ಕ್ರಿಕೆಟ್‌ ಪ್ರೀತಿ ಹೊಂದಿ: ವಿಂಡೀಸ್‌ ಆಟಗಾರರಿಗೆ ಲಾರಾ

ಮುಂಬೈ: ಹಣಕಾಸಿನ ಸಮಸ್ಯೆ, ಮೂಲಸೌಕರ್ಯಗಳ ಕೊರತೆ, ಪ್ರತಿಭೆಗಳ ಅಲಭ್ಯತೆ... ಇವೇನೇ ಇರಲಿ, ವೆಸ್ಟ್ ಇಂಡೀಸ್ ಆಟಗಾರಿಗೆ ಕ್ರಿಕೆಟ್ ಬಗ್ಗೆ ಹೃದಯದಲ್ಲಿ ನಿಜವಾದ ಪ್ರೀತಿ ಉಳಿದಿದ್ದರೆ, ಆ ತಂಡವು ಈಗ ಎದುರಿಸುವ ಬಿಕ್ಕಟ್ಟಿನಿಂದ ಹೊರಬರುವ ಮಾರ್ಗ ಕಂಡುಕೊಳ್ಳಲಿದೆ ಎಂದು ದಿಗ್ಗಜ ಆಟಗಾರ ಬ್ರಯಾನ್ ಲಾರಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

. ವಿಶ್ವದೆಲ್ಲೆಡೆ ಫ್ರಾಂಚೈಸಿ ಕ್ರಿಕೆಟ್ನಲ್ಲಿ ದ್ವೀಪ ರಾಷ್ಟ್ರದ ಕ್ರಿಕೆಟಿಗರು ಮಿಂಚುತ್ತಿದ್ದರೂ, ದೀರ್ಘ ಮಾದರಿಯ ಆಟಕ್ಕೆ ಬಂದಾಗ ಅಗತ್ಯವಿರುವ ಸಂಯಮ, ಸಹನೆ ಪ್ರದರ್ಶಿಸುತ್ತಿಲ್ಲ.

. ‘ನಾನು ರೋಸ್ಟನ್ ಚೇಸ್ ಮತ್ತು ಇತರ ಆಟಗಾರರನ್ನು ಕಳಕಳಿಯಿಂದ ಕೇಳುವೆ– ನಿಮ್ಮ ಹೃದಯದಲ್ಲಿ ಕ್ರಿಕೆಟ್ಗೆ ಸ್ಥಾನ ಇದೆಯೇ? ವೆಸ್ಟ್ ಇಂಡೀಸ್ಗೆ ಆಡಲು ನೀವು ಪ್ರಾಮಾಣಿಕವಾಗಿ ಬಯಸುತ್ತಿರುವಿರಾ? ಇದೇ ಪ್ರಮುಖ ವಿಷಯ. ನಿಮ್ಮಲ್ಲಿ ಆ ಪ್ರೀತಿ, ಕಾಳಜಿಯಿದ್ದರೆ ನೀವು ಖಂಡಿತಕ್ಕೂ ದುರವಸ್ಥೆಯಿಂದ ಹೊರಬರುವ ದಾರಿ ಕಂಡುಕೊಳ್ಳುವಿರಿ’ ಎಂದು ಲಾರಾ ಹೇಳಿದರು.

. ಸಿಯೆಟ್ ಕ್ರಿಕೆಟ್ ರೇಟಿಂಗ್ ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಅವರು ಮಾಧ್ಯಮದವರ ಜೊತೆ ಮಾತನಾಡಿದರು. ‘ಈಗ ನಿಮ್ಮ ಮುಂದೆ ಒಳ್ಳೆಯ ಅವಕಾಶವಿದೆ. ಅದನ್ನು ಸದುಪಯೋಗಪಡಿಸಿಕೊಳ್ಳಿ ಎಂದು ಆಟಗಾರರನ್ನು ಒತ್ತಾಯಿಸುವೆ’ ಎಂದರು.

. ‘ನಾನು 17 ವರ್ಷಗಳ ಕಾಲ ವೃತ್ತಿಜೀವನದಲ್ಲಿ ಟೆಸ್ಟ್ ಕ್ರಿಕೆಟನ್ನು ಇಷ್ಟಪಟ್ಟು ಆಡಿದೆ. 40–45 ವರ್ಷಗಳ ಹಿಂದೆ ವಿವ್ ರಿಚರ್ಡ್ಸ್ ಮೊದಲಾದವರು ಆಡುವಾಗ ಈಗಿನಷ್ಟೂ ಸೌಲಭ್ಯಗಳಿರಲಿಲ್ಲ. ಪ್ರಾಕ್ಟೀಸ್ ಪಿಚ್ಗಳಿರಲಿಲ್ಲ. ಆದರೆ ಅವರ ಕ್ರಿಕೆಟ್ ಪ್ರೀತಿ ಅಸದಳವಾಗಿತ್ತು’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಕೆಟ್‌ ಪ್ರೀತಿ ಹೊಂದಿ: ವಿಂಡೀಸ್‌ ಆಟಗಾರರಿಗೆ ಲಾರಾ

ಚಿನಕುರುಳಿ Cartoon: 07 ಅಕ್ಟೋಬರ್ 2025

ಚುರುಮುರಿ: ನೇಬರ್ ಅಟ್ಯಾಕ್

ದಿನ ಭವಿಷ್ಯ: ಈ ರಾಶಿಯವರಿಗೆ ಬಾಲ್ಯದ ಕಹಿ ಘಟನೆ ಮರುಕಳಿಸುವ ಸಾಧ್ಯತೆ ಇದೆ

ಚಿನಕುರುಳಿ Cartoon: 06 ಸೆಪ್ಟೆಂಬರ್ 2025

ICC Womens WC 2025: ಬಾಂಗ್ಲಾ ಮಣಿಸಿ ಅಗ್ರಸ್ಥಾನಕ್ಕೇರಿದ ಇಂಗ್ಲೆಂಡ್