<p><strong>ಕರ್ನಾಟಕ ಎಕ್ಸ್ಪ್ರೆಸ್ ಅಪಘಾತ; ಮೂರು ಮಂದಿ ಸಾವು</strong></p><p>ಬೀರೂರು, ಮೇ 14– ಮೀರಜ್– ಬೆಂಗಳೂರು ಕರ್ನಾಟಕ ಎಕ್ಸ್ಪ್ರೆಸ್ನ ಡೀಸೆಲ್ ಎಂಜಿನ್ ಇಂದು ಬೆಳಗಿನ ಜಾವ 3–30ರ ಸಮಯದಲ್ಲಿ ಬೀರೂರು– ಅಜ್ಜಂಪುರ ನಿಲ್ದಾಣಗಳ ಮಧ್ಯೆ ಕಂಬಿ ತಪ್ಪಿದ ಕಾರಣ ಸಂಭವಿಸಿದ ಅನಾಹುತದಲ್ಲಿ ಮೂವರು ಪ್ರಯಾಣಿಕರು ಪ್ರಾಣ ಕಳೆದುಕೊಂಡರು.</p><p>ಗಾಯಗೊಂಡ 55 ಪ್ರಯಾಣಿಕರ ಪೈಕಿ ತೀವ್ರ ಪೆಟ್ಟಾಗಿರುವ ಆರು ಜನರನ್ನು ಬೀರೂರು ಆಸ್ಪತ್ರೆಗೆ ಸೇರಿಸಲಾಗಿದೆ.</p><p><strong>ಬೆಟ್ಟ ಅಗೆದು ಇಲಿ ಹಿಡಿದಂತೆ?</strong></p><p>ಬೆಂಗಳೂರು, ಮೇ 14– ಕಾವೇರಿ ಯೋಜನೆ ಕಾರ್ಯಗತವಾದ ಮೇಲೆ ಬೆಂಗಳೂರು ನಗರದ ನೀರು ಸರಬರಾಜು ನಿರ್ವಹಣೆಗೆ ಪ್ರತ್ಯೇಕ ಮಂಡಳಿಯೊಂದರ ಅಗತ್ಯದ ಬಗ್ಗೆ ಅನೇಕರು ಸಂಶಯ ವ್ಯಕ್ತಪಡಿಸುತ್ತಿದ್ದಂತೆ ಲೋಕೋಪಯೋಗಿ ಸಚಿವ ಚನ್ನಬಸಪ್ಪ ಅವರೇ ಈ ಸಂಶಯ ಬಗೆಹರಿಸಿದರು.</p><p>ಮಂಡಳಿಯ ಅಗತ್ಯವಿಲ್ಲವೆಂದು ಕೆಲವು ವಾರಗಳ ಹಿಂದೆ ಚನ್ನಬಸಪ್ಪನವರು ಬಹಿರಂಗವಾಗಿ ಹೇಳಿದಾಗ ಅವರ ಅಭಿಪ್ರಾಯವನ್ನು ಒಪ್ಪಿಕೊಳ್ಳಲು ಬಹುಮಂದಿ ಸಿದ್ಧರಿದ್ದರು. ಕಾರಣ, ಮಂಡಳಿಗಾಗಿ ವರ್ಷಕ್ಕೆ ಆಗುವ ವೆಚ್ಚ ಸುಮಾರು ಒಂದು ಕೋಟಿ ರೂಪಾಯಿ. ಅದನ್ನು ತೆರಬೇಕಾದವರು ನಾಗರಿಕರು.</p><p>ನಗರಸಭೆಯೇ ನೀರು ಸರಬರಾಜನ್ನು ಕೆಲವು ಲಕ್ಷ ರೂಪಾಯಿ ಹೆಚ್ಚಿನ ವೆಚ್ಚದಿಂದ ನಿರ್ವಹಿಸಬಲ್ಲದೆಂಬುದು ಸಾಕಷ್ಟು ಮಂದಿಯ ಅಭಿಪ್ರಾಯ. ಆದರೂ ಈ ಅಭಿಪ್ರಾಯವನ್ನು ಒಪ್ಪದೆ, ಮಂಡಳಿಯ ಅಗತ್ಯವಿದೆಯೆಂದು ಸದುದ್ದೇಶದಿಂದಲೆ ಹೇಳುವವರೂ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕರ್ನಾಟಕ ಎಕ್ಸ್ಪ್ರೆಸ್ ಅಪಘಾತ; ಮೂರು ಮಂದಿ ಸಾವು</strong></p><p>ಬೀರೂರು, ಮೇ 14– ಮೀರಜ್– ಬೆಂಗಳೂರು ಕರ್ನಾಟಕ ಎಕ್ಸ್ಪ್ರೆಸ್ನ ಡೀಸೆಲ್ ಎಂಜಿನ್ ಇಂದು ಬೆಳಗಿನ ಜಾವ 3–30ರ ಸಮಯದಲ್ಲಿ ಬೀರೂರು– ಅಜ್ಜಂಪುರ ನಿಲ್ದಾಣಗಳ ಮಧ್ಯೆ ಕಂಬಿ ತಪ್ಪಿದ ಕಾರಣ ಸಂಭವಿಸಿದ ಅನಾಹುತದಲ್ಲಿ ಮೂವರು ಪ್ರಯಾಣಿಕರು ಪ್ರಾಣ ಕಳೆದುಕೊಂಡರು.</p><p>ಗಾಯಗೊಂಡ 55 ಪ್ರಯಾಣಿಕರ ಪೈಕಿ ತೀವ್ರ ಪೆಟ್ಟಾಗಿರುವ ಆರು ಜನರನ್ನು ಬೀರೂರು ಆಸ್ಪತ್ರೆಗೆ ಸೇರಿಸಲಾಗಿದೆ.</p><p><strong>ಬೆಟ್ಟ ಅಗೆದು ಇಲಿ ಹಿಡಿದಂತೆ?</strong></p><p>ಬೆಂಗಳೂರು, ಮೇ 14– ಕಾವೇರಿ ಯೋಜನೆ ಕಾರ್ಯಗತವಾದ ಮೇಲೆ ಬೆಂಗಳೂರು ನಗರದ ನೀರು ಸರಬರಾಜು ನಿರ್ವಹಣೆಗೆ ಪ್ರತ್ಯೇಕ ಮಂಡಳಿಯೊಂದರ ಅಗತ್ಯದ ಬಗ್ಗೆ ಅನೇಕರು ಸಂಶಯ ವ್ಯಕ್ತಪಡಿಸುತ್ತಿದ್ದಂತೆ ಲೋಕೋಪಯೋಗಿ ಸಚಿವ ಚನ್ನಬಸಪ್ಪ ಅವರೇ ಈ ಸಂಶಯ ಬಗೆಹರಿಸಿದರು.</p><p>ಮಂಡಳಿಯ ಅಗತ್ಯವಿಲ್ಲವೆಂದು ಕೆಲವು ವಾರಗಳ ಹಿಂದೆ ಚನ್ನಬಸಪ್ಪನವರು ಬಹಿರಂಗವಾಗಿ ಹೇಳಿದಾಗ ಅವರ ಅಭಿಪ್ರಾಯವನ್ನು ಒಪ್ಪಿಕೊಳ್ಳಲು ಬಹುಮಂದಿ ಸಿದ್ಧರಿದ್ದರು. ಕಾರಣ, ಮಂಡಳಿಗಾಗಿ ವರ್ಷಕ್ಕೆ ಆಗುವ ವೆಚ್ಚ ಸುಮಾರು ಒಂದು ಕೋಟಿ ರೂಪಾಯಿ. ಅದನ್ನು ತೆರಬೇಕಾದವರು ನಾಗರಿಕರು.</p><p>ನಗರಸಭೆಯೇ ನೀರು ಸರಬರಾಜನ್ನು ಕೆಲವು ಲಕ್ಷ ರೂಪಾಯಿ ಹೆಚ್ಚಿನ ವೆಚ್ಚದಿಂದ ನಿರ್ವಹಿಸಬಲ್ಲದೆಂಬುದು ಸಾಕಷ್ಟು ಮಂದಿಯ ಅಭಿಪ್ರಾಯ. ಆದರೂ ಈ ಅಭಿಪ್ರಾಯವನ್ನು ಒಪ್ಪದೆ, ಮಂಡಳಿಯ ಅಗತ್ಯವಿದೆಯೆಂದು ಸದುದ್ದೇಶದಿಂದಲೆ ಹೇಳುವವರೂ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
