತ್ತರ ನೀಡಿಲ್ಲವಾದರೂ, ತಾನು ಕೈಗೊಂಡ ಕ್ರಮಗಳನ್ನು ಬ್ಲಾಗ್ನಲ್ಲಿ ಪ್ರಕಟಿಸಿದೆ. ** ಭಾರತಕ್ಕೂ ಬರಲಿದೆ ‘ವೆರಿಫಿಕಾಡೊ’ ಭಾರತದಲ್ಲಿ ಮುಂಬರುವ ವಿಧಾನಸಭಾ ಮತ್ತು ಲೋಕಸಭಾ ಚುನಾವಣೆಗಳ ಸಂದರ್ಭದಲ್ಲಿ ವಾಟ್ಸ್ ಆ್ಯಪ್ ದುರ್ಬಳಕೆ ತಡೆಯಲು ಅಗತ್ಯ ಕ್ರಮ ಕೈಗೊಳ್ಳುವುದಾಗಿ ವಾಟ್ಸ್ ಆ್ಯಪ್ ಶುಕ್ರವಾರ ಚುನಾವಣಾ ಆಯೋಗಕ್ಕೆ ಭರವಸೆ ನೀಡಿದೆ.

. ಈ ನಿಟ್ಟಿನಲ್ಲಿ ವಾಟ್ಸ್ ಆ್ಯಪ್ ಜಾಗತಿಕ ತಂತ್ರಜ್ಞರ ತಂಡ ಈಗಾಗಲೇ ಕಾರ್ಯೋನ್ಮುಖವಾಗಿದೆ ಎಂದು ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ.

. ವಿದೇಶಗಳಲ್ಲಿ ಈಗಾಗಲೇ ಬಳಕೆಯಲ್ಲಿರುವ ಸುಳ್ಳು ಸುದ್ದಿ ಪರಿಶೀಲನಾ ಮಾದರಿ ’ವೆರಿಫಿಕಾಡೊ’ ಅನ್ನು ಭಾರತದ ಮಾರುಕಟ್ಟೆಗೂ ಪರಿಚಯಿಸುವುದಾಗಿ ಸಂಸ್ಥೆ ತಿಳಿಸಿದೆ.

. ‘ವೆರಿಫಿಕಾಡೊ’ ಮಾದರಿಯನ್ನು ಈಗಾಗಲೇ ಮೆಕ್ಸಿಕೊ ಮತ್ತು ಬ್ರೆಜಿಲ್ ಚುನಾವಣೆ ಸಂದರ್ಭದಲ್ಲಿ ಅಳವಡಿಸಲಾಗಿತ್ತು. ಅದು ಪರಿಣಾಮಕಾರಿ ಎಂಬುದು ಸಾಬೀತಾಗಿದೆ.

. ಈಗಾಗಲೇ ಭಾರತದಲ್ಲಿರುವ ಸಂಸ್ಥೆಯ ಜಾಗತಿಕ ತಂತ್ರಜ್ಞರ ತಂಡವು ಚುನಾವಣಾ ಆಯೋಗ, ಜನಪ್ರತಿನಿಧಿಗಳು, ಹಿರಿಯ ಅಧಿಕಾರಿಗಳು ಮತ್ತು ತಂತ್ರಜ್ಞರ ಜತೆ ಚರ್ಚೆಯಲ್ಲಿ ತೊಡಗಿದೆ. ** ಹೊಸ ಕ್ರಮಗಳೇನು? * ಮುಂದಿನ ದಿನಗಳಲ್ಲಿ ಖಾಸಗಿತನ ರಕ್ಷಣೆ ಮತ್ತು ಸುರಕ್ಷತೆಯ ಇನ್ನಷ್ಟ ಕ್ರಮಗಳನ್ನು ಅಳವಡಿಸುವ ಭರವಸೆ * ‘ಫಾರ್ವರ್ಡೆಡ್ ಮೆಸೇಜ್’ ಸ್ಪಷ್ಟವಾಗಿ ಗುರುತಿಸಲು ಮತ್ತು ಗುಂಪು ಸಂಭಾಷಣೆಗೆ ಕಡಿವಾಣ ಹಾಕಲು ಹೊಸ ಸುರಕ್ಷತಾ ಕ್ರಮ ಅಳವಡಿಕೆ * ಸುದ್ದಿಗಳ ನೈಜತೆ ಖಚಿತಪಡಿಸಿಕೊಳ್ಳಲು ಬಳಕೆದಾರರಿಗೆ ಕೆಲವು ಸಲಹೆ, ಸೂಚನೆ ನೀಡಿ ಕೆಲವು ದಿನಗಳ ಹಿಂದೆ ಪತ್ರಿಕೆಗಳಲ್ಲಿ ಜಾಹೀರಾತು * ಸುಳ್ಳುಸುದ್ದಿ ಪತ್ತೆಗೆ ಬಳಕೆದಾರರಿಗೆ ನೆರವಾಗಲು ಭಾರತದಲ್ಲಿ 12ಕ್ಕೂ ಹೆಚ್ಚು ಕಂಪನಿಗಳ ಜತೆಗೂಡಿ ‘ಡಿಜಿಟಲ್ ಶಿಕ್ಷಣ ಯೋಜನೆ’ ರೂಪಿಸುವ ಯತ್ನ *** ಇತರ ದೇಶಗಳಿಗೆ ಹೋಲಿಸಿದರೆ ಭಾರತದ ವಾಟ್ಸ್ ಆ್ಯಪ್ ಬಳಕೆದಾರರು ಅತಿ ಹೆಚ್ಚು ಸಂದೇಶ, ಫೋಟೊ ಮತ್ತು ವಿಡಿಯೊಗಳನ್ನು ಹಂಚಿಕೊಳ್ಳುತ್ತಾರೆ. – ವಾಟ್ಸ್ ಆ್ಯಪ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗುಂಪು ಸಂದೇಶಗಳಿಗೆ ವಾಟ್ಸ್‌ ಆ್ಯಪ್‌ ಕಡಿವಾಣ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಮಂಡ್ಯ: ಕಾವೇರಿ ನದಿಗೆ ಹಾರಿ ಮಧ್ಯ ಸಿಲುಕಿದ್ದ ಕಾನೂನು ವಿದ್ಯಾರ್ಥಿನಿ ರಕ್ಷಣೆ

ಸ್ನೂಕರ್‌: ಕ್ವಾರ್ಟರ್‌ ಫೈನಲ್‌ಗೆ ಪಂಕಜ್‌ ಅಡ್ವಾಣಿ

IND vs ENG | ಜೇಮಿ– ಬ್ರೂಕ್‌ ಪ್ರತ್ಯಾಕ್ರಮಣ: ಫಾಲೊಆನ್‌ನಿಂದ ಇಂಗ್ಲೆಂಡ್‌ ಪಾರು

ಸ್ನೂಕರ್ ಟೂರ್ನಿ: ಕ್ವಾರ್ಟರ್‌ಗೆ ಪಂಕಜ್‌

ವಿಂಬಲ್ಡನ್‌ ಟೆನಿಸ್ ಟೂರ್ನಿ: ಮ್ಯಾಡಿಸನ್‌ಗೆ ಲಾರಾ ಆಘಾತ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಮಂಡ್ಯ: ಕಾವೇರಿ ನದಿಗೆ ಹಾರಿ ಮಧ್ಯ ಸಿಲುಕಿದ್ದ ಕಾನೂನು ವಿದ್ಯಾರ್ಥಿನಿ ರಕ್ಷಣೆ