ಭಾರತ– ಇಂಡೊನೇಷ್ಯಾ ಬಾಂಧವ್ಯಕ್ಕೆ ಹೊಸ ಸ್ಪರ್ಶ

ಇಂಡೊನೇಷ್ಯಾ, ಮಲೇಷ್ಯಾ ಹಾಗೂ ಸಿಂಗಪುರಗಳಿಗೆ ಪ್ರಧಾನಿ ನರೇಂದ್ರ ಮೋದಿ ಇತ್ತೀಚಿನ ಪ್ರವಾಸಗಳ ಪೈಕಿ ಇಂಡೊನೇಷ್ಯಾದ ಭೇಟಿ ಹೆಚ್ಚು ಫಲಪ್ರದವಾದದ್ದು. ಇಂಡೊನೇಷ್ಯಾಕ್ಕೆ ನರೇಂದ್ರ ಮೋದಿ ಅವರು ನೀಡಿದ ಮೊದಲ ಭೇಟಿ ಇದು. ವಿಶ್ವದಲ್ಲಿ ಅತಿ ಹೆಚ್ಚು ಮುಸ್ಲಿಂ ಜನಸಂಖ್ಯೆ ಹೊಂದಿರುವ ರಾಷ್ಟ್ರ ಇಂಡೊನೇಷ್ಯಾ. ಹಾಗೆಯೇ ವಿಶ್ವದ ಅತಿ ದೊಡ್ಡ ದ್ವೀಪ ರಾಷ್ಟ್ರವೂ ಆಗಿರುವ ಇಂಡೊನೇಷ್ಯಾದಲ್ಲಿ ರಾಮಾಯಣದ ಜನಪ್ರಿಯತೆ, ಭಾರತ ಹಾಗೂ ಇಂಡೊನೇಷ್ಯಾದ ನಡುವಿನ ಪುರಾತನ ಬಾಂಧವ್ಯದ ಎಳೆಗಳಿಗೆ ಸೂಚಕ. ಉಭಯ ರಾಷ್ಟ್ರಗಳ ಮಧ್ಯೆ ಈ ಬಗೆಯ ಸಾಂಸ್ಕೃತಿಕ, ಐತಿಹಾಸಿಕ ಸಾಮ್ಯದ ಎಳೆಗಳಿದ್ದರೂ ಪರಸ್ಪರರ ಬಾಂಧವ್ಯ ಈವರೆಗೆ ಅಷ್ಟೇನೂ ಆದ್ಯತೆಯ ಸಂಗತಿಯಾಗಿರಲಿಲ್ಲ. ಹೀಗಾಗಿ, ಎರಡೂ ರಾಷ್ಟ್ರಗಳ ಮಧ್ಯೆ ಇದ್ದ ಪರಸ್ಪರ ಉದಾಸೀನ ಭಾವವನ್ನು ಅಂತ್ಯಗೊಳಿಸಿದ ಮೋದಿ ಹಾಗೂ ಇಂಡೊನೇಷ್ಯಾದ ಅಧ್ಯಕ್ಷ ಜೋಕೊ ವಿಡೊಡೊ ಶ್ಲಾಘನೆಗೆ ಅರ್ಹರು. ಉಭಯ ರಾಷ್ಟ್ರಗಳ ಮಧ್ಯದ ದ್ವಿಪಕ್ಷೀಯ ಬಾಂಧವ್ಯವನ್ನು ಈಗ ಸಮಗ್ರ ವ್ಯೂಹಾತ್ಮಕ ಸಹಭಾಗಿತ್ವವಾಗಿ ಎತ್ತರಿಸುವುದಾಗಿ ಮೋದಿ ಪ್ರಕಟಿಸಿದ್ದಾರೆ. ಕಳೆದ ಎರಡು ವರ್ಷಗಳಲ್ಲಿ ಈ ಪಾಲುದಾರಿಕೆಗೆ ಹೊಸ ಸ್ಪರ್ಶ ನೀಡಲು ಪ್ರಯತ್ನಗಳನ್ನು ನಡೆಸಲಾಗಿದೆ. ಈ ಪ್ರಯತ್ನಗಳ ಫಲ ಕಳೆದ ವಾರ ಗೋಚರಿಸಿತ್ತು. ಭಾರತ– ಇಂಡೊನೇಷ್ಯಾ ಗಾಳಿಪಟ ಪ್ರದರ್ಶನದ ವೇಳೆ ಈ ಇಬ್ಬರು ನಾಯಕರೂ ಗಾಳಿಪಟ ಹಾರಿಸಿ ಸ್ನೇಹ ಸಮ್ಮಿಲನದ ಸಂದೇಶ ಸಾರಿದರು. ಜೊತೆಗೆ ತಮ್ಮ ಪುಟ್ಟ ಮೊಮ್ಮಗನ ಹೆಸರೂ ಶ್ರೀನರೇಂದ್ರ (ಜನ್ ಎಥೆಸ್ ಶ್ರೀನರೇಂದ್ರ) ಎಂದು ನರೇಂದ್ರ ಮೋದಿಯವರಿಗೆ ಹೇಳುವ ಮೂಲಕ ವಿಡೊಡೊ ಅವರು ಪ್ರದರ್ಶಿಸಿದ ಆಪ್ತತೆ ವಿಶೇಷವಾಗಿತ್ತು.

. ದ್ವಿಪಕ್ಷೀಯ ಬಾಂಧವ್ಯ ಗಟ್ಟಿಗೊಳಿಸುವ ನಿಟ್ಟಿನಲ್ಲಿ ಭಾರತ ಮತ್ತು ಇಂಡೊನೇಷ್ಯಾ ಇಟ್ಟಿರುವ ಹೆಜ್ಜೆ ಮಹತ್ವದ್ದು. ಸೇನಾ ಸಹಕಾರ ಮತ್ತು ಸಾಗರ ಗಡಿ ಸುರಕ್ಷತೆ ಸೇರಿದಂತೆ 15 ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ. ಇಂಡೊ–ಪೆಸಿಫಿಕ್ ಸಾಗರದಲ್ಲಿ ಸಂಚಾರಕ್ಕೆ ಪರಸ್ಪರರ ಜಲಗಡಿಗಳನ್ನು ಮುಕ್ತವಾಗಿಡುವ ಮಹತ್ವದ ನಿರ್ಧಾರವೂ ಇದರಲ್ಲಿ ಸೇರಿದೆ. ಬಾಹ್ಯಾಕಾಶ, ವಿಜ್ಞಾನ ಮತ್ತು ತಂತ್ರಜ್ಞಾನ, ರೈಲ್ವೆ ಮತ್ತು ಆರೋಗ್ಯ ಕ್ಷೇತ್ರಗಳಲ್ಲಿ ಪರಸ್ಪರ ಸಹಕಾರ ನೀಡಲು ಒಪ್ಪಿಗೆ ಸೂಚಿಸಿರುವುದು ಮುಖ್ಯವಾದದ್ದು. ಇಂಡೊ– ಪೆಸಿಫಿಕ್ ಪ್ರದೇಶದಲ್ಲಿ ಶಾಂತಿ ಸ್ಥಾಪನೆ, ಪ್ರಾದೇಶಿಕ ಸ್ಥಿರತೆ, ಸುಸ್ಥಿರ ಆರ್ಥಿಕ ಅಭಿವೃದ್ಧಿ, ಮುಕ್ತ ವಾಣಿಜ್ಯ ವಹಿವಾಟು ಮತ್ತು ಹೂಡಿಕೆ ಕುರಿತೂ ಮೋದಿ ಮತ್ತು ವಿಡೊಡೊ ಚರ್ಚಿಸಿದ್ದಾರೆ. ಇಂಡೊನೇಷ್ಯಾ ಜಲಗಡಿ ಹಂಚಿಕೊಂಡಿರುವ ಮಲಾಕ್ಕಾ ಜಲಸಂಧಿ, ವಿಶ್ವದ ಅತಿ ಹೆಚ್ಚು ಸಂಚಾರ ದಟ್ಟಣೆ ಹೊಂದಿರುವ ವಾಣಿಜ್ಯ ಜಲಮಾರ್ಗ. ತೈಲ, ಅನಿಲ ಸೇರಿದಂತೆ ವಿಶ್ವದ ವಹಿವಾಟಿನ ಕಾಲು ಭಾಗದಷ್ಟು ವಸ್ತುಗಳು ಈ ಜಲಮಾರ್ಗದಿಂದಲೇ ತೆರಳುತ್ತವೆ. ಈಗ, ಮಲಾಕ್ಕಾ ಜಲಸಂಧಿಯಿಂದ 500 ಕಿ.ಮೀ.ಗೂ ಕಡಿಮೆ ದೂರ ಹಾಗೂ ಅಂಡಮಾನ್ನಿಂದ 710 ಕಿ.ಮೀ. ದೂರದಲ್ಲಿರುವ ಸಬಂಗ್ ಬಂದರನ್ನು ಅಭಿವೃದ್ಧಿಪಡಿಸುವ ಜಂಟಿ ಒಪ್ಪಂದಕ್ಕೆ ಉಭಯ ರಾಷ್ಟ್ರಗಳು ಸಹಿ ಹಾಕಿರುವುದು ಮಹತ್ವದ್ದು. ಸಹಜವಾಗಿಯೇ ಇದು ಚೀನಾದ ಆತಂಕಕ್ಕೆ ಕಾರಣವಾಗಿದೆ. ಆದರೆ, ದಕ್ಷಿಣ ಚೀನಾ ಸಮುದ್ರದಲ್ಲಿ ತನ್ನದೇ ಪ್ರಾಬಲ್ಯ ಸಾಧಿಸಲು ಚೀನಾ ಹವಣಿಸುತ್ತಿರುವಾಗಲೇ ಭಾರತ– ಜಕಾರ್ತಾ ಬಾಂಧವ್ಯ ಮೇಲ್ದರ್ಜೆಗೇರಿಸುವ ಉಪಕ್ರಮ ಕೈಗೊಳ್ಳಲಾಗಿರುವುದು ಮಹತ್ವದ್ದು. ಚೀನಾ ಬೆದರಿಕೆಗಳಿಗೆ ಭಾರತ ಮಣಿಯಬಾರದು, ತನಗೆ ಸರಿ ಎನಿಸಿದ ರಾಷ್ಟ್ರಗಳ ಜೊತೆ ಮಿಲಿಟರಿ ಪಾಲುದಾರಿಕೆ ಹೊಂದುವ ಹಕ್ಕನ್ನು ಭಾರತ ಪ್ರತಿಪಾದಿಸಿಕೊಳ್ಳಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತ– ಇಂಡೊನೇಷ್ಯಾ ಬಾಂಧವ್ಯಕ್ಕೆ ಹೊಸ ಸ್ಪರ್ಶ

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ