ಕೊರೊನಾ ಬಿಕ್ಕಟ್ಟು | ವಿಂಡೀಸ್‌ ಆಟಗಾರರ ವೇತನ ಕಡಿತ

ಸೇಂಟ್‌ ಜಾನ್ಸ್‌, ಆ್ಯಂಟಿಗ ಮತ್ತು ಬಾರ್ಬುಡ: ಕೊರೊನಾ ಬಿಕ್ಕಟ್ಟಿನಿಂದ ತತ್ತರಿಸಿರುವ ಕ್ರಿಕೆಟ್‌ ವೆಸ್ಟ್‌ ಇಂಡೀಸ್‌ (ಸಿಡಬ್ಲ್ಯುಐ),  ಆಟಗಾರರು ಹಾಗೂ ಎಲ್ಲಾ ಸಿಬ್ಬಂದಿಯ ವೇತನ ಕಡಿತ ಮಾಡಲು ಮುಂದಾಗಿದೆ. ಜುಲೈ ಆರಂಭದಿಂದಲೇ ಇದು ಅನ್ವಯವಾಗಲಿದೆ.

ಹಣಕಾಸು ಕಾರ್ಯತಂತ್ರ ಸಲಹಾ ಸಮಿತಿಯ (ಎಫ್‌ಎಸ್‌ಎಸಿ) ಶಿಫಾರಸಿನ ಆಧಾರದಲ್ಲಿ ಸಿಡಬ್ಲ್ಯುಐ ಈ ನಿರ್ಧಾರ ಕೈಗೊಂಡಿದೆ. 

‘ಕೋವಿಡ್‌ನಿಂದಾಗಿ ಕ್ರಿಕೆಟ್‌ ಚಟುವಟಿಕೆಗಳು ಸ್ತಬ್ಧಗೊಂಡಿವೆ. ಹೀಗಾಗಿ ಮಂಡಳಿಗೆ ಯಾವ ಆದಾಯವೂ ಬರುತ್ತಿಲ್ಲ. ನಷ್ಟವನ್ನು ಸರಿದೂಗಿಸುವ ಸಲುವಾಗಿ ಶೇಕಡ 50 ರಷ್ಟು ವೇತನ ಕಡಿತ ಮಾಡುವ ನಿರ್ಧಾರ ಕೈಗೊಂಡಿದ್ದೇವೆ. ಇದು ತಾತ್ಕಾಲಿಕ ಕ್ರಮ’ ಎಂದು ಸಿಡಬ್ಲ್ಯುಐ, ಪ್ರಕಟಣೆಯಲ್ಲಿ ತಿಳಿಸಿದೆ.