ಗ್ರೆನಡಾ: ಎವಿನ್‌ ಲೂಯಿಸ್‌ (102; 97 ಎಸೆತ, 6 ಬೌಂಡರಿ, 5 ಸಿಕ್ಸರ್‌) ಅವರ ಆಕರ್ಷಕ ಶತಕ ಮತ್ತು ಹೇಡನ್‌ ವಾಲ್ಶ್‌ (36ಕ್ಕೆ4) ಪರಿಣಾಮಕಾರಿ ಬೌಲಿಂಗ್‌ ನೆರವಿನಿಂದ ವೆಸ್ಟ್‌ ಇಂಡೀಸ್ ತಂಡ ಐರ್ಲೆಂಡ್‌ ಎದುರಿನ ಮೂರನೇ ಏಕದಿನ ಪಂದ್ಯದಲ್ಲಿ ಡಕ್ವರ್ಥ್‌ ಲೂಯಿಸ್‌ ನಿಯಮದ ಅನ್ವಯ 5 ವಿಕೆಟ್‌ಗಳಿಂದ ಗೆದ್ದಿದೆ. ಇದರೊಂದಿಗೆ ಸರಣಿಯಲ್ಲಿ ‘ಕ್ಲೀನ್‌ ಸ್ವೀಪ್‌’ (3–0) ಸಾಧನೆ ಮಾಡಿದೆ.
ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಐರ್ಲೆಂಡ್‌ 49.1 ಓವರ್‌ಗಳಲ್ಲಿ 203ರನ್‌ ಗಳಿಗೆ ಆಲೌಟ್‌ ಆಯಿತು. ವಿಂಡೀಸ್‌ ತಂಡದ ಇನಿಂಗ್ಸ್‌ ವೇಳೆ ಧಾರಾಕಾರ ಮಳೆ ಸುರಿಯಿತು. ಹೀಗಾಗಿ ಆತಿಥೇಯರಿಗೆ 47 ಓವರ್‌ಗಳಲ್ಲಿ 197ರನ್‌ಗಳ ಗೆಲುವಿನ ಗುರಿ ನೀಡಲಾಯಿತು. ಕೀರನ್‌ ಪೊಲಾರ್ಡ್‌ ಬಳಗ 36.2 ಓವರ್‌ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ಗುರಿ ಕ್ರಮಿಸಿತು.
