ಶನಿವಾರ, ಸೆಪ್ಟೆಂಬರ್ 18, 2021
23 °C

ಬಂದಿ ಆಗಬಯಸದವರಿಗೆ...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಔಪಚಾರಿಕ ಶಿಕ್ಷಣಕ್ಕೆ ಪರ್ಯಾಯವಾಗಿ ಶಿಕ್ಷಣ ಮುಂದುವರಿಸಲು ರಾಷ್ಟ್ರೀಯ ಮುಕ್ತ ಶಿಕ್ಷಣ ಸಂಸ್ಥೆಯು (ಎನ್ಐಒಎಸ್) ನಿಜಕ್ಕೂ ಆಶಾಕಿರಣವಾಗಿದೆ. ಡಾ. ಎಚ್.ಬಿ.ಚಂದ್ರಶೇಖರ್ ಅವರು ಅಭಿಪ್ರಾಯಪಟ್ಟಿರುವಂತೆ (ಸಂಗತ, ಜುಲೈ 31), ಅರ್ಧಕ್ಕೆ ಶಾಲೆ ತೊರೆಯುವವರಿಗೆ ಇದು ಭರವಸೆಯ ಕಿರಣ. ಶಾಲೆ ತೊರೆಯದ ಮಕ್ಕಳು ಕೂಡ ತಮ್ಮಿಚ್ಛೆಯಂತೆ ಓದಲು ಈ ಸಂಸ್ಥೆಯನ್ನು ಆರಿಸಿಕೊಳ್ಳುತ್ತಿದ್ದಾರೆ. ಶಾಲೆಗಳಲ್ಲಿ ಬೆಳಗಿನಿಂದ ಸಂಜೆಯವರೆಗೆ ಬೇರೇನೂ ಚಟುವಟಿಕೆ, ಹವ್ಯಾಸ, ಆಟೋಟಗಳಲ್ಲಿ ತೊಡಗಲಾಗದೆ ಕೂರಬೇಕೆಂಬುದು ಮತ್ತು ಇಲ್ಲಿ ವಿಷಯಗಳ ಆಯ್ಕೆಯ ಅವಕಾಶಗಳು ಹೇರಳವಾಗಿರುವುದು ಇದಕ್ಕೆ ಕಾರಣ. ಆದರೆ ಇದರಲ್ಲಿ ಇನ್ನೂ ಕನ್ನಡ ಮಾಧ್ಯಮವನ್ನು ಜಾರಿಗೆ ತಂದಿಲ್ಲ. ಮಕ್ಕಳು ಉತ್ತರಗಳನ್ನು ಕನ್ನಡದಲ್ಲಿ ಬರೆಯಬಹುದು, ಆದರೆ ಪ್ರಶ್ನೆಪತ್ರಿಕೆಗಳನ್ನು ಒದಗಿಸುವುದಿಲ್ಲ. ಕನ್ನಡದಲ್ಲಿ ಪಠ್ಯಪುಸ್ತಕಗಳೂ ಇಲ್ಲ. ಈ ತಿಂಗಳು 10ನೇ ತರಗತಿ ಪಠ್ಯಪುಸ್ತಕಗಳು ಕನ್ನಡದಲ್ಲಿ ಬರುತ್ತವೆ ಎಂದು ಸಂಸ್ಥೆ ಹೇಳಿದೆ.

ಇದೇ ರೀತಿ ಕರ್ನಾಟಕ ಸರ್ಕಾರದ ಮುಕ್ತ ಶಾಲಾ ವ್ಯವಸ್ಥೆ ಇದೆ. ಖಾಸಗಿ ಶಾಲೆಗಳ ಶುಲ್ಕದ ಹಾವಳಿಯ ನಡುವೆ ಇವು ಉತ್ತಮ ಪರ್ಯಾಯ ಮಾರ್ಗಗಳಾಗಿವೆ ಮತ್ತು ಶಾಲೆಯ ಕೊಠಡಿಯೊಳಗೆ ಬಂದಿಯಾಗಲು ಬಯಸದ ಮಕ್ಕಳಿಗೆ ನಿಜವಾಗಲೂ ಅತ್ಯುತ್ತಮ ಆಯ್ಕೆಗಳಾಗಿವೆ.

ನಾಗಮಣಿ ಎಸ್.ಎನ್., ಬೆಂಗಳೂರು

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.