ಕ್ರಿಕೆಟ್‌: ಭಾರತ ಎ ವಿರುದ್ಧ ಆಸ್ಟ್ರೇಲಿಯಾ ಎ ಮೇಲುಗೈ

ಲಖನೌ: ವೇಗದ ಬೌಲರ್ ಹೆನ್ರಿ ಥಾರ್ನ್ಟನ್ (36ಕ್ಕೆ4) ಮತ್ತು ಆಫ್ ಸ್ಪಿನ್ನರ್ ಟಾಡ್ ಮರ್ಫಿ (48ಕ್ಕೆ2) ದಾಳಿಗೆ ಸಿಲುಕಿದ ಭಾರತ ಎ ತಂಡ, ನಾಲ್ಕು ದಿನಗಳ ‘ಟೆಸ್ಟ್’ ಪಂದ್ಯದ ಎರಡನೇ ದಿನವಾದ ಬುಧವಾರ 194 ರನ್ಗಳಿಗೆ ಆಲೌಟ್ ಆಯಿತು.

. 226 ರನ್ಗಳ ದೊಡ್ಡ ಮುನ್ನಡೆ ಕಟ್ಟಿಕೊಂಡ ಆಸ್ಟ್ರೇಲಿಯಾ ಎ, ಎರಡನೇ ಇನಿಂಗ್ಸ್ನಲ್ಲಿ ಆರಂಭದ ಕುಸಿತ ಅನುಭವಿಸಿದ್ದು 3 ವಿಕೆಟ್ಗೆ 16 ರನ್ ಗಳಿಸಿತ್ತು. ಆದರೆ ಒಟ್ಟಾರೆ 242 ರನ್ ಮುನ್ನಡೆಯಲ್ಲಿದೆ.

. ಬೆಳಿಗ್ಗೆ ಪ್ರವಾಸಿ ಆಸ್ಟ್ರೇಲಿಯಾ ಎ ತಂಡ ಮೊದಲ ಇನಿಂಗ್ಸ್ನಲ್ಲಿ (ಮಂಗಳವಾರ: 9ಕ್ಕೆ350) ತನ್ನ ಮೊತ್ತವನ್ನು 420 ರನ್ಗಳಿಗೆ ಬೆಳೆಸಿತ್ತು. ಕೊನೆಯ ವಿಕೆಟ್ಗೆ ಟಾಡ್ ಮರ್ಫಿ (76) ಮತ್ತು ಥಾರ್ನ್ಟನ್ (ಔಟಾಗದೇ 32) ಅವರು ಕೊನೆಯ ವಿಕೆಟ್ಗೆ 91 ರನ್ ಸೇರಿಸಿದ್ದರು.

. ಇದಕ್ಕೆ ಉತ್ತರವಾಗಿ ಭಾರತ ನಿಯಮಿತವಾಗಿ ವಿಕೆಟ್ಗಳನ್ನು ಕಳೆದುಕೊಂಡಿತು. ನಾರಾಯಣ ಜಗದೀಶನ್ (38, 45ಎ) ಮತ್ತು ಸಾಯಿ ಸುದರ್ಶನ್ (75, 140ಎ) ಬಿಟ್ಟರೆ ಉಳಿದವರು ವಿಫಲರಾದರು.

. ಸ್ಕೋರುಗಳು:

ಮೊದಲ ಇನಿಂಗ್ಸ್:

ಆಸ್ಟ್ರೇಲಿಯಾ ಎ: 97.2 ಓವರುಗಳಲ್ಲಿ 420 (ಟಾಡ್ ಮರ್ಫಿ 76, ಹೆನ್ರಿ ಥಾರ್ನ್ಟನ್ ಔಟಾಗದೇ 32; ಗುರ್ನೂರ್ ಬ್ರಾರ್ 75ಕ್ಕೆ3, ಮಾನವ್ ಸುತಾರ್ 107ಕ್ಕೆ5)

ಭಾರತ ಎ: 52.5 ಓವರುಗಳಲ್ಲಿ 194 (ನಾರಾಯಣ ಜಗದೀಶನ್ 38, ಸಾಯಿ ಸುದರ್ಶನ್ 75, ಆಯುಷ್ ಬದೋಣಿ 21; ಹೆನ್ರಿ ಥಾರ್ನ್ಟನ್ 36ಕ್ಕೆ4, ಟಾಡ್ ಮರ್ಫಿ 48ಕ್ಕೆ2)

ಎರಡನೇ ಇನಿಂಗ್ಸ್:

ಆಸ್ಟ್ರೇಲಿಯಾ ಎ: 7.5 ಓವರುಗಳಲ್ಲಿ 3ಕ್ಕೆ17 (ನಥಾನ್ ಮೆಕ್ಸ್ವೀನಿ ಔಟಾಗದೇ 11)

. ಕಂಕಷನ್ಗೆ ಒಳಗಾದ ಪ್ರಸಿದ್ಧ ಕೃಷ್ಣ

. ಭಾರತ ಎ ತಂಡದ ಬ್ಯಾಟಿಂಗ್ ವೇಳೆ, ವೇಗದ ಬೌಲರ್ ಥಾರ್ನ್ಟನ್ ಬೌಲಿಂಗ್ನಲ್ಲಿ ಪ್ರಸಿದ್ಧ ಕೃಷ್ಣ ಅವರ ಹೆಲ್ಮೆಟ್ಗೆ ಚೆಂಡು ಅಪ್ಪಳಿಸಿತು. ಅವರು ಕಂಕಷನ್ಗೆ ಒಳಗಾದರು. ಅವರ ಬದಲು ವಿದರ್ಭ ವೇಗಿ ಯಶ್ ಠಾಕೂರ್ ಬದಲಿ ಆಟಗಾರನಾಗಿ ಆಡಲಿಳಿದರು.

. ಹೆಲ್ಮೆಟ್ಗೆ ಚೆಂಡು ಬಡಿದ ತಕ್ಷಣ ವೈದ್ಯಕೀಯ ಸಿಬ್ಬಂದಿ ಧಾವಿಸಿದರು. ಪರೀಕ್ಷೆಯ ನಂತರ ಅವರು ಮೂರು ಓವರ್ ಆಡಿ, ನಂತರ ಮರಳಿದರು.

. ‘ಈಗ ಅವರು ಚೇತರಿಸಿದ್ದಾರೆ. ಅವರ ಮೇಲೆ ನಿಗಾ ಇಡಲಾಗಿದೆ. ಆಡುವ ಬಗ್ಗೆ ನಾಳೆ ನಿರ್ಧಾರ ಕೈಗೊಳ್ಳಲಾಗುವುದು’ ಎಂದು ತಂಡದ ಮೂಲವೊಂದು ಪಿಟಿಐಗೆ ತಿಳಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಕೆಟ್‌: ಭಾರತ ಎ ವಿರುದ್ಧ ಆಸ್ಟ್ರೇಲಿಯಾ ಎ ಮೇಲುಗೈ

ಚಿನಕುರುಳಿ | ಬುಧವಾರ, 24 ಸೆಪ್ಟೆಂಬರ್ 2025

ಚುರುಮುರಿ: ತರಕಾರಿ ತೆರಿಗೆ

ದಿನ ಭವಿಷ್ಯ: ರೈತರಿಗೆ ಬೆಳೆಗಳಿಗೆ ಉತ್ತಮ ಬೆಲೆ ದೊರೆಯುವ ಸಂಭವವಿದೆ

ಚಿನಕುರುಳಿ | ಮಂಗಳವಾರ, 23 ಸೆಪ್ಟೆಂಬರ್ 2025

ತಿಮ್ಮಪ್ಪಯ್ಯ ಸ್ಮಾರಕ ಟ್ರೋಫಿ | ಕರುಣ್ ಶತಕ; ಫೈನಲ್‌ಗೆ ಕೆಎಸ್‌ಸಿಎ ಕಾರ್ಯದರ್ಶಿ