ಅದೇ ರೀತಿ, ಉಗುರು ಕತ್ತರಿಸುವ ‘ನೇಲ್ ಕಟರ್’ ವೃದ್ಧರ ಬತ್ತಳಿಕೆಯಲ್ಲಿ ನೀಲಕಂಠನಾಗಿ, ಸ್ಯಾನಿಟೈಸರ್ ಎಂಬುದು ಸಂತೆಣ್ಣೆ ಎಂಬ ಪದಗಳಾಗಿ ಬಳಕೆಯಾಗುತ್ತಿವೆ. ಇಂಗ್ಲಿಷ್ ಭಾಷೆಯ ಕ್ಲಿಷ್ಟಕರವಾದ ಪ್ರತಿಯೊಂದು ಪದಕ್ಕೂ ತಮ್ಮ ಅನುಕೂಲಕ್ಕೆ ತಕ್ಕಂತೆ ದೇಶೀಯವಾದ ಸರಳ ಮತ್ತು ಸುಂದರ ಪದಗಳನ್ನು ನಮ್ಮ ಜನಪದರು ಸೃಜಿಸಬಲ್ಲರು. ಹೀಗೆ ಸೃಜಿಸಲಾದ ಬಹುತೇಕ ಪದಗಳಿಗೆ ನಿರ್ದಿಷ್ಟ ಅರ್ಥಗಳನ್ನು ಪಡೆಯಲು ಸಾಧ್ಯವಿಲ್ಲ. ಆದರೆ ಈ ರೀತಿಯ ಪದಗಳನ್ನು ಸಾಧ್ಯವಾದರೆ ಬಳಸಿ ಬೆಳೆಸಿ ಖುಷಿಪಡಬಹುದಷ್ಟೇ.