ಚುರುಮುರಿ: ಶಾಸಕರಿಗೆ ಶಾಕ್

‘ಚುನಾವಣೆ ಹತ್ತಿರ ಬರುತ್ತಿದೆ, ಕ್ಷೇತ್ರದ ಕಡೆ ಹೆಜ್ಜೆ ಹಾಕಿ, ಜನರ ಸಮಸ್ಯೆ ಆಲಿಸಿ’ ಎಂದು ಶಾಸಕರಿಗೆ ಆಪ್ತ ಸಹಾಯಕ ಮನವಿ ಮಾಡಿದ.

. ‘ಮೊನ್ನೆ ನಡೆದೂ ನಡೆದೂ ಶಾಸಕರಿಗೆ ಕಾಲು ನೋವಾಗಿದೆ ಎಂದು ಜನರಿಗೆ ತಿಳಿಸಿ, ನನ್ನ ಪರವಾಗಿ ನೀನೇ ಬೆಂಬಲಿಗರೊಂದಿಗೆ ಕ್ಷೇತ್ರಯಾತ್ರೆ ಮಾಡು’ ಎಂದರು ಶಾಸಕರು.

. ‘ಕ್ಷೇತ್ರದಲ್ಲಿ ನಿಮ್ಮ ಬಗ್ಗೆ ಆಪಾದನೆ, ಅಪಸ್ವರ ಹೆಚ್ಚಾಗಿದೆ, ಜನರ ಸಿಟ್ಟು ಶಮನ, ಶತ್ರು ದಮನ ಮಾಡದೆ ಮುಂದಿನ ಚುನಾವಣೆ ಕಷ್ಟವಾಗುತ್ತದೆ’ ಎಂದು ಎಚ್ಚರಿಸಿದ. ಶಾಸಕರು ಆಕಳಿಸಿದರು.

. ‘ಮಳೆ ಬಂದು ರಸ್ತೆಗಳು ಕಿತ್ತುಹೋಗಿವೆ, ಚರಂಡಿಗಳು ಮುಚ್ಚಿಹೋಗಿವೆ, ರಿಪೇರಿಗೆ ಗುದ್ದಲಿಪೂಜೆ ಮಾಡಬೇಕು’.

. ‘ಅಧಿಕಾರಿಗಳನ್ನು ಕರೆಸಿ ನೀನೇ ಕಾಮಗಾರಿ ಶುರು ಮಾಡಿಸು’.

. ‘ಪಕ್ಷ ಬಿಟ್ಟು ಹೋಗಲು ಸಿದ್ಧರಾಗಿರುವವರ ಪಟ್ಟಿ ಇದೆ, ಇವರಿಗೆ ಜಿಲ್ಲಾ ಪಂಚಾಯಿತಿ, ತಾಲ್ಲೂಕು ಪಂಚಾಯಿತಿ ಟಿಕೆಟ್ ಕೊಡುಸ್ತೀವಿ ಅಂತ ಆಸೆ ಹುಟ್ಟಿಸಿ ಪಕ್ಷದಲ್ಲೇ ಉಳಿಸಿಕೊಳ್ಳಲು ಸಾಂತ್ವನ ಸಭೆ ಮಾಡಬೇಕಾಗಿದೆ. ಅದನ್ನೂ ನಾನೇ ಮಾಡಲಾ ಸಾರ್?’

. ಶಾಸಕರಿಗೆ ಆಪ್ತ ಸಹಾಯಕನ ಬಗ್ಗೆ ಅಪಾರ ನಂಬಿಕೆ. ತಮ್ಮ ಪಾಲಿನ ಎಷ್ಟೋ ಸಮಸ್ಯೆಗಳನ್ನು ಚಾಣಾಕ್ಷತನದಿಂದ ಬಗೆಹರಿಸಿ ನೆರವಾಗಿದ್ದ. ಅವರ ಪತ್ನಿಗೂ ಗೊತ್ತಿಲ್ಲದ ಶಾಸಕರ ಗುಟ್ಟು, ಗಮ್ಮತ್ತುಗಳನ್ನು ತಿಳಿದಿದ್ದ. ಕ್ಷೇತ್ರದ ಜನರ ನಾಡಿಮಿಡಿತ, ಹಿಡಿತವನ್ನು ಅರಿತಿದ್ದ ಆಪ್ತ ಸಹಾಯಕ ಶಾಸಕರಿಗೆ ಪರಮಾಪ್ತನಾಗಿದ್ದ.

. ಹೀಗಿರುವಾಗ... ಆಪ್ತ ಸಹಾಯಕ, ಪಕ್ಷದ ನಾಯಕರ ಮನಗೆದ್ದು ಚುನಾವಣೆ ಟಿಕೆಟ್ ಪಡೆದು ಇದೇ ಕ್ಷೇತ್ರದಲ್ಲಿ ಸ್ಪರ್ಧಿಸಲಿದ್ದಾನೆ ಎನ್ನುವ ಆಘಾತಕಾರಿ ಸುದ್ದಿಗೆ ಶಾಸಕರು ಬೆಚ್ಚಿಬಿದ್ದು ನಿದ್ರೆಯಿಂದ ಎಚ್ಚರಗೊಂಡರು.

. ‘ಎಲೆಕ್ಷನ್ ಹತ್ತಿರ ಬಂದಾಗ ಕೆಟ್ಟ ಕನಸುಗಳು ಬೀಳುವುದು ಸಹಜ, ಆತಂಕಪಡಬೇಡಿ...’ ಎಂದು ಶಾಸಕರಿಗೆ ಪತ್ನಿ ಸಮಾಧಾನ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಶಾಸಕರಿಗೆ ಶಾಕ್

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!