<p><strong>ಟೋಕಿಯೊ:</strong> 'ಹಿರೋಕಾಜು ತನಕಾ' ಎಂಬ ಹೆಸರಿನ 178 ಮಂದಿ ಜಪಾನ್ನ ಟೋಕಿಯೊದಲ್ಲಿ ಶನಿವಾರ ಒಂದೇ ಕಡೆ ಸೇರುವ ಮೂಲಕ ಗಿನ್ನೆಸ್ ದಾಖಲೆ ಬರೆದಿದ್ದಾರೆ.</p>.<p>ಟೋಕಿಯೊದ ಕಾರ್ಪೊರೇಟ್ ಉದ್ಯೋಗಿ, 53 ವರ್ಷದ ಹಿರೋಕಾಜು ತನಕಾ ಎಂಬುವವರು ಈ ಸಮಾವೇಶವನ್ನು ಏರ್ಪಡಿಸಿದ್ದರು.</p>.<p>ಈ ದಾಖಲೆಯನ್ನು ನಿರ್ಮಿಸಲು ಹಿರೋಕಾಜು ತನಕಾ ಅವರು ಎರಡು ಭಾರಿ ಪ್ರಯತ್ನ ಪಟ್ಟು ಮೂರನೇ ಬಾರಿಗೆ ಸಫಲರಾಗಿದ್ಧಾರೆ.</p>.<p>ಮೂರು ವರ್ಷದ ಅಂಬೆಗಾಲಿಡುವ ಮಗುವಿನಿಂದ ಹಿಡಿದು, 80 ವರ್ಷ ವಯಸ್ಸಿನವರು ಈ ಸಮಾವೇಶದಲ್ಲಿ ಪಾಲ್ಗೊಂಡಿದ್ದರು. ಜೀವನದ ಎಲ್ಲಾ ಹಂತದವರೂ ದಾಖಲೆಗಾಗಿ ಸಮಾವೇಶಗೊಂಡಿದ್ದರು.</p>.<p>ತಮ್ಮ ಹೆಸರಿರುವ ಒಂದೇ ರೀತಿಯ ಟಿ-ಶರ್ಟ್ಗಳನ್ನು ಧರಿಸಿ 178 ಮಂದಿಯೂ ಐದು ನಿಮಿಷಗಳ ಕಾಲ ಥಿಯೇಟರ್ನಲ್ಲಿ ಒಟ್ಟಿಗೆ ಕುಳಿತುಕೊಂಡರು. ನಂತರ ಅಧಿಕಾರಿಗಳು ದಾಖಲೆಯನ್ನು ಘೋಷಿಸಿದರು. ಗಿನ್ನೆಸ್ ನಿಯಮಗಳ ಪ್ರಕಾರ ಎಲ್ಲರೂ ಒಟ್ಟಾಗಿ 5 ನಿಮಿಷ ಒಂದೇ ಕಡೆ ಇರಬೇಕಿತ್ತು.</p>.<p>ಹಲವು ವರ್ಷಗಳ ಕಠಿಣ ಪರಿಶ್ರಮ, ಎರಡು ವಿಫಲ ಪ್ರಯತ್ನಗಳ ನಂತರ ಹಿರೋಕಾಜು ತನಕಾ ಅವರು ಈ ಸಾಧನೆ ಮಾಡಿದ್ದಾರೆ. ಹೀಗಾಗಿ ಅವರ ಕನಸು ನನಸಾದ ಗಳಿಗೆ ಅದಾಗಿತ್ತು.</p>.<p>2005 ರಲ್ಲಿ ನ್ಯೂಯಾರ್ಕ್ನಲ್ಲಿ ಟಿವಿ ಕಾರ್ಯಕ್ರಮದ ಸೆಟ್ನಲ್ಲಿ ಜಮಾಯಿಸಿದ್ದ ‘ಮಾರ್ಥಾ ಸ್ಟೀವರ್ಟ್’ ಎಂಬ ಹೆಸರಿನ 164 ಜನ ಗಿನ್ನಿಸ್ ದಾಖಲೆ ನಿರ್ಮಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ:</strong> 'ಹಿರೋಕಾಜು ತನಕಾ' ಎಂಬ ಹೆಸರಿನ 178 ಮಂದಿ ಜಪಾನ್ನ ಟೋಕಿಯೊದಲ್ಲಿ ಶನಿವಾರ ಒಂದೇ ಕಡೆ ಸೇರುವ ಮೂಲಕ ಗಿನ್ನೆಸ್ ದಾಖಲೆ ಬರೆದಿದ್ದಾರೆ.</p>.<p>ಟೋಕಿಯೊದ ಕಾರ್ಪೊರೇಟ್ ಉದ್ಯೋಗಿ, 53 ವರ್ಷದ ಹಿರೋಕಾಜು ತನಕಾ ಎಂಬುವವರು ಈ ಸಮಾವೇಶವನ್ನು ಏರ್ಪಡಿಸಿದ್ದರು.</p>.<p>ಈ ದಾಖಲೆಯನ್ನು ನಿರ್ಮಿಸಲು ಹಿರೋಕಾಜು ತನಕಾ ಅವರು ಎರಡು ಭಾರಿ ಪ್ರಯತ್ನ ಪಟ್ಟು ಮೂರನೇ ಬಾರಿಗೆ ಸಫಲರಾಗಿದ್ಧಾರೆ.</p>.<p>ಮೂರು ವರ್ಷದ ಅಂಬೆಗಾಲಿಡುವ ಮಗುವಿನಿಂದ ಹಿಡಿದು, 80 ವರ್ಷ ವಯಸ್ಸಿನವರು ಈ ಸಮಾವೇಶದಲ್ಲಿ ಪಾಲ್ಗೊಂಡಿದ್ದರು. ಜೀವನದ ಎಲ್ಲಾ ಹಂತದವರೂ ದಾಖಲೆಗಾಗಿ ಸಮಾವೇಶಗೊಂಡಿದ್ದರು.</p>.<p>ತಮ್ಮ ಹೆಸರಿರುವ ಒಂದೇ ರೀತಿಯ ಟಿ-ಶರ್ಟ್ಗಳನ್ನು ಧರಿಸಿ 178 ಮಂದಿಯೂ ಐದು ನಿಮಿಷಗಳ ಕಾಲ ಥಿಯೇಟರ್ನಲ್ಲಿ ಒಟ್ಟಿಗೆ ಕುಳಿತುಕೊಂಡರು. ನಂತರ ಅಧಿಕಾರಿಗಳು ದಾಖಲೆಯನ್ನು ಘೋಷಿಸಿದರು. ಗಿನ್ನೆಸ್ ನಿಯಮಗಳ ಪ್ರಕಾರ ಎಲ್ಲರೂ ಒಟ್ಟಾಗಿ 5 ನಿಮಿಷ ಒಂದೇ ಕಡೆ ಇರಬೇಕಿತ್ತು.</p>.<p>ಹಲವು ವರ್ಷಗಳ ಕಠಿಣ ಪರಿಶ್ರಮ, ಎರಡು ವಿಫಲ ಪ್ರಯತ್ನಗಳ ನಂತರ ಹಿರೋಕಾಜು ತನಕಾ ಅವರು ಈ ಸಾಧನೆ ಮಾಡಿದ್ದಾರೆ. ಹೀಗಾಗಿ ಅವರ ಕನಸು ನನಸಾದ ಗಳಿಗೆ ಅದಾಗಿತ್ತು.</p>.<p>2005 ರಲ್ಲಿ ನ್ಯೂಯಾರ್ಕ್ನಲ್ಲಿ ಟಿವಿ ಕಾರ್ಯಕ್ರಮದ ಸೆಟ್ನಲ್ಲಿ ಜಮಾಯಿಸಿದ್ದ ‘ಮಾರ್ಥಾ ಸ್ಟೀವರ್ಟ್’ ಎಂಬ ಹೆಸರಿನ 164 ಜನ ಗಿನ್ನಿಸ್ ದಾಖಲೆ ನಿರ್ಮಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>