ಮೊಬೈಲ್ ಟವರ್ಗಳಿಂದ ಹೊರಡುವ ವಿಕಿರಣಗಳ ಪರಿಣಾಮದಿಂದ ಪ್ರಕೃತಿಯಲ್ಲಿ ಗುಬ್ಬಚ್ಚಿಗಳು ಸಾಯುತ್ತಿವೆ ಹಾಗೂ ಅವುಗಳ ಸಂತತಿ ನಶಿಸುತ್ತಿದೆ ಎನ್ನುವ ಆತಂಕ ಕೆಲವು ವರ್ಷಗಳ ಕೆಳಗೆ ಇತ್ತು. ಆದರೆ, ಈಗ ಗುಬ್ಬಿಗಳ ಚಿಂವ್ ಚಿಂವ್ ಕಲರವ ಕಿವಿಗೆ ಬೀಳುತ್ತದೆ. ಪಕ್ಷಿಪ್ರೇಮಿ ಯುವ ಸಂಘಟನೆಯ ಕೆಲವರು ಬೇಸಿಗೆಯಲ್ಲಿ ಮನೆ ಮನೆಗೆ ಭೇಟಿ ನೀಡಿ, ಗುಬ್ಬಿಯ ಗೂಡು, ದಾಹ ನೀಗಿಸಲು ಪುಟ್ಟ ಬಟ್ಟಲಿನಂತಹ ಪರಿಕರಗಳನ್ನು ಉಚಿತವಾಗಿ ವಿತರಿಸುತ್ತಾ ಬಂದಿದ್ದಾರೆ. ಗುಬ್ಬಿಗಳು ಪುನಃ ಪ್ರಕೃತಿಯಲ್ಲಿ ಕಾಣಿಸಿಕೊಳ್ಳಲು ಪೂರಕ ವಾತಾವರಣ ನಿರ್ಮಿಸುತ್ತಿರುವ ಅವರ ಕಳಕಳಿ ಉತ್ತಮ ಬೆಳವಣಿಗೆ.