ಬೆಂಗಳೂರು: ಭಾರತ ತಂಡದ ಮಾಜಿ ಕ್ರಿಕೇಟಿಗ ಮಹಮ್ಮದ್ ಅಜರುದ್ದೀನ್ ಅವರು ಶುಕ್ರವಾರ ಟ್ವಿಟರ್ನಲ್ಲಿ ತಮ್ಮ ಹಳೆಯ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ತಮ್ಮ ಬಜಾಜ್ ಚೇತಕ್ ಸ್ಕೂಟರ್ ನ ಮೂರು ಚಿತ್ರಗಳನ್ನು ಹಂಚಿಕೊಂಡು ಅದರೊಂದಿಗೆ ಕಳೆದ ಹಳೆಯ ನೆನಪುಗಳನ್ನು ಮೆಲಕು ಹಾಕಿದ್ದಾರೆ.
‘ನನ್ನ ವೃತ್ತಿ ಆರಂಭದ ಸವಿ ನೆನಪುಗಳಲ್ಲಿ ಇದೊಂದು (ಬಜಾಜ್ ಸ್ಕೂಟರ್) ಅವಿಷ್ಮರಣೀಯವಾದದ್ದು. ಇದನ್ನು ನಾನು ನನ್ನ ಹಿತೈಷಿಯೊಬ್ಬರಿಂದ ನನ್ನ ಪ್ರತಿಭೆಗೆ ಮನ್ನಣೆಯಾಗಿ ಪಡೆದಿದ್ದೆ. ಇದೇ ಸ್ಕೂಟರ್ನಲ್ಲಿ ನಾನು ಮೈದಾನಕ್ಕೆ ತೆರಳಿ ಕ್ರಿಕೆಟ್ ಅಭ್ಯಾಸ ನಡೆಸುತ್ತಿದ್ದೆ‘ ಎಂದು ಅಜರುದ್ದೀನ್ ಬರೆದುಕೊಂಡಿದ್ದಾರೆ.
Fond memories of my early career days when I got this scooter as an acknowledgment of my talent. It was a great luxury as compared to walking or on some lucky days cycling for miles to reach the practise stadium in the wee hours. pic.twitter.com/GNH9wYlGlr
ಭಾರತ ಟೆಸ್ಟ್ ಕ್ರಿಕೆಟ್ ತಂಡದ ನಾಯಕರಾಗಿದ್ದ ಅಜರುದ್ದೀನ್ ಅವರು ಭಾರತದ ಪರವಾಗಿ 99 ಟೆಸ್ಟ್ಪಂದ್ಯ, 334 ಏಕದಿನ ಪಂದ್ಯಗಳನ್ನುಆಡಿದ್ದಾರೆ. ಪ್ರಸ್ತುತ ಅವರು ರಾಜಕೀಯದಲ್ಲಿ ಸಕ್ರಿಯರಾಗಿರುವುದಲ್ಲದೇ ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್ನ ಅಧ್ಯಕ್ಷರಾಗಿದ್ದಾರೆ.