ಏಕದಿನ ಕ್ರಿಕೆಟ್ | ಗ್ರೀನ್‌, ಕೇರಿ ಜತೆಯಾಟ: ಆಸ್ಟ್ರೇಲಿಯಾ ಜಯಭೇರಿ
ಅಕ್ಷರ ಗಾತ್ರ :ಆ |ಆ |ಆ
ಕೇನ್ಸ್‌, ಆಸ್ಟ್ರೇಲಿಯಾ: ಕೆಮರಾನ್‌ ಗ್ರೀನ್‌ ಮತ್ತು ಅಲೆಕ್ಸ್‌ ಕೇರಿ ಅವರ ಉತ್ತಮ ಜತೆಯಾಟದ ನೆರವಿನಿಂದ ಆಸ್ಟ್ರೇಲಿಯಾ ತಂಡ, ಮೊದಲ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ನ್ಯೂಜಿಲೆಂಡ್‌ ತಂಡವನ್ನು ಎರಡು ವಿಕೆಟ್‌ಗಳಿಂದ ಮಣಿಸಿತು.
ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ನ್ಯೂಜಿಲೆಂಡ್‌ 50 ಓವರ್‌ಗಳಲ್ಲಿ 9 ವಿಕೆಟ್‌ಗೆ 232 ರನ್ ಗಳಿಸಿತು. ಆ್ಯರನ್‌ ಫಿಂಚ್ ಬಳಗ 45 ಓವರ್‌ಗಳಲ್ಲಿ 8 ವಿಕೆಟ್‌ ಕಳೆದುಕೊಂಡು ಜಯ ಸಾಧಿಸಿತು.
ಸಾಧಾರಣ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ 44 ರನ್ ಗಳಿಸುವಷ್ಟರಲ್ಲಿ 5 ವಿಕೆಟ್‌ ಕಳೆದುಕೊಂಡಿತು. ಆದರೆ ಯುವ ಆಟಗಾರ ಗ್ರೀನ್‌ (ಔಟಾಗದೆ 89, 92 ಎ.) ಮತ್ತು ಕೇರಿ (85 ರನ್, 99 ಎ.) ಅವರು ಆರನೇ ವಿಕೆಟ್‌ಗೆ 158 ರನ್ ಸೇರಿಸಿ ಆತಿಥೇಯ ತಂಡಕ್ಕೆ ರೋಚಕ ಜಯ ತಂದಿತ್ತರು.
ಸಂಕ್ಷಿಪ್ತ ಸ್ಕೋರ್‌: ನ್ಯೂಜಿಲೆಂಡ್‌ 50 ಓವರ್‌ಗಳಲ್ಲಿ 9ಕ್ಕೆ 232 (ಡೆವೊನ್‌ ಕಾನ್ವೆ 46, ಕೇನ್‌ ವಿಲಿಯಮ್ಸನ್‌ 45, ಟಾಮ್‌ ಲಥಾಮ್‌ 43, ಜೋಶ್‌ ಹ್ಯಾಜೆಲ್‌ವುಡ್ 31ಕ್ಕೆ 3, ಗ್ಲೆನ್‌ ಮ್ಯಾಕ್ಸ್‌ವೆಲ್‌ 52ಕ್ಕೆ 4) ಆಸ್ಟ್ರೇಲಿಯಾ 45 ಓವರ್‌ಗಳಲ್ಲಿ 8ಕ್ಕೆ 233 (ಡೇವಿಡ್‌ ವಾರ್ನರ್‌ 20, ಅಲೆಕ್ಸ್‌ ಕೇರಿ 85, ಕೆಮರಾನ್‌ ಗ್ರೀನ್‌ ಔಟಾಗದೆ 89, ಟ್ರೆಂಟ್‌ ಬೌಲ್ಟ್‌ 40ಕ್ಕೆ 4) ಫಲಿತಾಂಶ: ಆಸ್ಟ್ರೇಲಿಯಾಕ್ಕೆ 2 ವಿಕೆಟ್‌ ಗೆಲುವು
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
