<p><strong>ಸಿಡ್ನಿ:</strong> ಕ್ರಿಕೆಟ್ನಲ್ಲಿ ಪ್ರತಿಭಾ ಶೋಧ ಮತ್ತು ಪ್ರೋತ್ಸಾಹಕ್ಕಾಗಿ ಆಸ್ಟ್ರೇಲಿಯಾ ಪಾಲಿಸುತ್ತಿದ್ದ ಮಾದರಿಯನ್ನು ಅನುಸರಿಸಿದ ರಾಹುಲ್ ದ್ರಾವಿಡ್ ಭಾರತದಲ್ಲಿ ಇವತ್ತು ಯುವಪ್ರತಿಭಾವಂತರ ದೊಡ್ಡ ದಂಡನ್ನೇ ಸಿದ್ಧಗೊಳಿಸಿದ್ದಾರೆ ಎಂದು ಮಾಜಿ ಕ್ರಿಕೆಟಿಗ ಗ್ರೇಗ್ ಚಾಪೆಲ್ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಈ ಹಿಂದೆ ಆಸ್ಟ್ರೇಲಿಯಾದಲ್ಲಿ ಯುವಪ್ರತಿಭೆಗಳ ಶೋಧ, ತರಬೇತಿ ಮತ್ತು ಪ್ರೋತ್ಸಾಹಕ್ಕಾಗಿ ಹಲವು ಉತ್ತಮ ಯೋಜನೆಗಳನ್ನು ಹಾಕಿಕೊಳ್ಳಲಾಗಿತ್ತು. ಅವುಗಳನ್ನು ರಾಹುಲ್ ತಾವು ಕೋಚ್ ಆಗಿದ್ದಾಗ ಅನುಸರಿಸಿಕೊಂಡು ಯಶಸ್ವಿಯಾದರು. ಅದರಿಂದಾಗಿ ಇವತ್ತು ಭಾರತವು ಯುವ ಪ್ರತಿಭೆಗಳ ಶೋಧದ ವಿಷಯದಲ್ಲಿ ಉನ್ನತ ಸ್ಥಾನದಲ್ಲಿದೆ. ಈ ವಿಷಯದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ದೇಶಗಳು ಆಸ್ಟ್ರೇಲಿಯಾವನ್ನೂ ಹಿಂದಿಕ್ಕಿವೆ‘ ಎಂದು ಅವರು ಕ್ರಿಕೆಟ್ ಡಾಟ್ ಕಾಮ್ ಡಾಟ್ ಎಯು ವೆಬ್ಸೈಟ್ಗೆ ತಿಳಿಸಿದ್ದಾರೆ.</p>.<p>2016ರಿಂದ 2019ರವರೆಗೆ ಭಾರತ ಎ ಮತ್ತು 19 ವರ್ಷದೊಳಗಿನವರ ಕ್ರಿಕೆಟ್ ತಂಡಗಳಿಗೆ ದ್ರಾವಿಡ್ ಮುಖ್ಯ ಕೋಚ್ ಆಗಿದ್ದರು. ಆ ಸಂದರ್ಭದಲ್ಲಿ ಹಲವಾರು ಯುವಪ್ರತಿಭೆಗಳು ಮುಖ್ಯವಾಹಿನಿಗೆ ಬರಲು ಕಾರಣರಾಗಿದ್ದರು. ಆ ಸಂದರ್ಭದಲ್ಲಿ ದ್ರಾವಿಡ್ ಬಳಿ ತರಬೇತಿಗೊಂಡ ಕೆಲವು ಆಟಗಾರರು ಈಗ ಭಾರತ ತಂಡದಲ್ಲಿ ಆಡುತ್ತಿದ್ದಾರೆ.</p>.<p>‘ಯುವ ಆಟಗಾರರನ್ನು ಬೆಳೆಸುವ ವಿಷಯದಲ್ಲಿ ಆಸ್ಟ್ರೇಲಿಯಾಗೆ ಭವ್ಯವಾದ ಇತಿಹಾಸವಿದೆ. ಆದರೆ, ಈ ವ್ಯವಸ್ಥೆಯು ಕಳೆದ ಕೆಲವು ವರ್ಷಗಳಲ್ಲಿ ಬದಲಾಗಿದೆ. ಪ್ರತಿಭೆ ಇದ್ದರೂ ಕೆಲವು ಯುವ ಆಟಗಾರರು ಅವಕಾಶಗಳ ಕೊರತೆಯಿಂದ ಗೊಂದಲದಲ್ಲಿದ್ದಾರೆ. ಇದು ಒಳ್ಳೆಯದಲ್ಲ. ದೇಶಿ ಕ್ರಿಕೆಟ್ ವಿಭಾಗವು ಬಲಿಷ್ಠಗೊಳ್ಳಬೇಕು‘ ಎಂದು ಚಾಪೆಲ್ ಸಲಹೆ ನೀಡಿದ್ದಾರೆ.</p>.<p>‘ಈಚೆಗೆ ಬ್ರಿಸ್ಬೆನ್ ಟೆಸ್ಟ್ನಲ್ಲಿ ಐತಿಹಾಸಿಕ ಜಯಗಳಿಸಿದ ಭಾರತ ತಂಡವನ್ನು ನೋಡಿದರೆ, ಆ ದೇಶದ ಯುವಶಕ್ತಿಯ ಬಗ್ಗೆ ತಿಳಿಯುತ್ತದೆ. ಆ ಪಂದ್ಯ ನೋಡಿದವರೆಲ್ಲರೂ ಇದು ಭಾರತದ ಎರಡನೇ ತಂಡ ಎಂದು ಉದ್ಗರಿಸಿದ್ದರು. ಅವರಲ್ಲಿ ಬಹುತೇಕರು ಇಂಡಿಯಾ ಎ ತಂಡದಲ್ಲಿ ಮಾತ್ರ ಆಡಿದ್ದವರು. ವಿಭಿನ್ನವಾದ ವಾತಾವರಣ ಮತ್ತು ಸವಾಲುಗಳನ್ನು ಅವರು ಎದುರಿಸಿದ್ದರು‘ ಎಂದು ಚಾಪೆಲ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಡ್ನಿ:</strong> ಕ್ರಿಕೆಟ್ನಲ್ಲಿ ಪ್ರತಿಭಾ ಶೋಧ ಮತ್ತು ಪ್ರೋತ್ಸಾಹಕ್ಕಾಗಿ ಆಸ್ಟ್ರೇಲಿಯಾ ಪಾಲಿಸುತ್ತಿದ್ದ ಮಾದರಿಯನ್ನು ಅನುಸರಿಸಿದ ರಾಹುಲ್ ದ್ರಾವಿಡ್ ಭಾರತದಲ್ಲಿ ಇವತ್ತು ಯುವಪ್ರತಿಭಾವಂತರ ದೊಡ್ಡ ದಂಡನ್ನೇ ಸಿದ್ಧಗೊಳಿಸಿದ್ದಾರೆ ಎಂದು ಮಾಜಿ ಕ್ರಿಕೆಟಿಗ ಗ್ರೇಗ್ ಚಾಪೆಲ್ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಈ ಹಿಂದೆ ಆಸ್ಟ್ರೇಲಿಯಾದಲ್ಲಿ ಯುವಪ್ರತಿಭೆಗಳ ಶೋಧ, ತರಬೇತಿ ಮತ್ತು ಪ್ರೋತ್ಸಾಹಕ್ಕಾಗಿ ಹಲವು ಉತ್ತಮ ಯೋಜನೆಗಳನ್ನು ಹಾಕಿಕೊಳ್ಳಲಾಗಿತ್ತು. ಅವುಗಳನ್ನು ರಾಹುಲ್ ತಾವು ಕೋಚ್ ಆಗಿದ್ದಾಗ ಅನುಸರಿಸಿಕೊಂಡು ಯಶಸ್ವಿಯಾದರು. ಅದರಿಂದಾಗಿ ಇವತ್ತು ಭಾರತವು ಯುವ ಪ್ರತಿಭೆಗಳ ಶೋಧದ ವಿಷಯದಲ್ಲಿ ಉನ್ನತ ಸ್ಥಾನದಲ್ಲಿದೆ. ಈ ವಿಷಯದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ದೇಶಗಳು ಆಸ್ಟ್ರೇಲಿಯಾವನ್ನೂ ಹಿಂದಿಕ್ಕಿವೆ‘ ಎಂದು ಅವರು ಕ್ರಿಕೆಟ್ ಡಾಟ್ ಕಾಮ್ ಡಾಟ್ ಎಯು ವೆಬ್ಸೈಟ್ಗೆ ತಿಳಿಸಿದ್ದಾರೆ.</p>.<p>2016ರಿಂದ 2019ರವರೆಗೆ ಭಾರತ ಎ ಮತ್ತು 19 ವರ್ಷದೊಳಗಿನವರ ಕ್ರಿಕೆಟ್ ತಂಡಗಳಿಗೆ ದ್ರಾವಿಡ್ ಮುಖ್ಯ ಕೋಚ್ ಆಗಿದ್ದರು. ಆ ಸಂದರ್ಭದಲ್ಲಿ ಹಲವಾರು ಯುವಪ್ರತಿಭೆಗಳು ಮುಖ್ಯವಾಹಿನಿಗೆ ಬರಲು ಕಾರಣರಾಗಿದ್ದರು. ಆ ಸಂದರ್ಭದಲ್ಲಿ ದ್ರಾವಿಡ್ ಬಳಿ ತರಬೇತಿಗೊಂಡ ಕೆಲವು ಆಟಗಾರರು ಈಗ ಭಾರತ ತಂಡದಲ್ಲಿ ಆಡುತ್ತಿದ್ದಾರೆ.</p>.<p>‘ಯುವ ಆಟಗಾರರನ್ನು ಬೆಳೆಸುವ ವಿಷಯದಲ್ಲಿ ಆಸ್ಟ್ರೇಲಿಯಾಗೆ ಭವ್ಯವಾದ ಇತಿಹಾಸವಿದೆ. ಆದರೆ, ಈ ವ್ಯವಸ್ಥೆಯು ಕಳೆದ ಕೆಲವು ವರ್ಷಗಳಲ್ಲಿ ಬದಲಾಗಿದೆ. ಪ್ರತಿಭೆ ಇದ್ದರೂ ಕೆಲವು ಯುವ ಆಟಗಾರರು ಅವಕಾಶಗಳ ಕೊರತೆಯಿಂದ ಗೊಂದಲದಲ್ಲಿದ್ದಾರೆ. ಇದು ಒಳ್ಳೆಯದಲ್ಲ. ದೇಶಿ ಕ್ರಿಕೆಟ್ ವಿಭಾಗವು ಬಲಿಷ್ಠಗೊಳ್ಳಬೇಕು‘ ಎಂದು ಚಾಪೆಲ್ ಸಲಹೆ ನೀಡಿದ್ದಾರೆ.</p>.<p>‘ಈಚೆಗೆ ಬ್ರಿಸ್ಬೆನ್ ಟೆಸ್ಟ್ನಲ್ಲಿ ಐತಿಹಾಸಿಕ ಜಯಗಳಿಸಿದ ಭಾರತ ತಂಡವನ್ನು ನೋಡಿದರೆ, ಆ ದೇಶದ ಯುವಶಕ್ತಿಯ ಬಗ್ಗೆ ತಿಳಿಯುತ್ತದೆ. ಆ ಪಂದ್ಯ ನೋಡಿದವರೆಲ್ಲರೂ ಇದು ಭಾರತದ ಎರಡನೇ ತಂಡ ಎಂದು ಉದ್ಗರಿಸಿದ್ದರು. ಅವರಲ್ಲಿ ಬಹುತೇಕರು ಇಂಡಿಯಾ ಎ ತಂಡದಲ್ಲಿ ಮಾತ್ರ ಆಡಿದ್ದವರು. ವಿಭಿನ್ನವಾದ ವಾತಾವರಣ ಮತ್ತು ಸವಾಲುಗಳನ್ನು ಅವರು ಎದುರಿಸಿದ್ದರು‘ ಎಂದು ಚಾಪೆಲ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>