ಕೊಪ್ಪಳ ತಾಲ್ಲೂಕಿನ ಭಾಗ್ಯ ನಗರದಲ್ಲಿನ ವೃದ್ದೆಯೊಬ್ಬರ ಮನೆಗೆ ಬರೊಬ್ಬರಿ 1 ಲಕ್ಷದ ಮೇಲೆ ವಿದ್ಯುತ್ ಬಿಲ್ ಬಂದಿದೆ. ಈ ಹಿರಿ ಜೀವದ ಹೆಸರು ಗಿರಿಜಮ್ಮ, ವೃದ್ಧೆ ಇರೋದು ಒಂದು ತಗಡಿನ ಶೆಡ್ ನಲ್ಲಿ, ಬಳಸೋದು ಎರಡೇ ಎರಡು ಬಲ್ಬ್. ಆದರೆ, ಮನೆಗೆ ಬಂದಿರುವ ಬಿಲ್ ಮಾತ್ರ ಬರೋಬ್ಬರಿ ಒಂದು ಲಕ್ಷದ ಮೂರು ಸಾವಿರದ ಮೂರು ನೂರಾ ಹದಿನೈದು ರೂಪಾಯಿ.ತಿಂಗಳಿಗೆ 70 ರಿಂದ 80 ರೂ. ಬರುವ ಬಿಲ್ ಏಕಾಏಕಿ ಲಕ್ಷ ದಾಟಿರುವ ಪರಿಣಾಮ ವೃದ್ಧೆ ಶಾಕ್ ಆಗಿದ್ದಾರೆ. ಕೂಡಲೇ ಜೆಸ್ಕಾಂ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲನೆ ನಡೆಸಿ ಬಿಲ್ ಕಟ್ಟದಂತೆ ತಿಳಿಸಿದ್ದಾರೆ.
