ರಾಹುಲ್‌ ಶತಕ ಸೊಬಗು: ಭಾರತ ಎ ತಂಡಕ್ಕೆ ಜಯ

ಲಖನೌ: ಕೆ.ಎಲ್.ರಾಹುಲ್ (ಅಜೇಯ 176) ಹಾಗೂ ಸಾಯಿ ಸುದರ್ಶನ್ (100) ಅವರ ಶತಕಗಳ ಬಲದಿಂದ ಭಾರತ ಎ ತಂಡವು ಎರಡನೇ ‘ಟೆಸ್ಟ್’ ಪಂದ್ಯದಲ್ಲಿ 5 ವಿಕೆಟ್ಗಳಿಂದ ಆಸ್ಟ್ರೇಲಿಯಾ ಎ ತಂಡವನ್ನು ಸುಲಭವಾಗಿ ಮಣಿಸಿತು. ಅದರೊಂದಿಗೆ, ಎರಡು ಪಂದ್ಯಗಳ ಸರಣಿಯನ್ನು 1–0ಯಿಂದ ಜಯಿಸಿತು.

. ಮೊದಲ ಇನಿಂಗ್ಸ್ನಲ್ಲಿ 226 ರನ್ ಹಿನ್ನಡೆ ಅನುಭವಿಸಿದ್ದ ಧ್ರುವ್ ಜುರೇಲ್ ಪಡೆಯು ರಾಹುಲ್ ಹಾಗೂ ಸುದರ್ಶನ್ ಅವರ ಬ್ಯಾಟಿಂಗ್ ಬಲದಿಂದ ಎರಡನೇ ಇನಿಂಗ್ಸ್ನಲ್ಲಿ ಪಾರಮ್ಯ ಮೆರೆಯಿತು. ಆಸ್ಟ್ರೇಲಿಯಾ ಎ ತಂಡ ನೀಡಿದ್ದ 413 ರನ್ಗಳ ಬೃಹತ್ ಗುರಿಯನ್ನು ನಾಲ್ಕನೇ ಹಾಗೂ ಅಂತಿಮ ದಿನವಾದ ಶುಕ್ರವಾರ ನಿರಾಯಾಸವಾಗಿ ತಲುಪಿತು.

. ಗುರುವಾರ 2 ವಿಕೆಟ್ಗೆ 169 ರನ್ ಗಳಿಸಿದ್ದ ಭಾರತ ತಂಡವು ಶುಕ್ರವಾರ ಮಾನವ್ ಸುತಾರ್ (5) ಅವರ ವಿಕೆಟ್ ಬೇಗ ಕಳೆದುಕೊಂಡಿತು. ಆಗ, ಸುದರ್ಶನ್ ಅವರು ನಾಯಕ ಜುರೇಲ್ (56) ಜೊತೆಗೂಡಿ ನಾಲ್ಕನೇ ವಿಕೆಟ್ಗೆ 78 ರನ್ಗಳ ಉಪಯುಕ್ತ ಕಾಣಿಕೆ ನೀಡಿದರು.

. ಶತಕ ಸಿಡಿಸಿದ ಬೆನ್ನಲ್ಲೇ ಸುದರ್ಶನ್ ಅವರು ಸ್ಪಿನ್ನರ್ ಕೊರಿ ರೊಚಿಚಿಯೊಲಿ ಬೌಲಿಂಗ್ನಲ್ಲಿ ಜಾಕ್ ಎಡ್ವರ್ಡ್ಸ್ ಅವರಿಗೆ ಕ್ಯಾಚಿತ್ತು ನಿರ್ಗಮಿಸಿದರು. ಗುರುವಾರ ಗಾಯಗೊಂಡು ನಿವೃತ್ತರಾಗಿದ್ದ ರಾಹುಲ್ ಮತ್ತೆ ಬ್ಯಾಟಿಂಗ್ಗೆ ಇಳಿದರು. ಐದನೇ ವಿಕೆಟ್ಗೆ ಜುರೇಲ್ ಅವರೊಂದಿಗೆ 115 ರನ್ ಜೊತೆಯಾಟವಾಡಿದರು.

. ಸಮಯೋಚಿತವಾಗಿ ಆಡಿದ ರಾಹುಲ್ 136 ಎಸೆತಗಳಲ್ಲಿ ಶತಕ ದಾಖಲಿಸಿದರು. ಮುಂದಿನ 74 ಎಸೆತಗಳಲ್ಲಿ 76 ರನ್ ದೋಚಿದರು. ಜುರೇಲ್ ನಿರ್ಗಮಿಸಿದ ಬಳಿಕ ನಿತೀಶ್ ಕುಮಾರ್ ರೆಡ್ಡಿ (ಔಟಾಗದೇ 16) ಜೊತೆಗೂಡಿ ಚಹಾ ವಿರಾಮಕ್ಕೂ ಮೊದಲೇ ತಂಡವನ್ನು ಗೆಲುವಿನ ದಡ ಸೇರಿಸಿದರು.

. ರಾಹುಲ್ ಅವರ ಸೊಗಸಾದ ಇನಿಂಗ್ಸ್ನಲ್ಲಿ 16 ಬೌಂಡರಿ ಹಾಗೂ ನಾಲ್ಕು ಸಿಕ್ಸರ್ಗಳಿದ್ದವು. ಅದರೊಂದಿಗೆ, ರಾಹುಲ್ ಅವರು ಮುಂಬರುವ ವೆಸ್ಟ್ ಇಂಡೀಸ್ ಎದುರಿನ ಟೆಸ್ಟ್ ಸರಣಿಗೆ ಭರ್ಜರಿ ಸಿದ್ಧತೆಯನ್ನೇ ಮಾಡಿಕೊಂಡರು.

. ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ಆಸ್ಟ್ರೇಲಿಯಾ ಎ: 92.7 ಓವರ್ಗಳಲ್ಲಿ 420. ಭಾರತ ಎ: 52.5 ಓವರುಗಳಲ್ಲಿ 194. ಎರಡನೇ ಇನಿಂಗ್ಸ್: ಆಸ್ಟ್ರೇಲಿಯಾ ಎ: 46.5 ಓವರ್ಗಳಲ್ಲಿ 185. ಭಾರತ ಎ: 91.3 ಓವರ್ಗಳಲ್ಲಿ 5 ವಿಕೆಟ್ಗೆ 413 (ಸಾಯಿ ಸುದರ್ಶನ್ 100, ಕೆ.ಎಲ್.ರಾಹುಲ್ ಔಟಾಗದೇ 176, ಧ್ರುವ್ ಜುರೇಲ್ 56, ಟಾಡ್ ಮುರ್ಫಿ 114ಕ್ಕೆ3, ಕೊರಿ ರೊಚಿಚಿಯೊಲಿ 84ಕ್ಕೆ2).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಹುಲ್‌ ಶತಕ ಸೊಬಗು: ಭಾರತ ಎ ತಂಡಕ್ಕೆ ಜಯ

ಚಿನಕುರುಳಿ: ಶುಕ್ರವಾರ, 26 ಸೆಪ್ಟೆಂಬರ್ 2025

ಚುರುಮುರಿ | ಸ್ಥಾನ ‘ಮಾನ!’

ಮೈಸೂರಲ್ಲಿ ಎಸ್.ಎಲ್. ಭೈರಪ್ಪ ಅಂತಿಮ ಸಂಸ್ಕಾರ: ಗಣ್ಯರು ಭಾಗಿ

ರಾಮಾಚಾರಿ ಧಾರಾವಾಹಿಯ ಕೊನೆ ದಿನದ ಶೂಟಿಂಗ್: ಮೌನ ಗುಡ್ಡೆಮನೆ ಚಿತ್ರಗಳು ಇಲ್ಲಿವೆ