<p><strong>ಬರ್ಮಿಂಗ್ಹ್ಯಾಮ್: </strong>ಭರ್ಜರಿ ಆಟವಾಡಿದ ನ್ಯೂಜಿಲೆಂಡ್ ತಂಡವು ಎರಡನೇ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡವನ್ನು ಭಾನುವಾರ ಎಂಟು ವಿಕೆಟ್ಗಳಿಂದ ಮಣಿಸಿದೆ. ಇದರೊಂದಿಗೆ ಎರಡು ಪಂದ್ಯಗಳ ಸರಣಿಯನ್ನು 1–0ಯಿಂದ ಗೆದ್ದುಕೊಂಡಿದೆ.</p>.<p>ಗೆಲುವಿಗೆ ಕೇವಲ 38 ರನ್ಗಳ ಗುರಿ ಪಡೆದಿದ್ದ ಪ್ರವಾಸಿ ತಂಡವು ಎರಡು ವಿಕೆಟ್ ಕಳೆದುಕೊಂಡು ಜಯದ ಸಂಭ್ರಮ ಆಚರಿಸಿತು. ಈ ಮೂಲಕ 1999ರ ಬಳಿಕ ಇಂಗ್ಲೆಂಡ್ ನೆಲದಲ್ಲಿ ಸರಣಿ ಜಯಿಸಿದ ಸಾಧನೆ ಮಾಡಿತು. ಇಂಗ್ಲೆಂಡ್ನಲ್ಲಿ ಕಿವೀಸ್ಗೆ ಒಟ್ಟಾರೆ ಮೂರನೇ ಸರಣಿ ಜಯ ಇದು.</p>.<p>2014ರ ಬಳಿಕ ಮೊದಲ ಬಾರಿ ಇಂಗ್ಲೆಂಡ್ ತವರಿನಲ್ಲಿ ಟೆಸ್ಟ್ ಸರಣಿಯಲ್ಲಿ ಸೋಲು ಅನುಭವಿಸಿತು.</p>.<p>ಪಂದ್ಯದ ಮೂರನೇ ದಿನವಾದ ಶನಿವಾರ ಆಟ ನಿಂತಾಗ ಇಂಗ್ಲೆಂಡ್ ತಂಡವು ಎರಡನೇ ಇನಿಂಗ್ಸ್ನಲ್ಲಿ 9 ವಿಕೆಟ್ ಕಳೆದುಕೊಂಡು 122 ರನ್ ಗಳಿಸಿತ್ತು. ಭಾನುವಾರ ಟ್ರೆಂಟ್ ಬೌಲ್ಟ್ ಎಸೆದ ಮೊದಲ ಓವರ್ನ ಮೊದಲ ಎಸೆತದಲ್ಲೇ ಒಲಿ ಸ್ಟೋನ್ ವಿಕೆಟ್ ಒಪ್ಪಿಸುವುದರೊಂದಿಗೆ ಆಲೌಟ್ ಆಗಿತ್ತು.</p>.<p>ಉತ್ತರವಾಗಿ ಇನಿಂಗ್ಸ್ ಆರಂಭಿಸಿದ ನ್ಯೂಜಿಲೆಂಡ್ ತಂಡವು 33 ರನ್ಗಳಾಗುವಷ್ಟರಲ್ಲಿ ಡೆವೊನ್ ಕಾನ್ವೆ (3) ಹಾಗೂ ವಿಲ್ ಯಂಗ್ (8) ಅವರ ವಿಕೆಟ್ ಕಳೆದುಕೊಂಡಿತು. ಈ ಹಂತದಲ್ಲಿ ಜೊತೆಗೂಡಿದ ಹಂಗಾಮಿ ನಾಯಕ ಟಾಮ್ ಲಥಾಮ್ (ಔಟಾಗದೆ 23) ಮತ್ತು ರಾಸ್ ಟೇಲರ್ ತಂಡವನ್ನು ಗೆಲುವಿನ ದಡ ಸೇರಿಸಿದರು.</p>.<p>ಲಾರ್ಡ್ಸ್ನಲ್ಲಿ ನಡೆದಿದ್ದ ಉಭಯ ತಂಡಗಳ ನಡುವಣ ಮೊದಲ ಪಂದ್ಯವು ಡ್ರಾ ಆಗಿತ್ತು.</p>.<p>ಪಂದ್ಯ ನಾಲ್ಕೇ ದಿನಗಳಲ್ಲಿ ಮುಗಿದಿದ್ದರಿಂದ ಭಾರತ ತಂಡದ ಎದುರಿನ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ಗೆ ಸಜ್ಜಾಗಲು ನ್ಯೂಜಿಲೆಂಡ್ ತಂಡಕ್ಕೆ ಹೆಚ್ಚುವರಿ ದಿನ ಸಿಕ್ಕಿದೆ.</p>.<p><strong>ಸಂಕ್ಷಿಪ್ತ ಸ್ಕೋರ್: ಮೊದಲ ಇನಿಂಗ್ಸ್:ಇಂಗ್ಲೆಂಡ್: </strong>101 ಓವರ್ಗಳಲ್ಲಿ 303: ನ್ಯೂಜಿಲೆಂಡ್ 119.1 ಓವರ್ಗಳಲ್ಲಿ 388: ಎರಡನೇ ಇನಿಂಗ್ಸ್: ಇಂಗ್ಲೆಂಡ್: 41.1 ಓವರ್ಗಳಲ್ಲಿ 122: <strong>ನ್ಯೂಜಿಲೆಂಡ್:</strong> 10.5 ಓವರ್ಗಳಲ್ಲಿ 2 ವಿಕೆಟ್ಗೆ 41 (ಟಾಮ್ ಲಥಾಮ್ ಔಟಾಗದೆ 23, ವಿಲ್ ಯಂಗ್ 8; ಸ್ಟುವರ್ಟ್ ಬ್ರಾಡ್ 13ಕ್ಕೆ 1, ಒಲಿ ಸ್ಟೋನ್ 5ಕ್ಕೆ 1).</p>.<p><strong>ಫಲಿತಾಂಶ: </strong>ನ್ಯೂಜಿಲೆಂಡ್ ತಂಡಕ್ಕೆ ಎಂಟು ವಿಕೆಟ್ಗಳ ಜಯ. 1–0ಯಿಂದ ಸರಣಿ ಗೆಲುವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬರ್ಮಿಂಗ್ಹ್ಯಾಮ್: </strong>ಭರ್ಜರಿ ಆಟವಾಡಿದ ನ್ಯೂಜಿಲೆಂಡ್ ತಂಡವು ಎರಡನೇ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡವನ್ನು ಭಾನುವಾರ ಎಂಟು ವಿಕೆಟ್ಗಳಿಂದ ಮಣಿಸಿದೆ. ಇದರೊಂದಿಗೆ ಎರಡು ಪಂದ್ಯಗಳ ಸರಣಿಯನ್ನು 1–0ಯಿಂದ ಗೆದ್ದುಕೊಂಡಿದೆ.</p>.<p>ಗೆಲುವಿಗೆ ಕೇವಲ 38 ರನ್ಗಳ ಗುರಿ ಪಡೆದಿದ್ದ ಪ್ರವಾಸಿ ತಂಡವು ಎರಡು ವಿಕೆಟ್ ಕಳೆದುಕೊಂಡು ಜಯದ ಸಂಭ್ರಮ ಆಚರಿಸಿತು. ಈ ಮೂಲಕ 1999ರ ಬಳಿಕ ಇಂಗ್ಲೆಂಡ್ ನೆಲದಲ್ಲಿ ಸರಣಿ ಜಯಿಸಿದ ಸಾಧನೆ ಮಾಡಿತು. ಇಂಗ್ಲೆಂಡ್ನಲ್ಲಿ ಕಿವೀಸ್ಗೆ ಒಟ್ಟಾರೆ ಮೂರನೇ ಸರಣಿ ಜಯ ಇದು.</p>.<p>2014ರ ಬಳಿಕ ಮೊದಲ ಬಾರಿ ಇಂಗ್ಲೆಂಡ್ ತವರಿನಲ್ಲಿ ಟೆಸ್ಟ್ ಸರಣಿಯಲ್ಲಿ ಸೋಲು ಅನುಭವಿಸಿತು.</p>.<p>ಪಂದ್ಯದ ಮೂರನೇ ದಿನವಾದ ಶನಿವಾರ ಆಟ ನಿಂತಾಗ ಇಂಗ್ಲೆಂಡ್ ತಂಡವು ಎರಡನೇ ಇನಿಂಗ್ಸ್ನಲ್ಲಿ 9 ವಿಕೆಟ್ ಕಳೆದುಕೊಂಡು 122 ರನ್ ಗಳಿಸಿತ್ತು. ಭಾನುವಾರ ಟ್ರೆಂಟ್ ಬೌಲ್ಟ್ ಎಸೆದ ಮೊದಲ ಓವರ್ನ ಮೊದಲ ಎಸೆತದಲ್ಲೇ ಒಲಿ ಸ್ಟೋನ್ ವಿಕೆಟ್ ಒಪ್ಪಿಸುವುದರೊಂದಿಗೆ ಆಲೌಟ್ ಆಗಿತ್ತು.</p>.<p>ಉತ್ತರವಾಗಿ ಇನಿಂಗ್ಸ್ ಆರಂಭಿಸಿದ ನ್ಯೂಜಿಲೆಂಡ್ ತಂಡವು 33 ರನ್ಗಳಾಗುವಷ್ಟರಲ್ಲಿ ಡೆವೊನ್ ಕಾನ್ವೆ (3) ಹಾಗೂ ವಿಲ್ ಯಂಗ್ (8) ಅವರ ವಿಕೆಟ್ ಕಳೆದುಕೊಂಡಿತು. ಈ ಹಂತದಲ್ಲಿ ಜೊತೆಗೂಡಿದ ಹಂಗಾಮಿ ನಾಯಕ ಟಾಮ್ ಲಥಾಮ್ (ಔಟಾಗದೆ 23) ಮತ್ತು ರಾಸ್ ಟೇಲರ್ ತಂಡವನ್ನು ಗೆಲುವಿನ ದಡ ಸೇರಿಸಿದರು.</p>.<p>ಲಾರ್ಡ್ಸ್ನಲ್ಲಿ ನಡೆದಿದ್ದ ಉಭಯ ತಂಡಗಳ ನಡುವಣ ಮೊದಲ ಪಂದ್ಯವು ಡ್ರಾ ಆಗಿತ್ತು.</p>.<p>ಪಂದ್ಯ ನಾಲ್ಕೇ ದಿನಗಳಲ್ಲಿ ಮುಗಿದಿದ್ದರಿಂದ ಭಾರತ ತಂಡದ ಎದುರಿನ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ಗೆ ಸಜ್ಜಾಗಲು ನ್ಯೂಜಿಲೆಂಡ್ ತಂಡಕ್ಕೆ ಹೆಚ್ಚುವರಿ ದಿನ ಸಿಕ್ಕಿದೆ.</p>.<p><strong>ಸಂಕ್ಷಿಪ್ತ ಸ್ಕೋರ್: ಮೊದಲ ಇನಿಂಗ್ಸ್:ಇಂಗ್ಲೆಂಡ್: </strong>101 ಓವರ್ಗಳಲ್ಲಿ 303: ನ್ಯೂಜಿಲೆಂಡ್ 119.1 ಓವರ್ಗಳಲ್ಲಿ 388: ಎರಡನೇ ಇನಿಂಗ್ಸ್: ಇಂಗ್ಲೆಂಡ್: 41.1 ಓವರ್ಗಳಲ್ಲಿ 122: <strong>ನ್ಯೂಜಿಲೆಂಡ್:</strong> 10.5 ಓವರ್ಗಳಲ್ಲಿ 2 ವಿಕೆಟ್ಗೆ 41 (ಟಾಮ್ ಲಥಾಮ್ ಔಟಾಗದೆ 23, ವಿಲ್ ಯಂಗ್ 8; ಸ್ಟುವರ್ಟ್ ಬ್ರಾಡ್ 13ಕ್ಕೆ 1, ಒಲಿ ಸ್ಟೋನ್ 5ಕ್ಕೆ 1).</p>.<p><strong>ಫಲಿತಾಂಶ: </strong>ನ್ಯೂಜಿಲೆಂಡ್ ತಂಡಕ್ಕೆ ಎಂಟು ವಿಕೆಟ್ಗಳ ಜಯ. 1–0ಯಿಂದ ಸರಣಿ ಗೆಲುವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>